ඕස්ටේ‍්‍රලියාව එරෙහිව පැවැති තරග දෙකකින් සමන්විත විස්සයි20 ක‍්‍රිකට් තරගාවලිය 2-0 කින් ජය ලැබීමට ශ්‍රී ලංකා පිල සමත් විය. මෙල්බන්හිදී අද (28) පැවැති දෙවැනි සහ අවසන් විස්සයි2-0 තරගයෙන් ශ්‍රී ලංකා ක‍්‍රීඩකයෝ ලකුණු 3 ක (ඩක්වත් ලූවිස් න්‍යායට අනුව) තියුණු ජයක් ලැබූහ.

වර්ෂාව නිසා අත්හිටුවා තිබූ තරගය නැවත ආරම්භ වන විට  ඕස්ටේ‍්‍රලියාවට ජයග‍්‍රහණය සඳහා ඩක්වත් ලූවිස් න්‍යායට අනුව  ඕවර 15 කදී ලකුණු 122 ක ඉලක්කයක් සම්පූර්ණ කිරීමට සිදුවූ අතර රැුස්කළ හැකි වූයේ ලකුණු 119 ක් පමණි.

ලකුණු 162 ක ඉලක්කය හඹාගිය  ඕස්ටේ‍්‍රලියානු පිල  ඕවර 10 ක් අවසානයේ කඩුලූ 2 ක් දැවී ලකුණු 60 ක් ලබා සිටියදී වර්ෂාව හේතුවෙන් තරගය අත්හිටුවීය. එම අවස්ථාවේ තරගය අතහැර දැමුවේ නම් ශ්‍රී ලංකාවට ඩක්වත් ලූවිස් න්‍යායට අනුව ලකුණු 15 ක ජයක් හිමිවීමේ අවස්ථාව තිබුණි.

තරගය නැවත ආරම්භ වීමෙන් පසුව මහේල අවස්ථා කීපයකදීම ක‍්‍රීඩාංගණයේ තෙත බරිත තත්ත්වය පිළිබඳව පෙන්වූ අතර මහේල සහ මාලිංග ක‍්‍රීඩාංගණය තුළ ලිස්සා යන ආකාරය දැකගත හැකි විය.  

තිසර පෙරේරා යැවූ ඉනිමේ අවසන්  ඕවරයේ අවසන් පන්දුවට  ඕස්ටේ‍්‍රලියාවට ජයග‍්‍රහණය සඳහා ලකුණු 4 ක් රැස්කිරීමට සිදුවුවද ග්ලෙන් මැක්ස්වෙල්ට ලකුණු රැස්කිරීමට නොහැකි විය.

මහේල, මැතිව්ස්, තිසර සහ මාලිංග අවසන් පන්දුවට යැවීමට සාකච්ඡුා කරමින් සිටියදී ග්ලෙන් මැක්වෙල් කළ ප‍්‍රකාශකයකට මහේල සහ මැතිව්ස් ප‍්‍රතිචාර දැක්වීමෙන් අනතුරුව ක‍්‍රීඩාංගණය තුළ උණුසුම් තත්ත්වයක් ඇති විය. තරගය අවසන් වීමෙන් පසුව අවස්ථා කීපයකදීම දෙපිලේ ක‍්‍රීඩකයෙන් අතර වචන හුවමාරු වූ ආකාරය දැකගත හැකිවිය.   

ශ්‍රී ලංකාව  ඕවර 20 කදී කඩුලූ 4 ට 161

(කුසල් ජනිත් 15, මහේල ජයවර්ධන නොදැවී 61, ජීවන් මෙන්ඩිස් 25, තිසර පෙරේරා නොදැවී 35)

ඕස්ටේ‍්‍රලියාව  ඕවර 15 කදී කඩුලූ 3 ට 119

(ෂෝන් මාෂ් නොදැවී 47, ජෝජ් බේලි 45)

ඡයාරූප:
1. තිසර පෙරේරා අවසන් පන්දුව යැවීමෙන් පසු..

 

 

 

 

 

 

 

 

 

 

 

2. මහේල සහ මැක්ස්වෙල් අතර උණුසුම් වචන හුවමාරුවක්...