(අංජුල මහික වීරරත්න සහ සුජිත් හේවාජුලිගේ)

ක්ලීන් ශ්‍රී ලංකා වැඩසටහනක් හඳුන්වා දුන්නත්  කොළඹ පයින් ඇවිදගෙන යන්න බැරි තරමට ගඳ ගහන බව පුත්තලම දිස්ත්‍රික් මන්ත්‍රී හෙක්ටර් අප්පුහාමි මහතා:-(ස.ජ.බ) පාර්ලිමේන්තුවේදී පැවසීය.

"එතකොට ක්ලීන් එකක් සිද්ධ වෙලා නෑ.දේශපාලන වශයෙන් එක එක දේවල් රටට ගෙනාවට එයින් කොතෙක් දුරට පරිසරය ආරක්ෂා වී තිබේදැයි සලකා බැලිය යුතුයි.

පරිසර පනතේ සංශෝධන හොඳයි. මධ්‍යම පරිසර අධිකාරියට අවශ්‍ය කරන බලතල මේ සංශෝධන වලින් ලබාදී තිබෙනවා.මේ සංශෝධනය තුළින් දැඩි නීති රීති පනවා තිබෙනවා.එමෙන්ම කර්මාන්ත කඩා නොවැටෙන ආකාරයේ වැඩපිළිවෙලක් අප ක්‍රියාත්මක කළ යුතුව තිබෙනවා.අපේ නීතිරීති රාමුව තුළ මේ රටේ නිෂ්පාදකයා කර්මාන්ත කර්මාන්තකරුවා සහ අලුතින් නිර්මාණ සොයාගන්නා පුද්ගලයන්ට යම් සහනදායී වැඩපිළිවෙලක් පිළිබඳව මෙහි කරුණු කාරණා ඇතුළත් වී නැහැ යනුවෙන්ද මන්ත්‍රීවරයා කීය.