(ප්‍රසාද් රුක්මල් ) 

බණ්ඩාරවෙල පූනාගල වත්ත උඩහේන මාර්ගයේ දී තේ දළු එකතු කිරිමට යමින් තිබූ ට්‍රැක්ටරයක් මාර්ගයෙන් ඉවතට පැන අඩි 60ක පමණ ප්‍රපාතයකට  පෙරලී යාමෙන් රියසහයක මියගොස් රියදුරු බරපතළ තුවාල ලබා කොස්ලන්ද රෝහලට ඇතුළත් කළ බව ලියන්ගහවෙල පොලිසිය පවසයි .

අනතුරින් මියගොස් ඇත්තේ බණ්ඩාරවෙල පූනාගල වත්ත උඩහේන කොටසේ පදිංචිව සිටි වීරමුත්තු සුන්දරේශන් (54) නැමති අය බවද පොලිසිය කීය .

ට්‍රැක්ටරය පැදවූ රියදුරු වන පූනාගල වත්ත එල්.එල්.ජී. කොටසේ පදිංචි 44 හැවිරිදි නන්දකුමාර් මංගලේශ්වරන් අනතුරින් තුවාල ලබා කොස්ලන්ද රෝහලේ ප්‍රතිකාර ලබමින් පසුවෙන බව පොලිසිය පැවසීය .

පූනාගල වත්ත ට අයත් මෙම ට්‍රැක්ටරය  තේ දළු එකතු කිරීම සදහා උඩහේන දෙසට ධාවනය  වෙමින් තිබියදී මෙසේ ප්‍රපාතයකට පෙරලීයාමෙන් අනතුර සිදුව ඇතැයි පොලිසිය සදහන් කළේය .