(විමුක්ති එස් රුද්රිගු)
තම අසල්වැසියාගේ ගෙවත්තේ තිබූ ගසක් කපා දැමීම හේතුවෙන් 59 හැවිරිදි ඒඩ්රියන් ස්ටේයාර්ස් නම් බ්රිතාන්ය ජාතිකයෙකුට තමා පදිංචි නගරයට ඇතුළු වීම වසර 15 ක් යනතෙක් තහනම් කිරීමට නොර්තැම්ප්ටන් මහේස්ත්රාත් අධිකරණය නියෝග කර ඇත.
වසර 15 ක තහනමට අමතරව සති 6 ක සිරදඬුවමක් නියම කිරීමටත් එය මාස 18 කට අත් හිටුවිමටත් අධිකරණය නියෝග කර තිබේ.
එසේම තම අසල්වැසියා සමඟ සන්නිවේදනය කිරීමද තහනම් කර ඇත.
ඒඩ්රියන් ස්ටේයාර්ස් බ්ලිස්වර්ත් නගරයේ පදිංචිකරුවකු වන අතර තම අසල්වැසියාගේ ගෙවත්තේ සිටවා තිබූ අනුස්මරණ ගසක් විදුලි කියතකින් කපා තිබේ.දඬුවම නියම වීමෙන් පසු තමන් ගසක් කැපීමට නොව මිනීමැරුමකට වරදකරුවෙකු වූ බව දැනෙන බව ඔහු ප්රකාශ කර ඇත.
ඒඩ්රියන් හට වයස 74 වන තෙක් බ්ලිස්වර්ත් නගරයට පැමිණිය නොහැකි අතර එසේ පැමිණිය හොත් සිරගත වීමට සිදුවේ.
COMMENTS
Reply To:
Sisira - cb chds hcdsh cdshcsdchdhd
අපේ රටේ නම් ප්රාදේශීය මන්ත්රී කියන්නේ ගස් කපන්න ලයිසන් දෙන තනතුරක්... ආපු දා ඉඳන් නීති කැඩීම තමයි මිනිහාගේ ක්රමය... ගස් කපාගෙන ගිහිල්ලා, කැලෑව ගිනිතියලා ගස් තිබුනේ නෑ කියලා පෙන්වන්නත් මේ අය දක්ෂයි...
මෙහෙම දඬුවම් ලැබුණාම මුලු සමාජයම හැදෙනවා. එතකොට විනයක් ඇතිව මිනිසුන් ජීවත් වෙන්න පුරුදු වෙනවා. අපේ රටේ මිනිසුන්ට විනයක් නැත්තේ නීතියක් හරියට නැති නිසා...
ලංකාවේ නම් හරිම වැඩක් තමයි වෙන්නේ දේශපාලුවන් ඔක්කෝමලා රටින්ම යවන්න වෙනවා. ලංකාවේත් ගස්කපන අයටත් මාර්ග වලට හානි කරන අයටත් මෙහෙම දඬුවම් දීමත් මාර්ග හානි ගැන කටයුතු නොකරන ප්රාදේශීය සභාපතිලාටත් මෙහෙම දඬුවම් ක්රමයක් ක්රියාත්මක කරන්න ඕනෑ..
ඔන්න දඬුවම්...!
මේවා දකින අහන අපට හිතෙන්නේ අපි ඇත්තටම ජීවත්වෙන්නේ මොන තරම් අමන රටකද කියලයි... ඇත්තටම අපිව පාලනය කරන්නේ මොන තරම් අමන දේශපාලුවෝ රංචුවක් විසින්ද කියන එකට කිසිම උත්තරයක් නෑනේ....!
අපේ රටේ නම් කුඩු බිස්නස් කාරයෝ, මිනී මරුවෝ, ස්ත්රී දූෂණ කාරයින්, බැංකු හොරු සියලු දෙනාම නිදැල්ලේ...
එතකොට රටක් වැනසුවට මොකක්ද දඬුවම.
එහෙ අල්ලපු වත්තේ ගහක් කැපුවට කරලා තියෙන්නේ අවුරුදු 15කට ගමෙන් එළවපු එක විතරයි. මෙහෙ නම් ආයේ නොඑන්නම චුත කරනවා. අනික අල්ලපුවත්තේ ගස් කපනවා නම් අපේ රටේ අහුවෙන්න කරන්නේ නැහැ. මහ රෑ ඔයා ඕනෑතරම් වතුමැද්දේ තියෙන වල්ලපට්ට ගස් කපාගෙන ගියේ බල්ලෙක්වත් බුරන්නේ නැතිවෙන විදිහට. සුද්දෝ මහ මෝඩයෝ. අහුනොවී ගහක් කපාගන්නවත් දන්නේ නැහැ.