(අංජුල මහික වීරරත්න සහ සුජිත් හේවාජුලිගේ)

ආණ්ඩුවට හිතවත් අය අක්කර ගණන් සුද්ද කරමින් සිටින බව පත්කළ මන්ත්‍රී නාමල් රාජපක්ෂ මහතා:-(පො.පෙ) පාර්ලිමේන්තුවේදී පැවසීය.

"අණ පනත් නීති රීති ගෙන ඒම හොඳයි.ඒ නීති ක්‍රියාත්මක කරන ආකාරය තමයි ප්‍රශ්නෙකට තියෙන්නේ.අද ආණ්ඩුවට හිතවත් අයට අක්කර ගණන් සුද්ද කරන්න පුළුවන්.හැබැයි සාමාන්‍ය මනුස්සයෙක් වැසිකිලි වලක් හදාගන්න ගියොත් මේ නීති ඔක්කොම ඒ මනුස්සයට දෙනවා.සමහර ව්‍යාපාරිකයන් හෙක්ටයාර ගණන් සුද්ද කරනවා.ඇහුවම ආයෝජකයෙක් ඇවිල්ල යැයි කියනවා. කවුද ආයෝජකයා කියලා දන්නේ නෑ. රී බිල්ඩින් ශ්‍රී ලංකා කියලා ගිණුමක් හැදුවා. හැබැයි එහෙම එකක් නීත්‍යානුකූලව ස්ථාපනය කරල නෑ.ව්‍යාපාරිකයන්ට දඩ ගහන්න කලින් ක්ලීන්  ශ්‍රී ලංකා ක්‍රියාත්මක කරන නගර සභා, ප්‍රාදේශීය සභා වලට දඩ ගහලා ඉන්න යනුවෙන්ද නාමල් රාජපක්ෂ මහතා කීය.