(විමුක්ති එස් රුද්‍රිගු)

ව්‍යාජ ඉන්දියානු විදේශ ගමන් බලපත්‍ර දෙකක් ඉදිරිපත් කළ ශ්‍රී ලාංකික කාන්තාවන් දෙදෙනෙකු චෙන්නායි ජාත්‍යන්තර ගුවන් තොටුපොළේදී අත් අඩංගුවට ගත් බව ගුවන් තොටුපොළ බලධාරීහු ප්‍රකාශ කළහ.

ඔවුන් එම ව්‍යාජ ගමන් බලපත්‍ර භාවිත කරමින් ශ්‍රී ලංකාවට පැමිණීමට උත්සාහ කර ඇත. එම ව්‍යාජ බලපත්‍ර වල චෙන්නායි නගරයේ ලිපිනයක් සඳහන් ව තිබූ බවත් එම කාන්තාවන් දෙදෙනා ශ්‍රී ලංකාවට පැමිණීමට සංචාරක වීසා ලබා ගෙන තිබූ බවත් ගුවන් තොටුපොළ බලධාරීන් ප්‍රකාශ කර තිබේ.

46 හැවිරිදි ගංගා සහ  22 හැවිරිදි සොර්ණකලා නම් මෙම කාන්තාවන් දෙදෙනා වසර කිහිපයකට පෙර ශ්‍රී ලංකාවේ සිට සංචාරක වීසා මත චෙන්නායි නගරයට පැමිණ නැවත ශ්‍රී ලංකාව වෙත නොගොස් චෙන්නායි නගරයේ රැඳී සිට ඇතැයි විමර්ශන වලදී අනාවරණය වූ බවත් ඔවුන් තුන්වෙනි පාර්ශ්වයකට මුදල් ගෙවා මෙම ව්‍යාජ ගමන් බලපත්‍ර දෙක ලබාගෙන ඇතැයි ගුවන් තොටුපොළ බලධාරීන් පවසා ඇත.