සමාජිය සහ ආර්ථික ගැටලු හමුවේ මෙරට කාන්තාවන්ට අත්යවශ්ය උපදෙස් හා මඟ පෙන්වීම් සලසමින් ඔවුන්ට සවියක් වන මෙරට ප්රථම ත්රෛභාෂික වෙබ් අඩවිය වන යෙහෙළි යාවත්කාලීන කිරීමට ඩයලොග් ආසිආටා පීඑල්සී කටයුතු යොදා තිබේ. ශ්රී ලංකාවේ කාන්තාවන් අඛණ්ඩව සවිබල ගැන්වීමේ අරමුණ පෙරදැරිව Yeheli.lk මෙලෙස නවමු වෙනසකින් යුතුව යාවත්කාලීන කෙරෙන බව ඩයලොග් පරිශීලකයන් වෙත දැනුම් දෙයි.
මෙරට කාන්තාවන් මුහුණ දෙන බරපතළ සමාජ ගැටලු හමුවේ, ඔවුන්ට අත්යවශ්ය මානසික සෞඛ්ය රැකවරණය සැලසීමේ අරමුණින් ඩයලොග් විසින් මෙම වෙබ් අඩවිය හඳුන්වා දෙනු ලැබිණි. කාන්තාවන් මුහුණ පාන, ස්ත්රී පුරුෂ සමාජභාවය මත පදනම් වූ ප්රචණ්ඩත්වය, රැකියා ස්ථාන තුළ සිදුවන මානසික පීඩා සේම, නායකත්ව භූමිකාවන්හි කාන්තා නියෝජනය අඩුවීම ආදිය වර්තමානයේ තීරණාත්මක සමාජීය ගැටලු බවට පත්ව තිබේ. එවැනි ගැටලු හමුවේ, මෙරට කාන්තාවන්ට පහසුවෙන් ප්රවේශ විය හැකි වෙබ් අවකාශයක අවශ්යතාව සැළකිල්ලට ගනිමින් මෙය දියත් කෙරිණි. විශේෂයෙන්ම, කාන්තාවන්ගේ මානසික සෞඛ්යය රැකවරණය සම්බන්ධයෙන් පවතින අවශ්යතාවද මෙමගින් සපුරාලීම අපේක්ෂාවයි.
ශ්රී ලංකාවේ කාන්තාවන් සඳහා නොමිලේ සහය සලසන මෙම අඩවිය වටා මේ වන විටත් 500,000 කට අධික පරිශීලක සංඛ්යාවක් එක්රොක් වී සිටිති. එලෙස එක් වන පරිශීලකයින්හට අපයෝජන, පුද්ගල සම්බන්ධතා ආශ්රිත ගැටලු, පවුල් සැලසුම් හා ලිංගික සෞඛ්යය ගැටලු ආදිය සම්බන්ධයෙන් මෙන්ම, ගෘහස්ථ ප්රචණ්ඩත්වය ආදී සංවේදී කාරණා සම්බන්ධයෙන් ගැටලු පවතින අවස්ථාවක, අන්තර්ජාලය ඔස්සේ විශේෂඥ සහය ලබා ගැනීම සඳහා සුරක්ෂිත අවකාශය මින් අඛණ්ඩව සලසයි.
මෙම වෙබ් අඩවිය යාවත්කාලීන කොට යළි දියත් කිරීම පිළිබඳව, ඩයලොග් ආසිආටා පීඑල්සී හි තිරසාර අංශ ප්රධානී සහ අවදානම් සහ අනුකූලතා පිළිබඳ සමූහ ප්රධානී අසංග ප්රියදර්ශන මහතා අදහස් දක්වමින් මෙලෙස සඳහන් කළේය.
“යෙහෙළි මෙරට කාන්තාවන්ගේ ජීවිත අලෝකමත් කිරීමට සංවේදී මාතෘකා පිළිබඳ සාකච්ඡා කරමින්, ඒවා සම්බන්ධයෙන් මෙම සුරක්ෂිත වෙබ් අවකාශයෙන් නිසි මග පෙන්වීම් හා උපදෙස් ලබා දෙමින් අත්යවශ්ය සහය සලසනවා. අපි බරපතළ සමාජීය අභියෝගවලට මුහුණ දෙමින් සිටින අවස්ථාවක, මෙම වෙබ් අඩවිය මෙරට ආර්ථිකයට අත්වැලක් වීමට කාන්තාවන් ශක්තිමත් කිරීම සඳහා කැප වන බව සඳහන් කළ යුතුයි. ඒ අනුව, වෙබ් අඩවිය මෙලෙස නැවත දියත් කිරීම, ශ්රී ලංකාව ඩිජිටල් තාක්ෂණයන් භාවිතා වන සමාජයක් බවට පත් කිරීමේ කිරීමේ අපගේ දැක්ම සම්බන්ධයෙන් සුවිශේෂී පියවරක්.”
හංවැල්ල ජල්තර රාජ්ය සේවක නිවාස සංකීර්ණයේ පදිංචිව සිටි තම බිරිය ඝාතනය සදහා ඊයේ (05) දින සවස අත් බෝම්බයක් රැගෙන පැමිණි නීත්යානුකූල සැමියා බව කියන පුද්ගල
ශ්රී ලංකාව විදේශ ණය ප්රතිව්යුහගතකරණය කළ ද ජපානයේ මූල්ය ආධාරවලින් ඉදිකිරීමට යෝජිත සැහැල්ලු දුම්රිය ව්යාපෘතියේ වැඩ ආරම්භ කිරීම අවිනිශ්චිත තත්වය
විරුද්ධ දේශපාලන පක්ෂයක දකුණු පළාතේ ප්රධාන නගරයක පැවැත්වූ මැයි දින රැලියකට රක්වාන මැතිවරණ කොට්ඨාසයෙන් සහභාගී වූ පාක්ෂිකයන්ට උදේ ආහාරයට ලබාගත් පාන්
කුලියාපිටියේ පෙම්වතියගේ නිවෙසට ගිය සුසිත් ජයවංශ නැමැති තිස් හැවිරිදි තරුණයා පැහැරගෙන අතුරුදන් කිරීමට යොදාගත් බවට සැලකෙන වෑන් රථය මාතලේ, විල්ගමුව සත
හංවැල්ල ජල්තර රාජ්ය සේවක නිවාස සංකීර්ණයේ පදිංචිව සිටි තම බිරිය ඝාතනය සදහා අත් බෝම්බයක් රැගෙන පැමිණි සැමියා බව කියන පුද්ගලයකු කුඩා දරුවන් දෙදෙනකු ප්
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ඩයලොග් යෙහෙළි වෙබ් අඩවිය යාවත්කාලීන කරයි