(නොර්වුඩ් රංජිත් රාජපක්ෂ සහ සුදත් එච්. එම්. හේවා) 

වත්මන් රජය විසින් වතුකරයේ ජනතාවට ලබාදුන් පොරොන්දු ලබාදිමට රජය කටයුතු නොකරන්නේ නම් තමන් රජයට දක්වන සහයෝගයෙන් ඉවත් වන බව ලංකා කම්කරු කොංග්‍රසයේ මහ ලේකම් සහ වතු යටිතල පහසුකම් සහ ප්‍රජා සංවර්ධන රජ්‍ය අමාත්‍ය  ජිවන් තොණ්ඩමන් මහතා පැවසිය.

ජිවන් තොණ්ඩමන් මහතා (02) දින කොටගල ලංකා කම්කරු කොංග්‍රස මුලස්ථානයේදි මාධ්‍ය හමුවක් පවත්වමින් ඒ බැව් පැවසිය.
මෙහිදි වැඩිදුරටත් අදහස් දැක් වු ජිවන් තොණ්ඩමන් මහතා මෙසේ පැවසිය.

‘ලංකා කම්කරු කොංග්‍රසය රජයට සහයෝගය දෙන්න තිරණය කලේ රජය කෙරෙහි ලොකු විශ්වාසයක් තබා ගනිමින්. වතුකරයේ ජනතාවගේ යටිතල පහසුකම් නංවාලිමට කටයුතු කරන බවට අපට පොරොන්දු වු නිසා. වත්මන් රජයේ ක්‍රියා පටිපාටිය පිලිබදව මම විතරක් නෙවෙයි ආණ්ඩු පක්ෂයෙත් විශාල පිරිසක් දැඩි කල කිරිමෙන් ඉන්නේ.“