(බිමල් ශ්‍යාමන් ජයසිංහ)

කළුතර දිසාවේ අඩු ආදායම් ලාභීන් ලබාගත් නිවාස ණය වෙනුවෙන් ගෙවන ලද ණය වාරිකවලින්  රුපියල් කෝටි ගණනාවක මුදලක් වංචා කර ඇතැයි ජාතික නිවාස සංවර්ධන අධිකාරියේ උසස් නිලධාරියෙක් පැවැසීය

ඒ හේතුවෙන් දැනටමත් එම කාර්යාලයේ ලිපිකරුවන්දෙනකුගේ හා ලිපිකාරිනියන් දෙදෙනකුගේ වැඩ තහනමට ලක් කර ඇතැයි ද එම නිලධාරියා කීය

මෙම නිවාස ණය අඩු ආදායම් ලාභී පවුල්වල නිවාස ඉඳිකිරීමට ලබාදී ඇති අතර ආබාධිත රණවිරුවන් ද එම ණය මුදල් ලබා ගෙන ඇති අතර ලබාගත් ණය මුදල් කනකර උගස්කර ,කුලී වැඩ කර, මෙන්ම පදිංචි ඉඩම උගස් කර ද නිසියාකාරව ණය මුදල් ගෙවා ඇති අතර එලෙස ණය ලබාගත් සමහර පුද්ගලයන් ඔත්පළව සිටියත් ණය මුදල් නිසියාකාරව ගෙවා තිබූ බව එම නිලධාරියා කීය

ලබාදුන් ණය අය කර ගැනීම සඳහා පාර්ශව දෙකක් යොදවා ඇති අතර ණය අයකර ගැනීමේ නිලධාරීන් ලෙස බාහිර පුද්ගලයන්ට අමතරව දැනට නිවාස සංවර්ධන අධිකාරියේ සේවය කරන සේවකයන්ට ද ඒ සඳහා අවස්ථාව ලබා දී මාසික වැටුපට අමතරව ඔහුන්ට එම මුදල්වලින් වට්ටමක් ද ලබාදීමට කටයුතු යොදා තිබියදී මෙම වංචාව සිදුකර ඇතැයි ද දැනගන්නට ඇත

(මේ පිළිබඳ ජාතික නිවාස සංවර්ධන අධිකාරියේ කළුතර දිස්ත්‍රික් කළමනාකරු පි . ඒ. . ඩි . එස් . වික්‍රමසිංහ මහතාගෙන් විමසීමේදී මෙසේ පැවසීය )

ඔව්, මුදල් වංචාවක් සිදු වෙලා තිබෙනවා. මා මේ පිළිබඳ දැනගත් දිනම ප්‍රධාන කාර්යාලයේ සාමාන්‍යධිකාරීතුමාට ලිඛිතව දැනුම් දීමේ ප්‍රතිඵලයක් ලෙස අභ්‍යන්තර පරීක්ෂණයක් සිදු කෙරෙනවා.

ඒ වගේම නිවාස සහ නාගරික සංවර්ධන අමාත්‍යාංශයේ ලේකම් කළුතර ,දිසාපතිතුමාට කරන ලද ලිඛිත දැනුම් දැනුම්දීමක් අනුව එතුමා ගේ අධික්ෂණය යටතේ වෙනම විගනන පරීක්ෂණයක් ද සිදු කිරීමට ද නියමිතයි.