(සුජිත් හේවාජුලිගේ)

අල්ලස් කොමිසම අත්අඩංගුවට ගත් ශ්‍රී ජයවර්ධනපුර රෝහලේ විශේෂඥ ස්නායු ශල්‍ය වෛද්‍යවරිය යටතේ ශල්‍යකර්මවලට ලක්ව අගතියට පත් පුද්ගලයන්ගේ තොරතුරු රැස්කිරීමට එම කොමිෂන් සභාව තීරණය කර ඇත

ශල්‍ය උපකරණ භාවිතයෙන් කළ ස්නායු ශල්‍යකර්මවලදී එම උපකරණ බාහිර ආයතනවලින් ලබා ගැනීමට සැලැස්වීමෙන් රෝගීන්ට අලාභ සිදුකිරීම් ඇතුළු චෝදනා කිහිපයක් යටතේ වෛද්‍යවරිය අල්ලස් කොමිසම විසින් අත්අඩංගුවට ගනු ලැබුවාය.

එලෙස අගතියට පත්වු පුද්ගලයන් 77 දෙනෙකුගෙන් පමණ කොමිසම ප්‍රකාශ සටහන් කරගෙන ඇත.

අගතියට පත් තවත් පුද්ගලයන් හෝ මෙම අක්‍රමිකතාව පිළිබඳව තොරතුරු දන්නා පුද්ගලයන්ට එම තොරතුරු ලබාදිය හැකි බව අල්ලස් කොමිසම පවසයි.

ඒ අනුව 1954 යන අල්ලස් හෝ දූෂණ චෝදනා විමර්ශන කොමිෂන් සභාවේ ක්ෂණික ඇමතුම් අංකයට හෝ [email protected] විද්‍යුත් ලිපිනය හරහා එම තොරතුරු දැනුම්දිය හැකි බව කොමිසම සඳහන් කළේය.