(බී.ජී.චතුරංග)

"උරුමය සුරකින අභිමන් පුරයක්" යන නමින් ආරම්භ කර ඇති සංවර්ධන ව්‍යාපෘතිය හේතුවෙන් ලංකාවේ ලොකුම ත්‍රීරෝද රථ ගාලේ රියදුරන් සහ එයින් යැපෙන පවුල්වල අඹු දරුවන් පාරට ඇද දමා ඇතැයි පවසමින්, අනුරාධපුර නව බස්නැවතුම්පල අසල ත්‍රිරෝද රථගාලේ රියදුරෝ අද එම බස් නැවතුම්පළ ඉදිරිපිටින් දිවෙන ප්‍රධාන මාර්ගය වසා දමා දැවැන්ත උද්ඝෝෂණයක නිරත වූහ.

අනුරාධපුර නව නගරයේ ඉදි කිරීම් ආරම්භ කර ඇති දක්ෂණ බහුවිධ ප්‍රවාහන මධ්‍යස්ථාන ව්‍යාපෘතිය හේතුවෙන් ඒ අසල වසර තිහකට වඩා වැඩි කාලයක් කුලී ගමන් යමින් ජීවත් වූ රථ ගාල ඉවත්කර එම ස්ථානයේ ප්‍රභූ රථ ගාලක් ඉදිකිරීමට යාම හේතුවෙන් තමන් ඇතුළු අඹු දරුවන් දැඩි ලෙස අසරණභාවයට පත්වන බව උද්ඝෝෂකයෝ පෙන්වා දුන්හ.