(අමදෝරු අමරජිව)

පසුගිය කොවිඩ් 19 වසංගතය හමුවේ නිවෙස්වල සිට ඉගැන්විම් සිදු කිරිම සදහා ගුරුවරු වට්ස් ඇප් සමුහ භාවිතා කර තිබු අතර ත්‍රිකුණාමල දිස්ත්‍රික්කය ඇතුලු නැගෙනහිර පලාතේ ඇතැම් පාසල්වල සිසුන්ට එම වට්ස් ඇප් හරහා පාසල් නොයන ලෙස දැනුම් දි ඇත.

ඇතැම් විදුහල්පතිවරු තම පාසල් වල ගුරු මණ්ඩල සම්බන්ධ කර ගැනිම වට්ස් ඇප් හරහා සිදු කරන අතර විදුහල්පතිවරු තම ගුරු මණ්ඩලයට වට්ස් ඇප් භාවිතා කරමින් දැනුම් දි ඇත්තේ සිසුන්ව පාසලට ගෙන්වා ගැනිම නොකල යුතු බවය.

ඒ අනුව වැඩ වර්ජිත ගුරුවරු තම තමන්ගේ පංතිවල මාපියන්ට වට්ස් ඇප් හරහා දරුවන් පාසලට නොයවන ලෙසත් යම් හෙයකින් පාසලට පැමිණිය හොත් එහි වගකීම තමන් භාර නොගන්නා බවත් පවසා ඇත.

නාදුනන පිරිස් පාසලට පැමිණ සිදුකරන ඉගැන්විම හා වෙනත් සිදුවිම් සම්බන්ධයෙන් තමන් වග නොකියන බව මෙම වට්ස් ඇප් හරහා දැනුම් දිම නිසා මාපියන් සිය දරුවන් පාසල් යැවිමෙන් වැලකි සිටි බව දැන ගන්නට ඇත