(ශාන්ත චන්ද්රසිරි)
හෝර්ටන්තැන්න ජාතික වනෝද්යානය නැරඹීම සඳහා සංචාරකයන්ට පිවිසීමට ප්රවේශපත්ර නිකුත් කිරීම පස්වරු 2.00 න් පසුව අත්හිටුවීමට වනජීවී සංරක්ෂණ දෙපාර්තුමේන්තුව පියවර ගෙන තිබේ.
ඒ අනුව, වනෝද්යානයට ඇතුළුවීමේ ප්රධාන දොරටු වන ඔහිය හා පට්ටියපොළින් ප්රවේශපත් නිකුත් කරන්නේ උදෑසන 6.00 සිට පස්වරු 2.00 දක්වා පමණක් බව හෝර්ටන්තැන්න ජාතික වනෝද්යානය භාරකරු පී. කේ. එම්. පී. ප්රදීප් කුමාර මහතා පැවැසීය.
ලෝකාන්තය, බේකර්ස් ඇල්ල ඇතුළු හෝර්ටන්තැන්න වනෝද්යානයේ සුන්දරත්වය නැරඹීම සඳහා දෙස් විදේස සංචාරකයන්ට කිලෝමීටර් 8යි මීටර් 8ක දුරක් පාගමනින් යායුතුව ඇති බවත්, ඒ සඳහා අවම වශයෙන් පැය හතරක පමණ කාලයක් ගතවෙන බැවින් එම කාලය සැලකිල්ලට ගෙන මෙම තීරණය ගෙන ඇති බවත් ඒ මහතා කීය.
පා ගමනින් ගොස් නැරඹීම සඳහා මෙරට ඇති ප්රධානතම වනෝද්යානය හෝර්ටන්තැන්න වනෝද්යානය බවත්, එහි වෙසෙන වන සතුන්ට නිදැල්ලේ හැසිරීම පිණිස වනෝද්යානය සවස 6.00 ට වසා තැබෙන බවත්, පස්වරු 2.00 න් පසුව ප්රවේශපත්ර නිකුත් කරනු ලැබුවහොත් වනෝද්යානයට එම වේලාවට ඇතුළුවන සංචාරකයන්හට පස්වරු 6.00 ට පිටතට පැමිණීමට අපහසු බැවින් මෙම තීරණය ගත් බවත් ඔහු කීය.
උදෑසන 6.00 වනවිට විදේශීය සංචාරකයන් වනෝද්යානය නැරඹීමට ඊට ඇතුළුවන බවත්, දේශීය සංචාරකයන්ටද හෝර්ටන්තැන්න වනෝද්යානය නැරඹීමට හැකි තරම් උදෑසන කාලයේ පැමිණෙන ලෙසත්, එවිට වනෝද්යානයේ නියම සුන්දරත්වය කලබලයකින් තොරව නිවී සැනසිල්ලේ නැරඹිය හැකි බවත් හෝර්ටන්තැන්න වනෝද්යානය භාරකරු වැඩිදුරටත් කීය.
ශ්රී ලංකාවේ ස්වාභාවික ජල උල්පත්වල ආරම්භය, පතන් බිම්වල නිදැල්ලේ සැරිසරන ගෝනුන්, විවිධ කුරුල්ලන්, උස් කඳු මුදුන්, මල්වර්ග ඇතුළු අතිශය සුන්දර පරිසර පද්ධතියකින් සමන්විත හෝර්ටන්තැන්න ජාතික වනෝද්යානය නැරඹීම සඳහා දෙස් විදෙස් සංචාරකයෝ 500,000කට අධික ප්රමාණයක් වසරකට පැමිණෙති.
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
xඅඛණ්ඩව 8වන වරටත් ‘ඉහළම ජනාදරයට පත් ජීවිත රක්ෂණ සන්නාමය‘ ශ්රී ලංකා ඉන්ෂුවරන්ස් ලයිෆ් (SLICLL) නැවත වරක් මෙරට ඉහලම ජනාදරයට පත් ජීවිත රක්ෂණ සන්නාමය ලෙස LMD හි
හෝර්ටන්තැන්න නැරඹීමේ ප්රවේශපත්ර නිකුත්කිරීම ප.ව. 2ට අවසන්