(ජයරත්න වික්‍රමාරච්චි, හිරාන් ප්‍රියංකර ජයසිංහ, සහ පුත්තලම එච්.චන්දන)

අකුරණ ප්‍රදේශයේ පරවියන් ඇති කරන්නන්ගේ සංගමයක් තරගයක් සදහා ලොරි රථයකින් රැගෙන ගිය පරවියන් 359 දෙනකු කරුවලගස්වැව වනජීවි නිළධාරින් අල්ලා තබ්බෝව ඩී.එස්.සේනානායක විදුහල් ක්‍රිඩාංගනයේ දී අද (30) දින උදෑසන මුදා හැරිමට කටයුතු කළේය.

මෙම පරවියන් ආරක්ෂීත පෙට්ටි 11ක් තුළ රඳවා වනාතවිල්ලුව මයිලන්කුලම ප්‍රදේශය හරහා රැගෙන යමින් සිටියදි තබ්බෝව අභය භුමිය ආසන්නයේ අත්අඩංගුවට ගැනිමට වනජීවි නිළධාරිහු කටයුතු කළහ.

ගෘහාස්ශ්‍රීතව ඇති කරන පරවින් අභය භුමිය ආසන්න ප්‍රදේශයේදි මුදා හැරිම වනජීවි පනත අනුව තහනම් බවත් ඒ අනුව කුඩු 11 ක රදවා සිටි පරවින් 359 දෙනා මෙසේ අදාල සංගමයේ සාමාජීකයන් සමග රැගෙන ආ වාහනය ද සමග අත් අඩංගුවට ගෙන ඇත.

මහනුවර අකුරණ ප්‍රදේශයේ තරග සදහා පරවියන් ඇති කරන සංවිධානයයක් අද උදෑසන පරවියන් පුත්තලම කරතිව් ප්‍රදේශයේ දි තරගයට මුදා හැරිමට සුදානම්ව සිටියදී වන ජීවි නිළධාරින් මෙසේ අත් අඩංගුවට ගත්තේය.