බස්නාහිර පළාත් සභාව සහ ශ්‍රී ලංකා කායවර්ධන හා ශාරීරික යෝග්‍යතා සම්මේලනය එක්ව සංවිධානය කළ ගම්පහ අයෝමය ශූරයා තේරීමේ තරගාවලියේ ශූරතාව දිනා ගැනීමට ප‍්‍රසන්න පීරිස් සමත්විය. තරගාවලිය පසුගියදා ජා ඇල ගුරුගේ පාක් ශ‍්‍රවණාගාරයේදී පැවැත්විණ. ක‍්‍රීඩකයන් 58 දෙනෙක් සහභාගි වු මෙම තරගවලියේ රනිල් සම්පත් පෙරේරා අනුශූරතාව ද, සුරේෂ් කරුණාතිලක තෙවැනි ස්ථානයද ලැබුහ. බස්නාහිර පළාත් සභාවේ මහ ඇමැති ප‍්‍රසන්න රණතුංග සහ පළාත් සභා මන්ත‍්‍රී මෙරිල් පෙරේරා යන මහත්වරු ආරාධිතයන් ලෙස මෙම අවස්ථාවට සහභාගිවුහ. මෙරිල් පෙරේරා මහතා විසින් ප‍්‍රසන්නට පීරිස්ට ශූරතා කුසලානය පිරිනමන ලද අයුරු. කායවර්ධන සම්මේලනයේ සභාපති කපිල කුමාර මහතා ද මෙහි සිටියි.