(විමුක්ති. එස්. රුද්‍රිගු)

ආචාර්ය ඕමල්පේ සෝභිත හිමියන්, රාමඤ්ඤ මහා නිකායේ දකුණු පළාතේ ප්‍රධාන සංඝනායක ධුරයෙන් නිල වශයෙන් ඉල්ලා අස්වී ඇත.

සිරිමංගල පිරිවෙන් විහාරස්ථානයේ පසුගිය 11 වැනිදා පැවැති රාමඤ්ඤ මහා නිකායේ දකුණු පළාත් මහා සංඝ සභාවේ විශේෂ රැස්වීමක දී සෝහිත හිමියෝ සිය ඉල්ලා අස්වීම නිල වශයෙන් ප්‍රකාශයට පත් කළහ.

ඕමල්පේ සෝහිත හිමියෝ 2012 වසරේ සිට වසර 14 කාලයක් රාමඤ්ඤ මහා නිකායේ දකුණු පළාතේ ප්‍රධාන සංඝනායක ධුරය ​ෙහබවූහ.

විශේෂ සංඝ සභා රැස්වීමට ආරම්භ වීමට පෙර සිය ඉල්ලා අස්වීම ප්‍රකාශයට පත් කරමින් ඕමල්පේ සෝහිත හිමියන් ප්‍රකාශ කර සිටියේ භික්ෂු සමාජය තුළ ලැබෙන නායකත්ව තනතුරක් කිසිම විටක ජීවිත කාලය පුරා ගෞරව නාමයක් හෝ වරප්‍රසාදයක් හෝ ලෙස නොසැලකිය යුතු බවයි.

සංඝ සමාජය තුළ සෑම නායකත්ව තනතුරකටම ඊට නියමිත සීමිත කාලසීමාවක් තිබිය යුතු බවත් එම කාල සීමාවේ දී තනතුරට අදාළ වගකීම් සියල්ල ඉටු කිරීමට නායකත්ව තනතුර බරා ගන්නා අය කටයුතු කළ යුතු බවත් ආචාර්ය සෝහිත හිමියන් එහිදී ප්‍රකාශ කර ඇත.