ශී‍්‍ර ලංකාව සහ පාකිස්තානය අතර කොළඹ ටෙනිස් සංගම් මූලස්ථාන කී‍්‍රඩාංගණයේදී පැවැත්වෙන ඬේවිස් කුසලාන, II වැනි කාණ්ඩයේ, ටෙනිස් තරගයේ යුගළ තරගයෙන් පාකිස්තානු පිල තරග වට 3-2 ක ජයක් ලබාගත්තේය.

අද (සෙනසුරාදා) පැවැති යුගළ තරගයේදී ශී‍්‍ර ලංකා කී‍්‍රඩකයන් දෙදෙනා වූ හර්ෂණ ගොඩමාන්න සහ රජීව් රාජපක්‍ෂ පරදවා ලකුණු 6/2, 6/7, 2/6, 6/3 සහ 6/2 ලෙසින් යුගළ තරගය ජයගැනීමට අසාම් කුරේෂි සහ අඛීල් ඛාන් සමත් වූහ.

සිකුරාදා පැවැති කේවල තරග දෙකේදී ශී‍්‍ර ලංකාව සහ පාකිස්තානය තරගයක් බැගින් ජයගැනීමට සමත් වූ අතර අද පැවැති තරගයේ ජයත් සමගින් පාකිස්තානු පිල තරගාවලියේ 2-1 ක් ලෙස පෙරමුණ ගෙන සිටී.

සමස්ත තරගයේ තවත් කේවල තරග දෙකක් ඉතිරිව ඇති අතර එම තරග ඉරිදා (3 වැනිදා) පැවැත්වීමට නියමිතය.

සමස්ත තරගයේ ජයග‍්‍රාහී කණ්ඩායම නවසීලන්තය සහ ලෙබනනය අතර පැවැත්වෙන අනෙක් II වැනි කාණ්ඩයේ තරගයේ ජයග‍්‍රාහකයා හමුවනු ඇත.

ඡයාරූප : ශානුක අරවින්ද