මෝදි- අනුර සිරිමා බෝධිය වඳිති

(අංජුල මහික වීරරත්න)

ඉන්දියානු අග්‍රාමාත්‍ය ශ්‍රී නරේන්ද්‍ර මෝදි මහතා ජනාධිපති අනුර කුමාර දිසානායක මහතා සමඟ එක්ව අද (6) පෙරවරුවේ අනුරාධපුර ඓතිහාසික ජය ශ්‍රී මහා බෝ සමිඳුන් වැඳ පුදා ගත්හ.

උඩමළුව වෙත පැමිණි ඉන්දියා අග්‍රාමාත්‍යවරයා අටමස්ථානාධිපති, නුවරකලාවියේ ප්‍රධාන සංඝනායක පල්ලේගම හේමරතන නා හිමි බැහැ දැක කෙටි පිළිසඳරක නිරත විය.

අටමස්ථානාධිපති හිමි ප්‍රමුඛ මහා සංඝරත්නය විසින් මෙහිදී සෙත් පිරිත් සජ්ජායනා කර ඉන්දීය අග්‍රාමාත්‍යවරයා වෙත ආශිර්වාදය පළ කළහ.

අග්‍රාමාත්‍ය ශ්‍රී නරේන්ද්‍ර මෝදි මහතා, එහි තැන්පත් කර තිබූ විශේෂ අමුත්තන්ගේ පොතේ සමරු සටහනක්ද තැබීය. මේ අතර ශ්‍රී මහා බෝධි පරිශ්‍රයේ ඉදිකෙරුණු අභිනව මකර තොරණ විවෘත කිරීමද ඉන්දීය අග්‍රාමාත්‍යවරයා අතින් සිදු කෙරිණි.

රුවන්වැලි සෑය චෛත්‍යාරාමාධිකාරී ඊතලවැටුණුවැවේ ඥානතිලක හිමි ප්‍රමුඛ ස්වාමීන් වහන්සේලාද, විදේශ කටයුතු විදේශ රැකියා හා සංචාරක අමාත්‍ය විජිත හේරත්, වෙළෙඳ, වාණිජ, ආහාර සුරක්ෂිතතා සහ සමූපකාර සංවර්ධන අමාත්‍ය වසන්ත සමරසිංහ, සෞඛ්‍ය සහ ජනමාධ්‍ය අමාත්‍ය වෛද්‍ය නලින්ද ජයතිස්ස, උතුරු මැද පළාත් ආණ්ඩුකාර වසන්ත ජිනදාස යන මහත්වරු සහ ශ්‍රී ලංකාවේ ඉන්දීය මහකොමසාරිස් සංතෝෂ් ජා මහතා ඇතුළු පිරිසක් මෙම අවස්ථාවට එක්ව සිටියහ.

අදහස් (3)

මෝදි- අනුර සිරිමා බෝධිය වඳිති

SIRI Sunday, 06 April 2025 03:26 PM

අගමැති සහ ජනාධිපති දෙපළ සමඟ එදා උඩමළුවට වඩින්න ඇත්තේ අටමස්ථානාධිපති නායක ස්වාමින්වහන්සේ විසින් අනුමත කරනලද, වගකීමක් සහ යමක් කමක් දන්නා තෝරා බේරාගත් නායක ස්වාමින්වහන්සේලා වියයුතුයි. එතැනට ගිය කැමරා කරුවන් හරහා මුළු ලෝකයම බලා සිටියදී මෝදි අගමැතිවරයා එක්ක එක ස්වාමින්වහන්සේ නමක් තම ජංගම දුරකතනයෙන් "සෙල්ෆි ඡායරූප" ගත්තු එකෙන් මුළු පින්කමේම අගය බාල්දු කළා කියලයි මට නම් හිතුනේ. මෝදි කියලා කීවාට එයා මෝඩයෙක් නොවේ. බුද්ධ දේශනා හොඳින් දන්නා ඒවා අගේ කරන කෙනෙක්. අනිවාර්යයෙන්ම "මේ වගේ අයද බුදුන්වහන්සේගේ මේ උතුම් ධර්මය ආරක්ෂා කරන්න ඉන්නේ" කියලා ඒ වෙලාවේ අගමැතිතුමාට හිතෙන්න ඇති. අපේ නායක ස්වාමින්වහන්සේලාට ගමේ උපාසක අම්මලා එක්ක කරන පින්කම් සහ රාජ තාන්ත්‍රික මට්ටමේ උදවිය සමඟ කරන පින්කම් වල වෙනස තේරුම් ගන්න බැරි නම් එවන් උත්සව වලට සහභාගි නොවන එක වාඩාත් යහපත් කියලා තමයි අපට නම් කියන්න වෙන්නේ...

: 1 21

Jayasekara Monday, 07 April 2025 09:30 AM

මේ වගේ අති උතුම් පින්බිමක මහ බෝ සමිදුන් වැඩ වසන උඩ මලුවේ සෙල්ෆි ගහපු එක නම් හරිම අශෝබනයි...

: 0 4

Sasith Monday, 07 April 2025 04:26 PM

මම දශකයකට පසු ලංකාවට ගොස් පැමිණ ශ්‍රී ජය ශ්‍රී මහා බෝධියට ගියෙමි. දැන් එහි ඉහළ කොටස සාමාන්‍ය ජනතාවට තහනම් බව පසුව වටහා ගතිමි . බුදු දහමට පංති, සඟ, කුල බේදයක් නොමැත.

: 0 0

ඔබේ අදහස් එවන්න

දියත

කුරුටු බලි ඡන්ද පත්‍රිකා කුණු කූඩෙට

2025 මැයි මස 06 57 0

ඡන්ද පත්‍රිකාවේ කතිරය හැරෙන්නට වෙන කිසිදු සලකුණක් ලකුණු කළ නොහැකි බව මැතිවරණ කොමිෂන් සභාවේ සභාපති ආනන්ද රත්නායක මහතා පැවසීය.

ගොවි ණය නොගෙවූ අපේක්ෂකයා අත්අඩංගුවට

2025 මැයි මස 06 182 0

ලබාගත් ගොවි ණය මුදල් නොගෙවිමේ චෝදනාව මත මෙවර පළාත් පාලන මැතිවරණය සදහා හොරොව්පොතාන ප්‍රාදේශිය සභාවට තරග වදින අපේක්ෂකයෙකු අත්අඩංගුවට ගත්බව හොරොව්පොත

කතුන් හොරට රට යැවූ කාර්යංශයේ හයක් ගෙදර

2025 මැයි මස 06 356 1

ගෘහ සේවය සඳහා පළමු වරට විදේශගතවීමේදී අනිවාර්යයෙන් සම්පූර්ණ කළ යුතු රැකියා පුහුණුව නොමැතිව කාන්තාවන් විදේශ ගතකර රුපියල් කෝටි 250 කට පමණ මූල්‍ය වංචාවක්

පොලිස් සැරයන් වෙඩි වැදී මරුට

2025 මැයි මස 06 1184 0

අම්පාර පදියතලාව පොලිස් ස්ථානයේ සේවය කරන පොලිස් සැරයන් වරයෙකු අද(06) අලුයම වෙඩි වැදී මියගොස් ඇතැයි පොලීසිය කියයි.

සරසවි සිසුවාට පහරදුන්නැයි තවත් සරසවි සිසුවෙක් අත්අඩංගුවට

2025 මැයි මස 06 510 1

ශ්‍රී ජයවර්ධනපුර විශ්ව විද්‍යාලයට අනුබද්ධිත හෝමාගම පිටිපන පිහිටි තාක්ෂණ පීඨයේ තුන්වන වසරේ ඉගෙනුම ලැබූ සිසුවෙකුට අමානුෂික ලෙස පහරදීම සම්බන්ධයෙන් එක

ඡන්දයට අවසර ලැබෙන හැඳුනුම්පත් දහය මෙන්න

2025 මැයි මස 06 398 0

පළාත් පාලන මැතිවරණ ඡන්ද පොළේදී ඡන්දය ප්‍රකාශ කිරීමට පෙර සිය අනන්‍යතාවය තහවුරු කිරීම සඳහා ඉදිරිපත් කිරීමට විවිධ හැඳුනුම්පත් සහ ලේඛන දහයකට මැතිවරණ