එසැණ පුවත්

ලංකාව යහපත් රටක් කරන්න දේශපාලනඥයන්ගේ කාර්යයට වඩා විද්වතුන්ගේ කාර්ය වැදගත්

ආර්ථික සහ සමාජ මට්ටම්වලින් ඉහළට යමින් තාක්ෂණයෙන් සහ විද්‍යාවෙන් දියුණුව අත්පත් කරගනිමින් ශ්‍රී ලංකාව යහපත් රටක් බවට පත් කිරීම සඳහා දේශපාලනඥයන්ගේ කාර්යයට වඩා විද්වතුන්ගේ කාර්ය වඩා වැදගත් යැයි තමන් විශ්වාස කරන බව ජනාධිපති මෛත්‍රීපාල සිරිසේන මහතා අද (2) ප්‍රකාශ කළේය.

02 April 2019

ආරක්ෂක මූලස්ථානය ඉදිකිරීම සම්බන්ධ තොරතුරු මුදා හරියි

අකුරේගොඩ ආරක්ෂක මූලස්ථාන සංකිර්ණය ඉදිකිරීමේ ව්‍යාපෘතිය පිළිබඳ උපදේශක සමාගම් හා අදාළ ගෙවීම් සම්බන්ධයෙන් විමර්ශනය කර නිර්දේශ ඉදිරිපත් කිරීමට අමාත්‍ය මණ්ඩලයෙන් පත්කළ කමිටුවේ වාර්තාවේ පිටපතක් තොරතුරු කොමිෂන් සභාවේ නියෝගය පරිදි ප්‍රසිද්ධ ලියැවිල්ලක් ලෙස තිරු කුමාර් නඩේසන් මහතාට ලබා දීමට අමාත්‍ය මණ්ඩලය කාර්යාල අද (02) කටයුතු කළේය.

02 April 2019

‘කැබිනට් නොවන අමාත්‍යාංශයක් නොදුන්නොත් ඉල්ලා අස්වෙනවා’

ධීවර අමාත්‍යංශයේ ආයතන පහක් සමඟ කැබිනට් නොවන අමාත්‍යාංශයක් ලබාදෙන මෙන් අග්‍රමාත්‍ය රනිල් වික්‍රමසිංහ මහතාගෙන් ඉල්ලා තිබෙන බවත් එම තනතුර නොලැබුණොත් තමා ඉල්ලා අස්වන බවත් ධීවර රාජ්‍ය අමාත්‍ය දිලිප් වෙදාරච්චි මහතා පැවසිය.

02 April 2019

විදුලිබල අමාත්‍යංශ ලේකම් ජනාධිපති කොමිසම හමුවට කැඳවයි

විදුලිබල මණ්ඩලය සඳහා පෞද්ගලික බලාගාරවලින් විදුලිය මිලදීගැනීම සහ විදුලි බලාගාර වෙනුවෙන් ඉන්ධන ගෙන්වීමේදී සිදුවී ඇති බව කියන මහ පරිමාණ මුදල් වංචා සම්බන්ධයෙන් මූලික විමර්ශන කටයුතු සඳහා කරුණු දැක්වීමට විදුලිබල අමාත්‍යාංශ ලේකම් ආචාර්ය සුරේන් බටගොඩ මහතාට අද (02) සිදුවිය.

02 April 2019

නොදන්වා විදුලිය කැපීමේ නඩුවට විදුලිබල මණ්ඩලයට නොතීසි

විදුලි කප්පාදුවට අදාළ වාර්තා මහජන උපයෝගිතා කොමිසමට ලබා නුදුන් බව කියන සිද්ධියක් පිළිබඳව විමිසීම සඳහා විදුලි බල මණ්ඩලයට ලබන 09 වැනිදා අධිකරණය හමුවේ පෙනී සිටින ලෙස කොටුව මහෙස්ත‍්‍රාත් රංග දිසානායක අද නොතිසි නිකුත් කළේය.

02 April 2019

ඊටීඅයි අධ්‍යක්ෂවරුන් තිදෙනෙකු පෞද්ගලික ඇප මත මුදා හැරීමට නියෝග

ශ්‍රී ලංකා මහ බැංකුවේ මූල්‍ය රෙගුලාසි උල්ලංඝණය කරමින් මූල්‍යායතනයක් පවත්වාගෙන ගොස් රුපියල් මිලියන තුනකට අධික මුදලක් සාපරාධී විශ්වාසය කඩ කළැයි කියන පෞද්ගලික නඩු තුනකට අදාළව නොතීසි මත අධිකරණයේ පෙනී සිටි ඊටීඅයි ෆිනෑන්ස් ලිමිටඩ් මූල්‍යායතනයේ අධ්‍යක්ෂ මණ්ඩලයේ සිව්ද‍ෙනෙකු එක් අයකුට රුපියල් ලක්ෂ 15ක් වූ පෞද්ගලික ඇප මත මුදා හැරීමට කොළඹ අතිරේක මහේස්ත‍්‍රාත් පි‍්‍රයන්ත ලියනගේ මහතා අද(02) නියෝග කළේය.

02 April 2019

කින්නියා පුරාවිද්‍යා රක්ෂිතයෙන් සෙල්ලිපියක් හමුවේ

කින්නියා උණුදිය ළිං පුරාවිද්‍යා රක්ෂිතයේ පිළිම ගෙයි කැණීම්වලින් ක්‍රි. පූ. 3 හා 4 සියවස්වලට අයත් යැයි සැක කරන පූර්ව බ්‍රාහ්මීය අක්ෂර සහිත සෙල්ලිපියක් හමු වූ බව පුරාවිද්‍යා දෙපාර්තමේන්තුව කියයි.

02 April 2019

අලුගෝසු තනතුර බාරගන්න උපාධිධාරියෙකුත් ඇවිත්

අලුගෝසු තනතුර සඳහා අද (02) පැවැති සම්මුඛ පරීක්ෂණයට උපාධිධාරියකුද සහභාගීවී සිට ඇතැයි බන්ධනාගාර මූලස්ථානය කියයි.

02 April 2019

වතුරත් කපන්න වෙයි වගේලු

දිවයින පුරා පවතින වියළි කාලගුණික තත්ත්වය හේතුවෙන් ඉදිරියේදී ජල සැපයුමට බාධා සිදුවිය හැකි බවට ජාතික ජල සම්පාදන හා ජලාපවාහන මණ්ඩලය අනතුරු අඟවයි.

02 April 2019

ජලසම්පාදනයේ වංචාවකට 37 වසරක් හිරේට යවා ලක්ෂ 130 ක වන්දියක් නියම කරයි

ජල සම්පාදන මණ්ඩලයට අයත් රුපියල් එක්කෝටි විසිලක්‍ෂයක මුදලක් වංචා කිරීමේ චෝදනාවට වරදකරු වූ ජල සම්පාදන හා ජලාප‍වාහන මණ්ඩලයේ කැලණිය ප‍්‍රාදේශීය කාර්යාලයේ හිටපු ගණකාධිකාරීවරයාට වසර 37ක බරපතල වැඩ සහිත සිරදඩුවමක් නියම කළ කොළඹ මහාධිකරණ විනිසුරු ගිහාන් කුලතුංග මහතා ජල සම්පාදන මණ්ඩලයට රුපියල් එක්කෝටි තිස්ලක්‍ෂයක වන්දියක් ගෙවීමටද අද (02) නියම කළේය.

02 April 2019

සීමාවාසික පත්වීම් ප්‍රදානය වැළැක්වූ අතුරු නියෝගය විසුරුවා හරී

සෞඛ්‍ය අමාත්‍යංශය විසින් ඉකුත් ජනවාරි මස 29 දා ගත් තීරණයකට අනුව සීමාවාසික වෛද්‍ය පුහුණු පත්වීම් ප්‍රදානය කිරීම වලක්වාලමින් නිකුත් කර තිබූ අතුරු නියෝගය විසුරුවා හැරීමට ශ්‍රේෂ්ඨාධිකරණය අද(2) තීන්දු කළේය.

02 April 2019

රථවාහන වැරදි 5 ක අවම දඩය 25,000

රථ වාහන වැරදි පහක අවම දඩය රුපියල් 25,000 දක්වා වැඩි කිරීමේ ගැසට් නිවේදනය නිකුත් කර තිබේ.

02 April 2019

කෝටි 2ක හෙරොයින් සමඟ සොත්ති උපාලිගේ පුතෙකු අත්අඩංගුවට

කටුබැද්ද කුඩුවන්මුල්ල පාරේ දෙමහල් නිවසකදී රුපියල් දෙකෝටි පනස් ලක්ෂයකට අධික හෙරොයින් සහ විදේශයේ නිෂ්පාදිත ස්වයංක්‍රීය ගිනි අවියක් සමඟ ඝාතනයට ලක් වූ සොත්ති උපාලි නම් පාතාල නායකයාගේ පුතෙකු වන අරබේවෙල දොන් ලක්ෂ්මන් ප්‍රසන්න නමැත්තා අද(02) අත්අඩංගුවට ගත් බව පොලිසිය කියයි.

02 April 2019

වීරකැටිය උපවාසයේ යෙදී සිටි මව්වරු දෙදෙනෙක් අසාධ්‍ය වී රෝහලට

වීරකැටිය ප්‍රාථමික විද්‍යාලයේ පළමු ශ්‍රේණියට දරුවන් පහළොස් දෙනෙකු ඇතුළත් කර නොගන්නා බව කියමින් මවුපියන් පිරිසක් ආරම්භ කළ මාරාන්තික උපවාසයේදී අසාධ්‍ය තත්ත්වයේ පසුවූ මව්වරුන් දෙදෙනෙකු අද (2) දහවල් ප්‍රතිකාර සඳහා තංගල්ල මූලික රෝහලට ඇතුළත් කරනු ලැබීය.

02 April 2019

ඌව පළාතේ වෛද්‍යවරු වර්ජනයකට අනතුරු අඟවති

ඌව පළාතේ සියලු රෝහල් ඇතුළු සෞඛ්‍ය ආයතනවල රාජකාරියේ නිරත වෛද්‍යවරුන් හෙට (03) සිට අඛණ්ඩ වැඩ වර්ජනයක් අරඹන බව රජයේ වෛද්‍ය නිලධාරීන්ගේ සංගමයේ ඌව පළාත් ශාඛාව සඳහන් කරයි.

02 April 2019

මන්නාරම සහකාර පොලිස් අධිකාරී රිමාන්ඩ්

පුද්ගලයකු පොලිස් අත්අඩංගුවෙන් පැහැරගෙන ගොස් අතුරුදන් කළැයි කියන සිද්ධියකට සැකපිට අත්අඩංගුවට ගත් මන්නාරම සහකාර පොලිස් අධිකාරී උපුල් අලවත්ත මහතා ලබන 11 වැනි දා තෙක් රිමාන්ඩ් කරන ලෙස කැස්බෑව මහේස්ත්‍රාත් රුචිර වැලිවත්ත මහතා අද(02) නියෝග කළේය.

02 April 2019

මැතිසබේදී ආබාධිතයන්ට අපහාස එපා යයි කතානායක කියයි

ආබාධිත තැනැත්තන්ට අපහාසයක්, අවමානයක් හෝ වේදනාවක් ඇතිකරවන වදන් භාවිත නොකරන ලෙස කතානායක කරු ජයසූරිය මහතා පාර්ලිමේන්තුවේදී අද(2) පැවසීය.

02 April 2019

අප්‍රේල් 15 රජයේ නිවාඩු දිනයක්

අප්‍රේල් 15 වැනිදා රජයේ නිවාඩු දිනයක් ලෙස ප්‍රකාශ කිරීමට අද කැබිනට් අනුමැතිය ලැබී තිබේ.

02 April 2019

පිහි ඇනුම් කෑ කොස්තාපල් රෝහලේ

හොරොයින් ළඟ තබා ගත් පුද්ගලයකු අත්අඩංගුවට ගැනීමට ගිය අවස්ථාවේදී සිදු වූ පිහි ඇනුමකින් තුවාල ලැබූ වැලිකඩ පොලීසියට අනුයුක්ත කොස්තාපල්වරයකු තුවාල ලබා කොළඹ ජාතික රෝහලට ඇතුළු කර ඇතැයි පොලීසිය පවසයි.

02 April 2019

ගාල්ලේ රාජ්‍ය නොවන සංවිධාන 50ක ලියාපදිංචිය අවලංගුකිරීමට යයි

ගාල්ල දිස්ත්‍රික්කයේ ලියාපදිංචි රාජ්‍ය නොවන සංවිධාන 70කින් ක්‍රියාකාරී සැලසුම් ලබාදී නොමැති, දිස්ත්‍රික් ලේකම් කාර්යාලයේ කැඳවීම්වලට සහභාගී නොවන සංවිධාන 50ක ලියාපදිංචිය අහෝසි කිරීම සම්බන්ධයෙන් රාජ්‍ය නොවන සංවිධාන ජාතික ලේකම් කාර්යාලය වෙත දන්වා යැවීමට තීරණය කළ බව ගාල්ල සහකාර දිස්ත්‍රික් ලේකම් එම්. එම්. එම්. ශරෆාස් මහතා පැවසීය.

02 April 2019

මහරගම අවට ජල සැපයුම නොදන්වාම අත්හිටුවලා

පන්නිපිටිය ඇතුළු ප්‍රදේශ කිහිපයකට කිසිදු දැනුම් දීමකින් තොරව ජලය කපා හැරීමෙන් මහජනයා පීඩාවට පත්ව ඇතැයි කියති.

02 April 2019

හම්බන්තොට සුළං විදුලි බලාගාරයේ සුළං පෙති ගලවා දමලා

මෙගා වෝට් 3 ක විදුලිය බල ධාරිතාවයක් ජාතික පද්ධතියට එකතු කළ හම්බන්තොට සුළං විදුලි බලාගාරයේ සුළං පෙති ගලවා දමා මාස 5 ක් පමණ ගත වුවත් එම සුළං පෙති වෙනත් ස්ථානයක සවිකිරීමට මෙතෙක් කිසිදු පියවරක් නොගැනීමෙන් ජාතික පද්ධතියට මෙගා වොට් 3 ක විදුලි බල ධාරිතාවය අහිමි වී ඇති බව විදුලි සේවකයෝ පවසති.

02 April 2019

මධුෂ්ගේ තවත් ගෝලයෝ දෙදෙනෙක් සීඅයිඩීය බාරයට

පාතාල කල්ලි නායක මාකදුරේ මධුෂ්ගේ ඩුබායිහි පැවැත්වූ සාදයකට සහභාගී වී සිටියදී අත්අඩංගුවට ගත් පාතාලයට සම්බන්ධ තවත් පුද්ගලයින් දෙදෙනකු අද (02) උදෑසන කටුනායක ගුවන්තොටුපොලේදී අපරාධ පරීක්ෂණ දෙපාර්තමේන්තුව මගින් අත්අඩංගුවට ගෙන තිබේ.

02 April 2019

කොකේන් කිලෝ 769 විනාශ කරයි

පොලිස් මත් ද්‍රව්‍ය කාර්යාංශය මගින් අත්අඩංගුවට ගනු ලැබූ කොකේන් මත්ද්‍රව්‍ය කිලෝ 769 යි ග්‍රෑම් 469 ක ප්‍රමාණය විනාශ කිරීම කොළඹ ප්‍රධාන මහෙස්ත්‍රාත් ලංකා ජයරත්න මෙනවිය හා ගල්කිස්ස ප්‍රධාන මහෙස්ත්‍රාත් එම්.එම්.එම්. නිෆාර් මහතාගේ අධීක්ෂණය යටතේ අද (01) සිදුකෙරිණි.

01 April 2019

අපේක්ෂා රෝහලට යන්ත්‍ර දෙකක් ගන්න අවබෝධතා ගිවිසුමක්

මහරගම අපේක්ෂා රෝහලට පිළිකා සඳහා ප්‍රතිකාර කෙරෙන යන්ත්‍ර දෙකක් මිලදී ගැනීම සඳහා සෞඛ්‍ය පෝෂණ සහ දේශීය වෛද්‍ය අමාත්‍යාංශය සහ ‘ෆයිට් කැන්සර් සමාගම’ අතර අවබෝධතා ගිවිසුමකට අද (1) අත්සන් තැබුවේය.

01 April 2019

වැවිලි අමාත්‍යාංශයට අයත් තේ වත්තක් ඇලෝසියස්ලට බදු දීලා

වැවිලි කර්මාන්ත අමාත්‍යාංශයට අයත්ව තිබූ නුවරඑළියේ කඳපොළ අක්කර 450ක තේ වත්තක් 2015 වසරේදී ජෙෆ්රි ඇලෝසියන්ට සහ ඔහුගේ පුත්‍ර අර්ජුන් ඇලෝසියස්ට මසකට රුපියල් 8,000ක බද්දකට අවුරුදු 30ක කාලයකට බදු දී ඇතැයි කියන සිද්ධිය හෙළිදරව් වී ඇත.

01 April 2019

මන්නාරම සහකාර පොලිස් අධිකාරී අලවත්ත අත්අඩංගුවට

පිඟන් සංස්ථාවේ හිටපු සභාපතිවරයකුගේ පැමිණිල්ලකට අනුව අත්අඩංගුවට ගත් ඔහුගේ සේවකයකු පොලිස් අත්අඩංගුවෙන් පැහැරගෙන ගොස් අතුරුදන් කළැයි කියන සිද්ධියකට සැකපිට මන්නාරම සහකාර පොලිස් අධිකාරී උපුල් අලවත්ත මහතා අද (01) අත්අඩංගුවට ගත් බව අපරාධ පරීක්ෂණ දෙපාර්තමේන්තුව කියයි.

01 April 2019

වෛද්‍ය සභාවේ සමාජිකයින් අතර මත ගැටුමක්

වෛද්‍ය පීඨයකට ඇතුළත්වීම සඳහා වන අවම සුදුසුකම් නොමැති එහෙත් ඊ.ආර්.පී.එම් විභාගය සමත් විදේශ වෛද්‍ය උපධිධාරීන් පිරිසකට ලියාපදිංචිය ලබා දෙන්නේද නැද්ද යන්න සම්බන්ධයෙන් ශ්‍රී ලංකා වෛද්‍ය සභාවේ සමාජිකයින් අතර මත ගැටුමක් නිර්මාණය වී තිබේ.

01 April 2019