ශ්‍රී ලංකාවේ වොලිබෝල් කී‍්‍රඩාවේ ඉතිහාසය පිළිබඳ සුසිල් රණසිංහ මහතා විසින් සම්පාදනය කරන ලද ග‍්‍රන්ථය මේ මස 12 වැනිදා ප. ව. 5.00 ට ගෝල්ෆේස් හෝටලයේදී එළිදැක්වීමට නියමිතය.

‘වොලිබෝල් එදා සහ අද’ යනුවෙන් නම් කර ඇති මෙම ග‍්‍රන්ථයේ සංස්කාරක සුසිල් රණසිංහ මහතා වොලිබෝල් සම්මේලනයේ ප‍්‍රධාන ලේකම්වරයාද වෙයි. ශී‍්‍ර ලංකා වොලිබෝල් කී‍්‍රඩාවේ දුර්ලභ තොරතුරු, ඡයාරූප, මෙන්ම වොලිබෝල් කී‍්‍රඩාවට අදාල ඓතිහාසික කරුණු වලින්ද මෙම ග‍්‍රන්ථය සමන්විත වේ.   

මෙම ග‍්‍රන්ථය එළිදැක්වීමේ උත්සවයේදී 1951 වසරේ සිට 1991 වසර දක්වා ශ්‍රී ලංකාව නියෝජනය කළ කී‍්‍රඩික කී‍්‍රඩිකාවන්ට උපහාර පිරිනැමීමේ වැඩසටහනක්ද පැවැත්වීමට නියමිතය.

ශ්‍රී ලංකා වොලිබෝල් කණ්ඩායම් වලට නායකත්වය දුන් එල්. ඒ. ඞී. පේ‍්‍රමරත්න (1955), ජෝර්ජ් ප‍්‍රනාන්දු (1970), එල්. පී. පෙරේරා (1973-1974), නන්දා ගණේගොඩ (1970-1973), සොපායා ධර්මසේන (1973), යසා රාමචන්ද්‍ර (1973), විජේසිරි අමරසිංහ (1981), ජයන්ත පෙරේරා (1973), රන්තිලකා ජයවීර (1982 -1990), මධුකා කිරිඇල්ල (1981), ජේ. සිරිවර්ධන (1982), ජයසිරි පෙරේරා (1984), ආනන්ද වන්නිතිලක (1985-1989), කාලික වසන්තපි‍්‍රය (1993-2006), රේණුකා අබේගුණවර්ධන යාපා (1990-1991) යන මහත්ම මහත්මීන් ඇතුලූව හිටපු කී‍්‍රඩික කී‍්‍රඩිකාවෝ 122 දෙනෙකුට උපහාර පිරිනැමේ.

කී‍්‍රඩා අමාත්‍ය මහින්දානන්ද අලූත්ගමගේ මහතාගේ ප‍්‍රධානත්වයෙන් පැවැත්වෙන මෙම උත්සවය ශ්‍රී ලංකා වොලිබෝල් සම්මේලනය විසින් සංවිධානය කරනු ලබයි. ශ්‍රී ලංකා වොලිබෝල් සංගමයේ සභාපති තනතුර හෙබවූ, දැනට ජීවතුන් අතර සිටින සියළුම මහත්ම මහත්මීන් මෙම උත්සවයේ විශේෂ ආරාධිතයින්  ලෙස සහභාගී වීමට නියමිතය.