(ජේ.කේ.එල්. චාමින්ද)

අක්මිමණ නියාගම ජනපදයේ පදිංචි තිදරු මවකගේ ගෙල මන්නා පිහියකින් කපා  ඝාතනය කොට ඇති බැව්   අක්මිමන පොලිසිය පවසයි.

මෙම කාන්තාව වසර ගණනාවක් සිට ඇසුර කළ පුද්ගලයකු මෙම ඝාතනය සිදුකොට ඇති බවට  අනාවරණය වි ඇති බැව් පොලිසිය පවසයි. ඝාතනය කොට ඇත්තේ  අක්මිමන  නියාගම ජනපදයේ පදිංචි  58 හැවිරිදි වැන්දඹු කාන්තාවකි.

ඇයගේ සැමියා  මිය යාමෙන් පසු වසර 15ක පමණ කාලයක සිට  මෙම කාන්තාව සමග සැකකරු සම්බන්දතාවයක් පවත්වාගෙන ගොස් ඇති  බව තොරතුරු අනාවරණය වී ඇතැයි පොලිසිය පවසයි.

සැකකරුගේ පාවහන් යුගළය හා විදුලි පන්දම ද එම ස්ථානයේ තිබි පොලිසිය මගින් සොයාගෙන ඇත. සැකකරු අත්අඩංගුවට ගැනිම සදහා පොලිසිය  විසින් පරික්ෂණ ආරම්භකොට ඇත.

මියගිය කාන්තාවගේ මුලික මහේස්ත්‍රාත් පරික්ෂණය අද (04) පැවැත්විමට නියමිතව තිබුණි. අක්මිමන පොලිසිය මෙකි ඝාතනය සම්බන්දව වැඩිදුරපරික්ෂණ පවත්වයි.