(ලක්මි කුඩලිගම)

අධිකරණ නියෝගයෙන් නිදහස ලැබූ වාසනා ඇත්පැටවා පෙරහරකින් නිවෙසට පැමිණියේය. ඇත් පැටවා පිළිගැනීමට මහා සංඝරත්න ඇතුළු පිරිස නිවෙස ඉදිරිපිට රැඳි සිටියහ.  වාසනා හස්තියාගේ හිමිකරු වන දයානන්ද බෝම්බුවල යුවළ පෙරටු කර ගත් පෙලහරකින් හොරණ රැටියල නිවෙසට කැදවාගෙන ආහ.

එහි දී වාසනා ඇත් පැටවා මහ සංඝරත්නය වැඳ නමස්කාර කිරීමට විශේෂ සිද්ධියක් විය.

වසර 2016 දී යහපාලන රජය සමයේ නීතයානුකූල නොවන අයුරින් රදවා ගන්නා ලදැයි සැකපිට ශ්‍රී ලංකාවේ විහාරස්ථානවල හා ධනපතියන්ගේ නිවෙස් වල සිටි අලි ඇතුන් තිස්පහක් පමණ අධිකරණය නියෝග මත අත් අඩංගුවට ගෙන උඩවලව ඇත් අතුරු සෙවණේ රැකවරණය යටතට පත්කරන ලදී.

පසුව සිදුකළ නීතිමය කටයුතු අවසන් වීමෙන් පසු හොරණ වාසනා  දෙව්මිනි ඇතිනි පැටවා පෙරේදා (01) නිදහස ලබා තිබේ. නිදහස් කරගත් ඇතිනි පැටවා එහිදී වාසනා බේකර්ස් අධිපති දයානන්ද බෝඹුවල මහතා සඳහන් කරසිටියෙ "අද නීතිය යුක්තිය ඉටුවූ දවසක් ලෙස ඉතිහාසය සදහන් වන බවයි.