විදුලි මනුවේ මුද්‍රා ගලවා තෙල් ගා ඉලක්කම් ආපස්සට කරකවා විදුලිබල මණ්ඩලයට ලක්ෂ විසි පහකට වැඩි මුදලක් වංචා කළ  ව්‍යාපාරික කාන්තාවකට රුපියල් දස දහසක දඩ නියම කළ ගල්කිස්ස ප්‍රධාන මහේස්ත්‍රාත් නිරෝෂා ප්‍රනාන්දු මහත්මිය විදුලි බල මණ්ඩලයේ අලාබය වන රුපියල් 2536833ක් ගෙවන ලෙස ද නියෝග කළාය.

පී කේ ස්වර්ණා මල්ලිකා නම් මෙම ව්‍යාපාරික කාන්තාව  තෙමහල්  ගොඩනැගිල්ලක පොලීතීන් නිෂ්පාදනාගාරයට මෙසේ විදුලිය ලබාගෙන ඇතැයි විදුලිබල මණ්ඩලයේ විමර්ශන නිලධාරී පී ඩී අජිත් මහතා අධිකරණයට දැන්වීය.