ටියුෂන් රැල්ලට හසු නොවී පාසල් අධයාපනය තුලින් උසස්  ප්‍රථීපල ලබා ගත් මා උපකාරක පන්ති කිසිවකට  සම්බන්ධ නොවූවත් මේ වන විටත් දිස්ත්‍රික් ප්‍රථමයා තමන් බිහිකළා යැයි කියමින්  නොයෙකුත් ටියුෂන් කඩකාරයින්  බැනර්  පෝස්ටර් ගසමින් මගේ නම විකුණා කන තත්වයට පත් වී ඇතැයි මෙවර  කලා අංශයේ පොදු විෂය ධාරාවෙන් ගම්පහ දිස්ත්‍රික්කයෙන් ප්‍රථම ස්ථානයත් මුළු දිවයිනෙන් හයවන ස්ථානයත් ලබාගත් මිනුවන්ගොඩ නාලන්දා:(පිරිමි)  විදයාලයේ ඒ. නිශාන් ධනංජය පෙරේරා සිසුවා කියයි.

කුඩාකල සිට චිත්‍ර  ඇදීමට දස්කමි පෑ ධනංජය  විනෝදාංශයක් වශයෙන් සිත්තමිකරණයට යොමු වී ඇති අතර මේ වන විට සමස්ථ ලංකා චිත්‍ර තරග රැසකින්ද ජයග්‍රහන   හිමිකරගෙන ඇති දක්ෂ සිසුවෙකි.
මිනුවන්ගොඩ නාලන්දා  විද්යාලයේ විදුහල්පති ජේ.එච්.ආර් ජයපත්ම  සහ නියෝජ්ය  විදුහල්පති තිලකරත්න බංඩාර යන මහත්වරුන් පවසන්නේ ධනංජය සිසුවාගේ පාසල් පැමිණීමේ  ප්‍රතිශතය සියයට අනූදෙකක් වූ බවකි.

එසේම  සෙසු දරුවන් විභාගය ලංවෙද්දී පෞද්ගලික පන්ති සොයා දුවද්දී ධනංජය සිසුවා ඉතා ඕනෑකමින් පාසැල් පැමිණි බවත්  එය ඔහුගේ ජයග්‍රහණයට මනා පිටුවහලක් වී ඇති බවට මෙම ජයග්‍රහණය සාක්කි දරන බවද කියති.