ශ්‍රී ජයවර්ධනපුර කෝට්ටේ මාදිවෙල මාතර රාහුල විද්‍යාලයීය රුහුණු සංස්කෘතික මණ්ඩලය අභාවයට යන රුහුණේ පාරම්පරික තොවිල් නැටුම් සංදර්ශනයක් සංවිධානය කළේය. රෝහණ නෘත්‍යාංජලිය නම්වූ මේ සඳහා පරවාහැර තක්සර කලායතයනය පණ පෙවීය. එහි ප්‍රධානි නර්ථන ශිල්පී නිව්ටන් ගමගේ ඇතුළු ෂෙල්ටන් පාතේගම, ඉන්ද්‍රජිත් සඳ කැළුම්, දිනේෂ් ගමගේ,තක්ෂර ගමගේ, දිනේෂ් සඳරුවන් , රන්තිළිණ වැලිගම,සහ දිල්ශාන් මාරගොඩ,මේ සඳහා එක්ව සිටියේය. මහරගම නගරසභා සභාපතිනී කාන්ති කොඩිකාර මහත්මිය ද ලයනල් ප්‍රනාන්දු ,සිරිසෝම ගොඩගේ, ගුණපාල වික්‍රමරත්න , කුසුම් සිරි බාලපටබැඳි යන මහත්වරු ද චිරාගත පොල්තෙල් පහන දැලිවූහ. ස්තෝත්‍ර ගායනයෙන් ඇරඹුණු සංදර්ශනය මගුල බෙර වාදනය ,සුද්ධ මාත්‍රාව, වන්නම් පාළිය, සළු පාළිය , තාළම් නැටුම, කෙණ්ඩි පාළිය , පන්දම් ගැසීම , වඩිග පටුන , පැදුරේ දැපීම , සහ දළුමුර පාළිය ආදි නර්ථන සමන්විත විය