IMG-LOGO

2025 ජුලි මස 12 වන සෙනසුරාදා


දකුණේ ලේකම්වරුන් දහයකට මාරු

(සුජිත් හේවාජුලිගේ)

පළාත් පාලන මැතිවරණය ප්‍රකාශයට පත්කර ඇති අවස්ථාවක දකුණු පළාතේ ගාල්ල මාතර සහ හම්බන්තොට දිස්ත්‍රික්කවල නගර සභා සහ ප්‍රාදේශීය සභා ලේකම්වරු දස දෙනෙක් එම පළාත් රාජ්‍ය සේවා කොමිෂන් සභාව විසින්  වහාම ක්‍රියාත්මක වන පරිදි මාරුකර යවනු ලැබ සිටිති.

දිවයිනේ සියලු පළාත් පාලන ආයතනවල( බෙන්තොට හැර) නිල කාලය අවසන්වීමත් සමග ඒ ආයතනවල පාලනය පෙරේදා(19) මධ්‍යම රාත්‍රියේ සිට පවතින්නේ නාගරික කොමසාරිස් වරුන් සහ ප්‍රාදේශීය සභා ලේකම්වරුන් යටතේය.

මේ සම්බන්ධයෙන් අප දකුණු පළාත් පළාත් පාලන කොමසාරිස්වරයාගෙන් කළ විමසුමකදී ඔහු පැවසුවේ දකුණු පළාත් ආණ්ඩුකාරවරයාගේ උපදෙස් සහ මැතිවරණ කොමිෂන් සභාවේ එකඟතාවය අනුව පළාත් රාජ්‍ය සේවා කොමිසම මෙම මාරු කිරීම් කළ බවයි.

මාරු කර යැවුණු නගර සභා සහ ප්‍රාදේශීය සභා ලේකම්වරුන් වැඩබලන පදනම යටතේ සිටි අය බවත් කළමනාකරණ සේවා අධි ශ්‍රේණියේ ස්ථිර නිලධාරීන් දස දෙනකු පත් කිරීම සඳහා මෙම ස්ථානමාරුවීම් කළ බවත් ඔහු සඳහන් කළේය.

නව නිලධාරීන් දසදෙනා පත් කෙරෙන්නේ විශේෂ පුහුණුවකින් පසුව බවද දකුණු පළාත් පළාත් පාලන කොමසාරිස්වරයා කීවේය.

මේ සම්බන්ධයෙන් අප අතිරේක මැතිවරණ කොමසාරිස් ( නීති) චින්තක කුලරත්න මහතාගෙන් කළ විමසුමකදී ඔහු පැවසුවේ තමා මේ සම්බන්ධයෙන් කරුණු සොයා බැලීමක් කරන බවයි.

මේ සම්බන්ධයෙන් අප පැෆරල් සංවිධානයේ විධායක අධ්‍යක්ෂ රෝහණ හෙට්ටිආරච්චි මහතාගෙන් කළ විමසුමකදී ඔහු පැවසුවේ බොහෝ දුරට මෙය දේශපාලන හේතු මත කළ මාරු වීමක් විය හැකි බවයි.

සාධාරණ හේතු තිබුණද මැතිවරණයක් ප්‍රකාශයට පත් කර ඇති සහ නගර සභා ප්‍රාදේශීය සභා ලේකම්වරුන්ට බලය පැවරී ඇති අවස්ථාවක මෙසේ මාරු කිරීම් කිරීම නොකළ යුතු දෙයක් බව පැවසූ හෙට්ටිආරච්චි මහතා මෙමගින් වැරදි පණිවුඩයක් සමාජගත විය හැකි බවද සඳහන් කළේය.

 



අදහස් (2)

දකුණේ ලේකම්වරුන් දහයකට මාරු

අසාධාරණ Tuesday, 21 March 2023 09:01 AM

පුවතට අනුව නම් කරල තියෙන්නෙ සුදුස්සාට සුදුසු තැන දීමක් කියලා පැහැදිලියි අධිශ්‍රේනියේ නිළධාරින් සිටිද්දී සුදුසු කම් සම්පූර්ණ නොකල නිළධාරින් ලේකම් ලෙසට පත්කර කලකට පෙර කරල තියෙන්නෙ බරපතළ වරදක් වෙනවා දැන් වත් එය නිවැරදි කිරීම රාජ්‍ය සේවයේ ගරුත්වය රැකීමක් කියන්න පුළුවන් මැතිවරණය අවස්ථාවක බලය ලත් නිළධාරින් ලෙසට සුදුස්සෝ පත්කිරීම වැරදියි කීමත් තමන්ගෙ වාසියට කියන කතාවක් කියන්න පුළුවන්

:       0       3

ගජමිතුරු Tuesday, 21 March 2023 12:47 PM

විධායක අධ්‍යක්ෂවරයා ප්‍රේමදාස ජනාධිපති කාලයේ ඉන්න ඇති කියලා හිතනවා හිටියනම් 1989 ජනාධිපතිවරණය වෙලාවෙ ජනාධිපති තනතුර සදහා ජනතාව වඩාත් පිළිගන්න දෙදෙනෙක් එජාපයේ හිටියා එතුමන්ලා මැතිවරණ දිණුවා නමුත් ප්‍රේමදාස මහතා ඒ දෙදෙනාම ඉවත්කර හිටපු සමුපකාර පරීක්ෂක විජේතුංග අගමැති කලා මොකටද ජනාධිපතිවරයාට පාලනය පහසුව සදහා .ඒ වගේම තමයි නිළධාරින් දසදෙනා මාරුකල සභාවල හිටපු සභාපතිලා ඔවුන්ට හිතවතුන් වංචා දූෂණ කරගෙන යාමට සුදුසුකම් නැතුව ලේකම් ලෙසට තියාගෙන ඉන්න ඇති .එනිසා ඔවුන් තවදුරටත් ඒවායේ හිටියොත් හිටපු පාලකයන්ට අවශ්‍ය ලෙසට ඔවුන් කටයුතු කරාවි එසේනම් එය හොදයි කියලා අධ්‍යක්ෂතුමා පිළිගන්නවා නම් කණගාටුවෙන් වුනත් ඔබතුමා පොහොට්ටු පාක්ෂිකයෙක් ලෙස හිතන්න වෙනවා

:       1       2

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 274 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 802 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 1214 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site