(අංජුල මහික වීරරත්න සහ සුජිත් හේවාජුලිගේ)

රටට නැවත සංචාරකයන් එන්නට පටන් ගන්නා මොහොතේ කොළඹ  සිට මහනුවරට නැවත උද්ඝෝෂණ පෙළපාළි පැවැත්වීමෙන් වළකින්නැයි විපක්ෂ නායකවරයාගෙන් ඉල්ලා සිටින බව සංචාරක රාජ්‍ය අමාත්‍ය ඩයනා ගමගේ මහත්මිය පාර්ලිමේන්තුවේ දී පැවසුවාය.

නැවත  ජනතාව  අවුස්සා ගත්තොත් විපක්ෂ නායකවරයාට මෙවර ගුටි කන්නට වෙන්නේ පාරේ ඉන්න ජනතාවගෙන් බවද ඩයනා ගමගේ මහත්මිය කීවාය.

නැවත පෙළපාළි  යන්න ලෑස්ති වෙලා ජනතාව අවුස්සාගන්න හදන්නේ  නොහැකියාව පෙන්වන්න බවද හැකියාව තිබුණා නම් ගෝඨාභයට ලියුම් ලියපු වෙලාවේ වගකීම බාර ගන්න තිබු බවද රාජ්‍ය අමාත්‍යවරිය කීවාය.

රනිල් වික්‍රමසිංහ මහතා  අභියෝගය බාරගත් වෙලාවේ සජිත් පමණක් නොව ඔහුගේ බිරියත් ගෝඨාභය ජනාධිපතිවරයාට කතා අගමැතිකම ඉල්ලූ බව ගෝඨාභය රාජපක්ෂ මහතා තමන්ට පැවැසූ බව කී ඩයනා ගමගේ මහත්මිය"ඔබගේ නොහැකියාව ළඟ තියාගන්න .පාර්ලිමේන්තුවේ කෑගහන්න .රටට විනාශය කරන්න එපා"යනුවෙන්ද පැවැසීය.