(රංජන් කටුගම්පල)

අවශේෂ කැලෑ පාලනය සම්බන්ධයෙන් ඉඩම් කොමසාරිස්ට බලය පවරමින් නිකුත් කර ඇති ගැසට් නිවේදනය අනුව ඉදිරි පියවර ගන්නැයි ඉඩම් කොමසාරිස්වරයාට අභියාචනාධිකරණය අද නියෝග කළේය.

මෙම නියෝගය සැප්තැම්බර් 1 දක්වා බල පැවැත්වේ.

අභියාචනාධිකරණය මෙම නියෝගය නිකුත් කරනු ලැබුවේ මෙතෙත් වනසංරක්ෂණ පාලනය යටතේ පැවැති  අවශේෂ කැලෑවන් පාලනය කිරීමේ බලය ඉඩම් කොමසාරිස්ට පවරමින්  නිකුත්කර ඇති ගැසට් නිවේදනය අභියෝගයට ලක්කරමින් පරිසරික යුක්ති කේන්ද්‍රය  ගොනු කළ රිට් පෙත්සමක් සලකා බැලීමෙන් අනතුරවිය.

මෙම රිට්පෙත්සම සෝභිත රාජකරුණා සහ ධම්මික ගනේපොළ යන මහත්වරුන්ගෙන් සැදුම්ලත් අභියාචනාධිකරණ විනිසුරු මඩුල්ලක් හමුවේ සලකා බැලිණි.