(රන්ජන් කස්තුරි)
අලුත් අවුරුදු උත්සව කාලයේ දී ජනතාව නොසැලකිලිමත් ලෙස කටයුතු කිරීමෙන් කොවිඩ් -19 වසංගතය තදින්ම පැතිරයාමේ දැඩි අවදානමක් හට ගැනීම නිසා දැඩි තීන්දු ක්රියාත්මක කිරීමට සෞඛ්ය අමාත්යංශය තීරණය කළේය.
ඒ අනුව දිනකට අවම වශයෙන් පී.සී.ආර් පරීක්ෂණ 15000ක් බැගින් සිදු කිරීම, නිරෝධායන නීති දැඩිව ක්රියාත්මක කිරීම හා නිරෝධායන නීති කඩකරන්නන්ට එරෙහිව දඬුවම් ක්රියාත්මක කිරීම සහ විදේශ රටවල සිට පැමිණෙන පුද්ගලයින් සඳහා විශේෂිත නිරෝධායන නීති අලුතින් සකස් කිරීම ඇතුළු දැඩි පියවර 8ක් වහා ම ක්රියාත්මක කිරීමට තීන්දු කළ බව සෞඛ්ය අමාත්ය පවිත්රා වන්නිආරච්චි මහත්මිය පැවසුවා ය.
රෝහල් වල දැඩි සත්කාර ඒකකවල ඇඳන් ධාරිතාවය වැඩි කිරීම, රෝගීන්ට අවශ්ය හයිෆ්ලෝ ඔක්සිජන් ලබා දීම , දත්ත රැස් කිරීමේ ක්රම වේදය ශක්තිමත් කිරීම හා වෛද්යවරුන් හෙදියන් ඇතැම් සෞඛ්ය කාර්ය මණ්ඩලය සඳහා ආරක්ෂිත ඇඳුම් වැඩිපුර ලබාදීමට පියවර ගන්නා බව ද සෞඛ්ය ඒ ඇමතිනිය කීවාය.
කෝවිඩ් ආසාදිත බවට තහවුරු වූ රෝගීන්ගේ රෝග තත්ත්වයන් අනුව වෙන් වෙන් වශයෙන් ඔවුන් සුදුසු රෝහල් වෙත යොමු කිරීමට සැලසුම් කිරිම ඉදිරියේ දී කොවිඩ් රෝගීන්ට ප්රතිකාර කිරීම රට පුරා අලුතින් තවත් රෝහල් හඳුනාගැනීම හා ඒවාට අවශ්ය වෛද්ය සුදුසුකම් සැපයීමට කඩිනම් පියවර ගන්නා බවද පවිත්රා වන්නිආරච්චි මහත්මිය සඳහන් කළාය.
COMMENTS
Reply To:
Sisira - cb chds hcdsh cdshcsdchdhd
විදේශ වලින් පැමිණෙන අයගෙන් ගසාකන විදිහක් අනිවාර්යයෙන් හදයි... ආයෙ දෙකක් නෑ.
ජවිපෙ මැයි දිනය සමරනවා කිව්වා විතරයි... ආණ්ඩුව රත් වෙච්ච පාර දැන් කොරෝනා පෙන්නලා වැඩේ අල කරන්න හදනවා. බලමුකෝ කවුද අන්තිමේදී ඔක්කොම අල කරගන්නේ කියලා...
මෙයාලට විදෙස් රටවලින් එන අය තමා ලොකුම ප්රශ්නය..., බෙහෙත් මාත්රා දෙක අරන් සති දෙකකින් පස්සේ එන්න කලින් PCR එකක් කරලා ලංකාවට අාවාම නැවත PCR එකක් කරලා නෙගටිව් නම් තවත් අලුත් නීති ඇයි..? අප මෙම රටවල් වල සාමාන්ය විදිහට එදිනෙදා කටයුතු කරනවා රස්සාවල් කරනවා. අවුරුදු ගාණකින් නිවාඩුවට තමන්ගේ පවුලේ අය ළඟට එන්න ගියාම හැම අතින්ම හිර කරනවා. ආයතන වලින් දීර්ඝ නිවාඩු ලැබෙන්නේ නැහැ. එහෙමනම් රැකියාවලින් ඉවත් වෙලා එන්න ඕනෑ..
අවුරුදු කාලේ මහජනයාට ඕනෑවට වඩා නිදහස දුන්නා. රෙදි කඩවල් වල ෆිට් ඔන් කරන්න දුන්නා. රෙදි ගන්න පොරකෑවා. මාධ්ය වලින් සංවිධානය කරපු අවුරුදු උත්සව වලදී කිසි නෙනෙක් අදාළ නීති අනුගමනය කලේ නෑ. දැන් වෙන්න තියෙන දේ වෙලා ඉවරයි. පාලකයින් දැනගන්න ඕනෑ මේ රටේ මහජනයා ඉල්ලීම් කළාට අහන්නේ නෑ. තද නීති දැම්මා නම් මේක වළක්වා ගන්න තිබුණා. අනිල් ජාසිංහ මහත්තයා නැති එකේ පාඩුව දැන්වත් තේරුණොත් හොඳයි.
මෙයා තව ඉන්නවනේ ලැජ්ජ නැතිව... හරීන් නම් ඉල්ලා අස්වෙන්න ඕනේ...