ලුසිත ජයමාන්න
තෙවැනි ලෝක යුද්ධයක් හටගනීවි යැයි බියක් ඇති කරමින්, ඊශ්රායලය පෙරේදා (19දා) අලුයම ඉරානයේ නගරයකට මිසයිල සහ ඩ්රෝන යානා ප්රහාරයක් එල්ල කළේය. ඊශ්රායලය මෙසේ ඉරානයට ප්රහාරයක් එල්ල කළේ පසුගිය 13 වැනිදා ඉරානය ඊශ්රායලයට එල්ල කළ
මිසයිල සහ ඩ්රෝන යානා ප්රහාරයට ප්රතිචාර දැක්වීමක් ලෙසය.
ඊශ්රායල හමුදා එම මිසයිල සහ ඩ්රෝන ප්රහාර එල්ල කළේ ඉරානයේ ඉස්ෆහාන් නමැති නගරයටයි. ඉරානයේ න්යෂ්ටික බලාගාර කිහිපයක් ඉස්ෆහාන් නගරය අයත් ඉස්ෆහාන් පළාතේ පිහිටා ඇත. ඊශ්රායල මිසයිල සහ ඩ්රෝන එල්ල වෙද්දී ඊට සූදානමින් සිටි ඉරානය ඔවුන්ගේ මිසයිල ආරක්ෂක පද්ධති ක්රියාත්මක කළ අතර ඉරාන ගුවන් හමුදාවට අයත් ප්රහාරක යානා ගුවන්ගත වී මිසයිල යානා සහ ඩ්රෝන යානාවලට ප්රති ප්රහාර එල්ල කළේය. එහෙයින් ඊශ්රායල ප්රහාරයෙන් ඉරානයට බරපතළ හානියක් සිදු නොවිණි. ඊශ්රායල ප්රහාරය ආරම්භ වෙද්දී, ඉරානයේ තෙහෙරාන් අගනුවර ජාත්යන්තර ගුවන්තොටුපොළ පවා තාවකාලිව වසා දැමීමට පියවර ගැනුණි.
පසුගිය 13 වැනිදා ඉරානය ඊශ්රායලයට පහර දුන්නේ, අප්රේල් පළමු වැනිදා ඊශ්රායලය සිරියාවේ ඩමැස්කස් අගනුවර ඉරාන කොන්සල් කාර්යාලයකට පහර දීමේ සිද්ධියට පළිගැනීමක් වශයෙනි. ඉරාන කොන්සල් කාර්යාලයට එල්ල වුණු ඊශ්රායල ප්රහාරයෙන් ඉරාන විප්ලවීය හමුදාවේ හමුදා ප්රධානීන් දෙදෙනෙක් ජීවිතක්ෂයට පත්වූහ. එම පහරදීම සිදු කරනු ලැබුවේ ඊශ්රායලයට ප්රහාරයක් එල්ල කරන බව ඇමෙරිකාවට ද දැනුම් දෙමිනි.
ඊශ්රායලයට එල්ල කළ එම ප්රහාරයෙන් පසු ඇමෙරිකාව මෙන්ම ලොව සෙසු සෑම රටක්ම පාහේ ඊශ්රායලයෙන් සහ ඉරානයෙන් ඉල්ලා සිටියේ ගැටුම්කාරී තත්ත්වය තවත් උත්සන්න වීමට ඉඩ නොතැබිය යුතු බවය. ඇමෙරිකාව ඊශ්රායලයට තරයේ කියා සිටියේ ඉරානයට පහර දෙන්නේ නම් තමන් ඊට සහාය නොදක්වන බවය.
ගාසා තීරයේ පලස්තීනුවන්ගේ ජීවිත අනතුරේ දමමින්, ඊශ්රායලය හමාස් සටන්කාමීන් ඉලක්ක කර ගනිමින් පහර දෙන්නේ ද ඇමෙරිකාවේ සහාය ඊශ්රායලයට කොන්දේසි විරහිතව ලැබෙන බැවිනි.
පසුගිය 19 වැනිදා ඊශ්රායලය විසින් ඉරානයට මිසයිල සහ ඩ්රෝන ප්රහාරය එල්ල කළේ ඇමෙරිකාව දැනුම්වත් කරමිනි. ඉරානයට පහර දීමට තමන් ඊශ්රායලය උනන්දු නොකළ බව ඇමෙරිකානු රජය අවධාරණය කර ඇත. ඉරානයට පහර දීමෙන් වළකින ලෙසත්, ඉරානයේ න්යෂ්ටික බලාගාර ඉලක්ක කර ගනිමින් පහර දීම් සිදු නොකරන ලෙසත් තමන් ඊශ්රායලයට පැවසූ බව ද ඇමෙරිකාව වැඩි දුරටත් කියා සිටී.
ඉරාන - ඊශ්රායල අර්බුදය තෙවැනි ලෝක යුද්ධයක් තෙක් දුරදිග ගියහොත් එය න්යෂ්ටික යුද්ධයකට පෙරළී, අවසානයේ එය ලෝකය ද විනාශ කරනු ඇතැයි ඇතැම් විදෙස් විශ්ලේෂකයන් අනතුරු හඟවා තිබේ. ලෝකය බල කඳවුරු දෙකකට බෙදී ඇති බැවින් ඉරාන - ඊශ්රායල ගැටුම තෙවැනි ලෝක යුද්ධය තෙක් දුර දිග ගියහොත්, ඊශ්රායලයට බටහිර බල කඳවුර වන ඇමෙරිකාව සහ සෙසු ‘නේටෝ’ සාමාජික රටවල සහාය හිමි වනු ඇත. ඉරානයට ඇමෙරිකා විරෝධීන් වන රුසියාව, සිරියාව, චීනය, යේමනය පමණක් නොව උතුරු කොරියාවේ ද සහාය සෘජුව හෝ වක්රව හිමි වනු ඇතැයි පැවසෙයි.
වසර ගණනාවක් තිස්සේ ඔඩුදුවන ඉරාන සහ ඊශ්රායල විරසකය තවත් උත්සන්න වී ඇත්තේ ඊශ්රායල හමාස් ගැටුම හේතුවෙනි. ගාසා තීරයේ ඊශ්රායල හමාස් ගැටුමට මාස 6 ක් ගත වී ඇත. ඉරානයේ සහාය හිමිවන්නේ, ගාසා තීරයේ හමාස් සටන්කාමීන්ට සහ පලස්තීන මුස්ලිම් වැසියන්ටය. ඊශ්රායලය ලොව එකම යුදෙව් රාජ්යය වන අතර, ඉරානය ලොව එකම ෂියා මුස්ලිම් රාජ්යයයි.
තෙවැනි ලෝක යුද්ධයක් හටගනීවි යැයි බියක් ඇති කරමින්, ඊශ්රායලය පෙරේදා (19දා) අලුයම ඉරානයේ නගරයකට මිසයිල සහ ඩ්රෝන යානා ප්රහාරයක් එල්ල කළේය. ඊශ්රායලය මෙ
මේ වෙනවිට අර්බුදයකට ලක්ව ඇති ශ්රී ලංකා නිදහස් පක්ෂයේ බලය අල්ලා ගැනීමට ශ්රී ලංකා පොදුජන පෙරමුණෙන් ඉවත්ව සිටින පිරිසක් සහ ආණ්ඩුවට සම්බන්ධ වී සිටින ශ්
පාස්කු ප්රහාරයට සම්බන්ධ පුද්ගලයන් පිළිබඳව හිටපු ජනාධිපති මෛත්රීපාල සිරිසේන මහතාට තොරතුරු හෙළි කළැයි කියන පුද්ගලයා හඳුනා ගැනීම සඳහා රහස් පොලීසිය
වාණිජ ණය ප්රතිව්යුහගතකරණය යටතේ ජාත්යන්තර පෞද්ගලික ණය හිමියන්ගේ ණය ප්රතිව්යුහගතකරණයට අදාළ තීරණාත්මක සාකච්ඡාවක් එම ණය හිමියන් නියෝජනය කරන කමිට
මහ මැතිවරණයට පෙර ජනාධිපතිවරණය පැවැත්වීමට ආණ්ඩුවේ ප්රධානීන්ගේ අවධානය යොමුවී ඇතැයි වාර්තාවේ. සාකච්ඡා වට ගණනාවකදීම ඉහළම ප්රමුඛත්වය ලැබී ඇත්තේ ජනාධ
රටේ දැවැන්ත ආර්ථික අර්බුදයක් පවතින අවස්ථාවක ශ්රී ලංකා මහ බැංකුවේ නිලධාරීන් සියයට 70 ක් දක්වා ප්රමාණයන්ගෙන් තම තමන්ගේ වැටුප් වැඩි කර ගෙන ඇතැයි කියන ක
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
තුන්වෙනි ලෝක යුද්ධයට සුදානම්