(සුජිත් හේවාජුලිගේ සහ  අන්ජුල මහික වීරරත්න)

ණය  ප්‍රතිව්‍යුහගතකරණයට අදාළ ගිවිසුම් දෙක අනුමත කිරීම සඳහාවූ යෝජනා සම්මතය පාර්ලිමේන්තුවේ අලුත්ම න්‍යාය පුස්තකයට ඇතුළත් කරනු ලැබ ඇත.

මෙසේ න්‍යාය පුස්තකයට  ඇතුළත් කර ඇත්තේ ශ්‍රී ලංකා රජය සහ නිල ණය හිමියන්ගේ කමිටුව අතර පසුගිය ජුනි මස  26 වැනිදා එළඹෙන ලද අවසන් ගිවිසුම සහ ශ්‍රී ලංකා රජය සහ චීන අපනයන හා ආනයන බැංකුව අතර පසුගිය ජුනි මස 26 වැනිදා එළඹෙන ලද අවසන් ණය ගිවිසුම් සංශෝධනය කිරීමේ ගිවිසුමයි.

මෙම ගිවිසුම් දෙක පාර්ලිමේන්තුවේදී ලබන සතියේදී අනුමත කිරීමට නියමිතය.

මෙම ගිවිසුම් දෙක පාර්ලිමේන්තුවේදී මීට පෙර අනුමත කිරීමට නියමිතව තිබුණත් විපක්ෂයෙන් ඉදිරිපත් කෙරුණු කරුණු දැක්වීම හේතුවෙන් විවාදයට ගැනීම කල් ගියේය.

මෙම ගිවිසුම් දෙක ක්‍රියාත්මක කිරීම සඳහා සියලු අවසර මුදල් අමාත්‍යවරයාට ලබාදීම මෙම යෝජනා සම්මතයේ අරමුණයි.