පවතින අධික වැසි,සහ සුළං තතත්ත්වය හේතුවෙන් දිවයිනේ බොහෝ ප්‍රදේශවල  ගංවතුර අවදානමක්  මතුව ඇති අතර  ඇතැම් දිස්ත්‍රික්කවල හදිසි අනතුරුද වාර්තා වේ.

අකුණු අනතුරු, ගස් කඩා වැටීම්, නාය යාම් ආදි අනතුරු තැනින් තැන වාර්තා වන අතර මෙම අනතුරුවලින් වැළකිමට සෑම මොහොතකම අවදානයෙන් පසුවන්නැයි අපදා සහනසේවා අංශ පවසයි.

මේ අතර බලන්ගොඩ  ප්‍රදේශයේ ස්ථාන කිහිපයක  ගස්  කඩා  වැටි පුද්ගලයින්   තිදෙනකු  තුවාල  ලබා  අද  (21) රෝහල්  ගත  කර  ඇතැයි   පොලිසිය  පවසයි.

බලන්ගොඩ  හැරමිටිගල  ප්‍රදේශයේ  නිවසක් මතට  ගසක්  කඩා  වැටිම  හේතුවෙන්   නිවසේ  සිටි  පුද්ගලයෙකු තුවාල  ලබා  බලන්ගොඩ මුලික රෝහලට  ඇතුළත් කර  ඇති  අතර ,එලෙස  කඩා   වැටි  ඇති  ගස   බැලිම සදහා  ගිය  පුද්ගලයෙකුගේ  හිස  මතට  කිකුල්  ගසක් කඩා  වැටිම  හේතුවෙන් ඔහුද  තුවාල  ලබා රෝහල්  ගත  කර  ඇත.

මෙිි අතර  බලන්ගොඩ  වටවල  ප්‍රදේශයේ  නිවසක් මතට  ගසක් කඩා  වැටිම හේතුවෙන්   එහි සිටි  කාන්තාවක  තුවාල ලබා  රෝහල්  ගත  කර ඇතැයි කියයි.

( සමිපත් ප්‍රියනන්දන සහ නාලක ජේ හෙට්ටිආරච්චි)

මිල්ලනිය ප්‍රාදේශීය ලේකම් කොට්ඨාසයට අයත් 638 ඒ උඩුවර නැගෙනහිර ග්‍රාම සේවා වසමේ    නිව් චැටල් වතුයාය හරහා හමා ගිය දැඩි සුළඟකින් ගස් කඩා වැටීම  හේතුවෙන් වතු නිවාස හයකට  අලාභාන සිදුවී ඇතැයි අඟුරුවාතොට පොලිසිය කියයි.

එමගින්    කිසිවෙකුටත් තුවාල සිදුවී නැත.

(බිමල් ශ්‍යාමන් ජයසිංහ )

වර්ෂාවත් සමග හමාගිය සුළං තත්ත්වයත් සමග ගලේවෙල මාතලේ 85 අකුරම්බඩ මාර්ගයේ නාගහපොල හංදියේ පිහිටි විදුලි හා දුරකතන රැහැන් පද්ධතිය මතට ගසක් වැටීම හේතුවෙන් ගමනා ගමන කටයුතු වලටද බාධා එල්ල වු බව ප්‍රදේශවාසිහු කියති..

(ඉන්දික අරුණ කුමාර සහ ප්‍රසාද් ජයකොඩි)