(අංජුල මහික වීරරත්න)

නව වසරේ තෑගි මල්ලක් ලෙස ආණ්ඩුව ජනතාවට ලබාදී ඇත්තේ ව්‍යසන මල්ලක් බව එක්සත් ජාතික පක්ෂ සභාපති වජිර අබේවර්ධන මහතා පැවසීය.

ආණ්ඩුව  ලංකා ආර්ථිකයට කර තිබෙන හානිය මුදල් අච්චු ගසා ජනතාව අතර බෙදාදීමෙන් විසඳා ගත නොහැකි බව කී අබෙිවර්ධන මහතා රනිල් වික්‍රමසිංහ පාලනයක් යටතේ  නැවත රට ගොඩනගා සියලු රටවැසියන් පොහොසතුන් බවට පත්කරන යුගය අරඹන බව කීය.

 ආණ්ඩුව දුන් සහන මල්ලෙන් රටට ඩොලර් රටට ගලා එන්නේ නැතැයි ද  පෙට්‍රල්, ඩීසල්, භූමිතෙල් කිසිවක මිල අඩුවෙන්නෙත් නැතැයි ද කී එජාප සභාපතිවරයා කෘෂි කර්මාන්තයට අවශ්‍ය කරන අත්‍යවශ්‍ය පොහොර හෝ මහජනතාවට එදිනෙදා අවශ්‍ය කරන බෙහෙත් වර්ග පැනඩෝල් පෙත්තක් වත් ලැබෙන්නෙ නැතැයි කීය .