(අංජුල මහික වීරරත්න)

කර්මාන්ත හා ව්‍යවසායකත්ව සංවර්ධන අමාත්‍යාංශය යටතේ ක්‍රියාත්මක වන ආයතනයන්හි විෂය පථයන් යටතට ගැනෙන පනත් සංශෝධනය කිරීම සංශෝධනය කිරීමට කැබිනට් අනුමැතිය ලැබී ඇත.

ශ්‍රී ලංකාවේ ආර්ථික පරිවර්තනය වේගවත් කිරීම සඳහා ශක්තිමත් සහ සුදුසු ආයතනික සැකැස්මක් නිර්මාණය කිරීම පිණිස කර්මාන්ත හා ව්‍යවසායකත්ව සංවර්ධන අමාත්‍යාංශය යටතේ ක්‍රියාත්මක වන ආයතනයන්හි විෂය පථයන් යටතට ගැනෙන ඇතැම් පනත් මෙම වර්ෂය තුළ සංශෝධනය කිරීමට සැලසුම් කර තිබේ. 

ඒ අනුව, පහත සඳහන් පනත් සංශෝධනය කිරීම සඳහා සහ එකී පනත් සංශෝධනයන් 2025 වර්ෂයේ රජයේ නීති සම්පාදන වැඩසටහනට ඇතුළත් කිරීම සඳහා කර්මාන්ත සහ ව්‍යවසායකත්ව සංවර්ධන අමාත්‍යවරයා  ඉදිරිපත් කළ යෝජනාව අමාත්‍ය මණ්ඩලය විසින් අනුමත කරන ලදී.

* 1993 අංක 50 දරන ජාතික මැණික් හා ස්වණාභරණ අධිකාරිය පනත

* 1969 අංක 36 දරන කාර්මික සංවර්ධන පනත

* 2009 අංක 12 දරන ශ්‍රී ලංකා පේෂ කර්ම හා ඇඟලුම ආයතනය පත

* 1979 අංක 40 දරන ශ්‍රී ලංකා අපනයන සංවර්ධන පනත

*2006 අංක 17 දරන ජාතික ව්‍යවසාය සංවර්ධන අධිකාරිය පනත හා 2014 අංක 18 දරන ජාතික ව්‍යවසාය සංවර්ධන අධිකාරිය (සංශෝධන) පනත

* 1982 අංක 35 දරන ජාතික ශිල්ප සභාව සහ අනුබද්ධ ආය්‍යාන පනත

*1996 අංක 4 දරන ජාතික ශිල්ප සභාව සහ අනුබද්ධ ආයතන (විශේෂ විසිවිධාන) පනත