(යොහාන් භාසුර)

විදේශගතව සිටි මහජන උපයෝගිතා කොමිසමේ සභාපති ජනක රත්නායක මහතා නැවත ඊයේ (28) පස්වරුවේ කොල්ලුපිටියේ පිහිටි මුද්‍රා තබා ඇති කාර්යාලයට පැමිණිය ද පොලිසිය කාර්යාලය විවෘත කිරීමට නොපැමිණිමෙන් ඒ මහතා දැඩි අපහසුතාවට පත්විය.

ඒ මහතා විදේශගතව සිටියදී අධිකරණ නියෝගයක් මත කොල්ලුපිටිය පොලිසිය කාර්යාලයට පසුගිය මස 16 වැනිදා මුද්‍රා තැබූ අතර ඒ මහතා පැමිණි පසුව විවෘත කරන බව ද ප්‍රකාශ විය.

කෙසේ වෙතත් රත්නායක මහතා පැවසුවේ කාර්යාලය විවෘත කරන ලෙස කොල්ලුපිටිය පොලිසියෙන් ලිඛිතව ඉල්ලා තිබුණ ද නිලධාරීන් නොමැති යැයි පවසා විවෘත නොකළ බවයි.

අදාල කාර්යාලයට අපරාධ පරීක්‍ෂණ දෙපාර්තමේන්තුවේ නිලධාරීන් ද පැමිණි ගොස් ඇති බවට දැනගන්නට තිබේ.