ශ්‍රී ලංකා ක‍්‍රිකට් ආයතනයේ නව සභාපතිවරයා ලෙස උපාලි ධර්මදාස මහතා ඊයේ (5) නිල වශයෙන් වැඩ බාර ගත්තේය. ශ්‍රී ලංකා ක‍්‍රිකට් සංගම් මුලස්ථානයේදී ආගමික වාතාවත්වල යෙදීමෙන්  පසුව ධර්මදාස මහතා ඇතුළු නව නිලධාරීහු රාජකාරී ආරම්භ කළහ. පසුගිය අඟහරුවාදා (3) පැවැති ශ්‍රී ලංකා ක‍්‍රිකට් ආයතන නිලවරණයේදී උපාලි ධර්මදාස මහතා සභාපතිධූරයට ද, නිශාන්ත රණතුංග මහතා ලේකම් ධුරයට ද පත්වූයේ නිතරඟයෙනි. ක‍්‍රිකට් ආයතනයේ නිලවරණයක් මෙලෙස පැවැත්වුයේ වසර හතකට පසුවය. ධර්මදාස මහතා නිල වශයෙන් වැඩ බාරගත් අවස්ථාව ඡුායාරූපයේ දැක්වේ. උප සභාපතිවරුන් වන කේ. මතිවානන්, අසංග සෙනෙවිරත්න, ලේකම් නිශාන්ත රණතුංග ඇතුළු නිලධාරීහු පසෙකින් සිටිති. (ඡායාරූපය: ශාන්ත රත්නායක)