(නිමල කොඩිතුවක්කු)

ඉන්ධන මිල ඉහළ දැමීම ඇතුලු ජීවන වියදම ඉහල යාමට විරෝධය පළකරමින් සමගි ජනබලවේගය සංවිධානය කළ විරෝධතාවයක් දෙමටගොඩ ගුවන් පාලම අසලදී අද (05) රාත්‍රියේ පැවැත්විණ.

විරෝදතාකරුවන් පන්දම් දල්වමින්, ගෑස් සිලින්ඩර රැගෙන එමින් සටන් පාඨ කියමින් ගුවන් පාලම අසල රාත්‍රී 7.00 සිට පැයක පමණ කාලයක් විරෝධතාවයේ නිරත වූහ.

ඉන්ධන මිල පහත හෙලනු, ජනතාවට සහන දෙනු, ස ෆෙල් ස ගෙ ආණ්ඩුවත් ෆෙල්, කුස්සියට ගෑස් නෑ, රටටම කරන්ට් නෑ, බඩට කන්න නෑ, ආණ්ඩුවට මොලේ නෑ, යන විරෝධතාපුවරු ප්‍රදර්ශනය කරමින් පිරිස  මෙලෙස  විරෝධතාවයේ නිරත වූහ.

මෙම අවස්ථාව සඳහා සමගි ජනබලවේගයේ නියෝජිතයින්  ඇතුළු පිරිසක් එක්ව සිටියහ.

ඉන්ධන මිල ඉහළ දැමීම ඇතුලු ජීවන වියදම ඉහල යාමට විරෝධය පළකරමින් සමගි ජනබලවේගයේ නියෝජිතයින් පන්දම් දල්වමින්, ගෑස් සිලින්ඩර රැගෙන එමින් සටන් පාඨ කියමින් දෙමටගොඩ ගුවන් පාලම අසල විරෝදතාවයේ නිරතව සිටි අයුරු.

(ඡායාරූප: ශාන්ත රත්නායක)