දිවයිනේ නැගෙනහිර ප්‍රදේශවල වැසි සහිත කාලගුණ තත්ත්වය තවදුරටත් පවතී. උතුරු, උතුරු මැද, නැගෙනහිර සහ ඌව පළාත්වල ද හම්බන්තොට දිස්ත්‍රික්කයේ ද විටින් විට වැසි හෝ ගිගුරුම් සහිත වැසි ඇති වේ. ඇතැම් ස්ථාන වල මිලි මීටර 100 ට ආසන්න වැසි ඇති වීමට ඉඩ තිබේ.

අපරභාගයේදී හෝ සන්ධ්‍යා කාලයේදී දිවයිනේ සෙසු ප්‍රදේශවල විටින් විට වැසි හෝ ගිගුරුම් සහිත වැසි ඇති වේ. එවැනි අවස්ථාවලදී තාවකාලිකව තරමක තද සුළං ඇතිවේ.