(එම්.සුසිල් පියන්ත)

ශරීර සුවතාවය සඳහා කරන්දෙණිය නගරය හරහා මහ මාර්ගයේ පා ගමනින් ගමන් ගනිමින් සිටි කරන්දෙණිය ප්‍රාදේශීය සභා සභාපති මහීන් රංගජීව මුණසිංහ මහතා  හදිසියේම අසනීප වී පාරේ ඇඳ වැටී මිය ගියේය.

ගිය වසරේ පැවති මහා මැතිවරණයේදී ජාතික ජන බලවේගය පක්ෂය නියෝජනය කරමින් කරන්දෙණිය ආසනයෙන් තරග කොට පරාජයට පත් වුවත් පළාත් පාලන මැතිවරණයේදී  සිය කොට්ඨාසයද ජයගාහණය කරමින් කරන්දෙණිය ප්‍රාදේශීය සභාවේ  ලෙස තේරී පත්විය.

සිය පාලන කාලය තුළ කරන්දෙණියේ ජනතාවගේ ජීවන තත්ත්වය උසස් කිරීමට සිය කාලය ශ්‍රාමය හා ධනය කැපකරමින් සිටි මහීල් මහතා කරන්දෙණිය ප්‍රාදේශීය සභාවේ සේවක, සේවිකාවක් සමග ඉතා සුහදශිලී ලෙස සිය කාර්ය කළ අයෙකි. ජනතා ප්‍රශ්න තමාගේම කර ගනිමින් රාජකාරී කළ මහීල් මුණසිංහ මහතාට මේ කෙටි කාලය තුළ කරන්දෙණිය ජනතාවගේ ප්‍රසාදය දිනා ගැනීමට හැකිවිය.

කරන්දෙණිය පාදේශීය සභාවේ සභාපති ලෙස රාජකාරී ඇරඹීමට පෙර මහීල් මහතා විදෙස් රටක ඉදිකිරීම් ක්ෂේතයේ ප්‍රධාන සමීක්ෂක නිලධාරීවරයෙක් ලෙස කටයුතු කළේය.

කරන්දෙණිය කොටවෙල කනිටු විදුහලේ විදුහල්පතිනි මනෝජා ගලප්පත්ති මහත්මිය මහීල් මහතාගේ භාර්යාව වූවාය.

මහිල් රංගජීව මුණසිංහ මහතාගේ දේහය අවසන් ගෞරවය දැක්වීම සඳහා කරන්දෙණිය බොරකන්ද සිය නිවසේ තැන්පත් කොට ඇත.

අවසන් කටයුතු සැප්තැම්බර් මස 23 වැනිදා පස්වරු 6.00 ට ඌරගස්මංහන්දිය උතුරු මාගල ආදාහනාගාරයේදී සිදු කෙරේ.