එසැණ පුවත්

සීගිරි චිත්‍ර - කුරුටු ගී ලේසර් කිරණ මගින් ත්‍රිමාණ පිටපත් කරයි

ලෝක උරුමයක් වූ සීගිරියේ ඇති බිතු සිතුවම් සහ කැටපත් පවුරේ ඇති කුරුටු ගීත ලේසර් කිරණ මගින් ත්‍රිමාණ ප්‍රතිරූප බවට පත්කිරීමට වැඩ පිළිවෙළක් මේ දිනවල ආරම්භ කොට ඇතැයි මධ්‍යම සංස්කෘතික අරමුදල සඳහන් කරයි. ජර්මනියේ හැම්බර්ග් විශ්ව විද්‍යාලය , මධ්‍යම සංස්කෘතික අරමුදල, පුරාවිද්‍යා දෙපාර්තමේන්තුව, කැලණිය විශ්ව විද්‍යාලය එක්ව මෙම ව්‍යාපෘතිය ආරම්භ කර තිබේ.

14 October 2018

අත්‍යාවශ්‍ය ඖෂධ ශ්‍රී ලංකාවෙන් ඉවතට

ජාතික ඖෂධ නියාමන අධිකාරිය පනවා තිබෙන මිල කප්පාදු කිරීම් නිසා අත්‍යාවශ්‍ය ඖෂධ බොහෝමයක් ශ්‍රී ලංකාවෙන් ඉවත් කරගැනීමට නියමිත බව වාර්තාවේ. දැනටමත් එවැනි ඖෂධ වර්ග කිහිපයක්ම දිවයිනෙන් ඉවත් කරගෙන තිබෙන බවත් දැනගන්නට ලැබේ.

14 October 2018

භාරකාර ආණ්ඩුවක් හැදීම ලේසි වැඩක් නොවෙයි- ටිල්වින් සිල්වා

එක්සත් ජාතික පක්ෂ ශ්‍රී ලංකා නිදහස් පක්ෂ හවුල් ආණ්ඩුවේ අභ්‍යන්තර ගැටුම් වර්ධනය වුවත් භාරකාර ආණ්ඩුවක් හැදීම පහසු නැතැයි ද එවැනි ආණ්ඩුවක් නිර්මාණය කිරීමට නම් ඒකාබද්ධ විපක්ෂයට වෙනත් පක්ෂවල සහාය ලබාගැනීම අනිවාර්ය යැයි ද ජනතා විමුක්ති පෙරමුණේ ප්‍රධාන ලේකම් ටිල්වින් සිල්වා මහතා පැවැසීය.

14 October 2018

භාරකාර ආණ්ඩු කතාව පට්ටපල් බොරුවක් - සන්ධාන මහලේකම්

2020 වසර තෙක් වත්මන් ආණ්ඩුව බලයේ සිටින බැවින් භාරකාර ආණ්ඩු පිහිටුවීම පිළිබඳව පැතිර යන කතා පට්ටපල් බොරුවක් යැයි එක්සත් ජනතා නිදහස් සන්ධානයේ මහලේකම් කෘෂිකර්ම අමාත්‍ය මහින්ද අමරවීර මහතා පැවසීය.

14 October 2018

සත්‍යග්‍රහයකට ගිය දෙමාපියන් අග්නිදිග විශ්ව විද්‍යාලයේ සිරකරති

අම්පාර ඔලුවිල් විශ්ව විද්‍යාලයේ තාක්ෂණ පීඨයේ දෙමව්පියන් විසින් තාක්ෂණ පීඨය නැවත විවෘත කරදෙන ලෙස ඉල්ලා අග්නිදිග විශ්ව විද්‍යාලයේ පරිපාලන ගොඩනැල්ල තුල සත්‍යග්‍රහයක් ආරම්භ කර තිබේ. පාලන අධිකාරිය විසින් ඔවුන් සිටින ගොඩනැගිල්ල දොරවල් වසා දමා සියලු වැසිකිලිද වසා දමා තිබෙන බව මෙම විරෝධයට එක්ව සිටින දෙමාපියෝ පවසති.

14 October 2018

බණ්ඩාරවෙලට අයිස් වැස්සක්

බණ්ඩාරවෙල නගරයට අද (14) අයිස් වැස්සක් පතිතවිය. උදෑසන පැවැති කාළගුණික තත්ත්වය වෙනස් කරමින් මෙසේ එක්වරම අයිස් වර්ෂාවක් පතිත වූ අතර එම අයිස් වර්ශාව විනාඩි පහක් පමණ පැවැති බව ප්‍රදේශවාසිහු කියති.

14 October 2018

ලබන සතියේ සිට සහල් මිල රුපියල් 10කින් පහළට - කෘෂිකර්ම ඇමැති

මහා පරිමාණා සහල් මෝල් හිමියන් සමග සිදු කළ සාකච්ජාවකට අනුව ලබන සතියේ සිට සහල් මිල රුපියල් 10ක් අඩු කරන බව කෘෂිකර්ම අමාත්‍ය මහින්ද අමරවීර මහතා පැවසීය.

14 October 2018

දකුණු පළාත් ඇමැතිවරයකුගේ මිලියන 10 ක වංචාවක් ගැන හෙළිදරව්වක්

දකුණු පළාත් ඇමැතිවරයකු කූට ලේඛන සකස් කරමින් පළාත් සභාවේ මුදල් රුපියල් මිලියන දහයක් වංචා කර ඇතැයි පළාත් සභා මන්ත්‍රී ඩී.වී.උපුල් මහතා කියයි.

14 October 2018

අයවැයට සහයෝගය දීමේ හිලව්වට විග්නේෂ්වරන් සිරකරුවන් ඉල්ලයි

ඉදිරි අයවැයේ දී සහය ලබාදීමට නම් දෙමළ දේශපාලන සිරකරුවන් නිදහස් කළ යුතු යැයි දෙමළ ජාතික සන්ධානය විසින් රජයට යෝජනා කළ යුතු බවට උතුරු පළාත් ප්‍රධාන අමාත්‍ය සී.වී. විග්නේශවරන් මහතා දෙමළ ජාතික සන්ධානයට කියා සිටියේය.

14 October 2018

කලවාන ප්‍රා. සභා විපක්ෂ නායකවරයා 17 වැනි දා තෙක් රිමාන්ඩ්

කලවාන ප‍්‍රාදේශීය සභාවේ විපක්‍ෂ නායක ජානක මොල්ලිගොඩ මහතා ලබන 17 වැනිදා තෙක් රිමාන්ඩ් බාරයට පත් කරන ලෙස නියම කළ රත්නපුර ප‍්‍රධාන මහෙස්ත‍්‍රාත් සාලිය චන්න අභයරත්න මහතා බන්ධනාගාරය හරහා ඔහු මානසික ද්‍යෛවරියක් වෙත ඉදිරිපත් කර වාර්තාවක් අධිකරණයට ඉදිරිපත් කරන ලෙස ද නියම කළේ ය.

14 October 2018

හිමාලය තරණය කිරීමට ගිය අට දෙනකු මියයති

නේපාලයේ බටහිර ප්‍රදේශයෙන් හිමාල කඳුවැටිය තරණය කිරීමට ගිය කඳු නගින්නන් අට දෙනකු මියගොස් ඇති බව වාර්තා වේ. එම ප්‍රදේශයට හමාආ ප්‍රබල හිම කුණාටුවකට හසුවී ඔවුන්ගේ කූඩාරම ගසාගෙන යාම හේතුවෙන් මෙම අනතුර සිදුව ඇත.

13 October 2018

එංගලන්තයට ලකුණු 31 ක ජයක්

එංගලන්තය සහ ශ්‍රී ලංකාව අතර රංගිරි දඹුල්ල ක්‍රීඩාංගණයේදී අද (13 වැනිදා) පැවැති දෙවැනි එක්දින තරගයේදී එංගලන්ත කණ්ඩායම ලකුණු 31 ක ජයක් අත්කරගත්තේය.

13 October 2018

පච්ච කෙටූ සංචාරක රුසියානුවා අත්අඩංගුවට

සංචාරක වීසා ලබාගෙන මෙරටට පැමිණ විවිධ ප්‍රදේශවලට ගොස් පච්ච කොටා මුදල් උපයා ගැනිමේ යෙදි සිටියදී අත් අඩංගුවට ගෙන අධිකරණයට ඉදිරිපත් රුසියානු ජාතිකයෙකු 23 දින දක්වා රිමාන්ඩ් බන්ධනාගාර ගතකිරිමට ගාල්ල ප්‍රධාන මහේස්ත්‍රාත් හර්ෂන් කැකුණවෙල මහතා නියෝග කලේය.

13 October 2018

ආයුර්වේද ඩිප්ලෝමාධාරීන්ගේ විභාගය සිව්වැනි වරටත් අත්හිටුවයි

ආයුර්වේද වෛද්‍ය ආයතනයන්හි ඩිප්ලෝමාධාරීන් වෙනුවෙන් අද (13) සහ හෙට යක්කල වික්‍රමආරච්චි ආයුර්වේද ශික්ෂණ රෝහලේදී පැවැත්වීමට තිබු ආයුර්වේද ශාස්ත්‍රී වාර්ෂික පරීක්ෂණයට පෙනී සිටීමට යක්කල ආයුර්වේද සිසු සිසුවියන් ඉඩ නොදීම මත එය හතරවන වරටත් අත්හිටුවීමට සිදුවිය.

13 October 2018

එංගලන්තය කඩුලු 9 ට 278 යි

එංගලන්තය සහ ශ්‍රී ලංකාව අතර රංගිරි දඹුල්ල ක්‍රීඩාංගණයේදී පැවැත්වෙන දෙවැනි එක්දින තරගයේදී පළමුවෙන් පන්දුවට පහර දුන් එංගලන්ත කණ්ඩායම ඕවර 50 ක් අවසානයේදී කඩුලු 9 ක් දැවී ලකුණු 278 ක් ලබාගත්තේය. ලසිත් මාලිංග ලකුණු 44 කට කඩුලු 5 ක් දවාගැනීමට සමත් විය.

13 October 2018

නායයාමේ අවදානම නිසා හැටන් - බගවන්තලාව මාර්ගයේ ගමන් නවතයි

හැටන් බගවන්තලාව මස්කෙලිය ප්‍රධාන මාර්ගයේ නොර්වුඩ් නිව්වෙලිගම ප්‍රදේශයේ ප්‍රධාන මාර්ගය ගිලා බැසිම හේතුවෙන් එම මාර්ගයේ ගමනා ගමන කටයුතු අද (13) දහවල් 11.30 සිට සම්පුර්ණයෙන්ම තාවකාලිකව නතර කල බව නොර්වුඩ් පොලිසිය පවසයි.

13 October 2018

කෝටි 3 ක හෙරොයින් සමග පාකිස්තානුවෙක් අත්අඩංගුවට

රුපියල් කෝටි තුනක් වටිනා ඉස්තරම් බ්‍රවුන් ෂුගර් වර්ගයේ හෙරොයින් තොගයක් ශ්‍රී ලංකාවට රැගෙන පැමිණි පාකිස්තානු ජාතික ගුවන් මගියෙකු අද (13) කටුනායක ගුවන් තොටුපොළේ දී පොලිස් මත්ද්‍රව්‍ය නාශක අංශයේ නිලධාරීන් විසින් අත් අඩංගුවට ගෙන තිබේ .

13 October 2018

පියා සිය පුතු ඝාතනය කරයි

වෙන්නප්පුව කඩවත ප්‍රදේශයේ නිවෙසක ඊයේ (12) රාත්‍රි 10.00 ට පමණ ඇතිවු ආරවුලකදි පියා සිය පුතාට පිහියකින් ඇණ ඝාතනය කර ඇතැයි වෙන්නප්පුව පොලිසිය කියයි.

13 October 2018

පූජිත ජයසුන්දර ලබන සතියේ ඉල්ලා අස්වන ලකුණු

පොලිස්පති පූජිත ජයසුන්දර මහතා ලබන සතියේ සිය ධුරයෙන් ඉල්ලා අස්වීමට බොහෝ දුරට ඉඩ ඇතැයි රජයේ ආරංචි මාර්ග සඳහන් කරයි.

12 October 2018

ශ්‍රිලනිප 15 දෙනාගේ යෝජනාව ක්‍රියාත්මක කරන්නැයි ජනපතිගෙන් ඉල්ලයි

ශ්‍රී ලංකා නිදහස් පක්ෂය ප්‍රමුඛ එක්සත් ජනතා නිදහස් සන්ධානය සම්මුති ආණ්ඩුවෙන් ඉවත්විය යුතු බවට පක්ෂයේ මධ්‍යම කාරක සභාවට ඉදිරිපත් කරන ලද යෝජනාව වහා ක්‍රියාත්මක කරන්නැයි ආණ්ඩුවෙන් ඉවත්වූ ශ්‍රීලනිප 15දෙනාගේ කණ්ඩායම ජනාධිපති මෛත්‍රිපාල සිරිසේන මහතාගෙන් හෙට (13) ලිඛිතව ඉල්ලීමක් කරන බව එම කණ්ඩායමේ ජ්‍යෙෂ්ඨ මන්ත්‍රීවරයෙක් පැවසීය.

12 October 2018

මහැදුරු සෝමදේවගේ කැනීම් වාර්තා පිරික්සන්න පුලුවන් හපනෙක් පුරාවිද්‍යාවේ නැතිලු

පුරාවිද්‍යාව පිළිබඳ මහාචාර්ය රාජ් සෝමදේව මහතා විසින් සිදුකරන ලද පුරා විද්‍යා කැණීම් වල වාර්තා පරීක්ෂා කිරීමට පුරාවිද්‍යා දෙපාර්තමේන්තුවේ ප‍්‍රමාණවත් දැනුමක් ඇති පුද්ගලයින් නොමැති බව පුරාවිද්‍යා අධ්‍යක්ෂ ජනරාල් මහාචාර්ය පී.බී මණ්ඩාවල මහතා ආචාර්ය ශිරාන් දැරණියගල මහතා වෙත යවන ලද ලිපියක සඳහන් වේ.

12 October 2018

ලලිත් - අනූෂගේ අැපෑල සලකා බැලීම 19 තෙක් කල්යයි

සිල් රෙදි නඩුව සම්බන්ධයෙන් වසර තුනක සිරදඬුවම් ලබා දැනට ඇප මත නිදහස්ව සිටින හිටපු ජනාධිපති ලේකම් ලලිත් වීරතුංග සහ විදුලි සංදේශ නියාමන කොමිසමේ හිටපු අධ්‍යක්ෂ ජනරාල් අනූෂ පැල්පිට යන අය විසින් එම දඬුවමට එරෙහිව ඉදිරිපත් කර තිබෙන අභියාචනා පෙත්සම් සළකා බැලීම ලබන 19 වැනිදා තෙක් කල් තැබීමට අභියාචනාධිකරණය තීන්දු කළේය.

12 October 2018

නව අගවිනිසුරු ලෙස නලීන් පෙරේරා දිවුරුම් දෙයි

නව අගවිනිසුරු ලෙස ශ්‍රේෂ්ඨාධිකරණ විනිසුරු නලීන් පෙරේරා මහතා ජනාධිපති මෛත්‍රීපාල සිරිසේන මහතා ඉදිරියේ ජනපති නිල නිවසේ දී මීට සුළු වේලාවකට පෙර දිවුරුම් දුන්නේය.

12 October 2018

මස්ටැන්ග් මෝටර් රථය මුදාහරී

පාර්ලිමේන්තු මන්ත්‍රී නාමල් රාජපක්ෂ මහතාට අයත් යැයි පවසමින් මූල්‍ය අපරාධ විමර්ශන කොට්ඨාසය 2015 වර්ෂයේදී අත්අඩංගුවට ගෙන තිබූ මස්ටැන්ග් වර්ගයේ මෝටර් රථය රුපියල් ලක්ෂ 125ක බැඳුම්කරයක් මත එහි වර්තමාන අයිතිකරු වන හර්ෂණ සිල්වා යන අයට මුදා හැරීමට කඩුවෙල මහේස්ත්‍රාත් අධිකරණයෙන් දුන් නියෝග අනුව අද (12) එම වාහනය රැගෙන ගියේය.

12 October 2018

සයිටම් සිසුන්ට ලියාපදිංචි වෙන්න 30 දක්වා කොතලාවල සරසවිය කල්දෙයි

සයිටම් වෛද්‍ය විද්‍යාලයේ සිසුන්ට ලියාපදිංචිවීම සඳහා ජනරාල් ශ්‍රීමත් ජොන් කොතලාවල ආරක්ෂක විශ්ව විද්‍යාලය මේ මස 30 වැනි දා දක්වා කල් ලබාදී තිබේ.

12 October 2018

සුදු සීනිවලට උපරිම සිල්ලර මිලක්

සුදු සීනි කිලෝග්‍රෑමයක් සඳහා අද (12) මධ්‍යම රාත්‍රීයේ සිට උපරිම සිල්ලර මිලක් නියම කර ඇතැයි පාරිභෝගික කටයුතු පිළිබඳ අධිකාරිය පවසයි.

12 October 2018

කනේ පහර සී.ඩී. තැටි සී.අයි.ඩී. යෙන් ඉල්ලයි

හිටපු ජනාධිපති චන්ද්‍රිකා බණ්ඩාරනායක කුමාරතුංග මහත්මිය සභාපතීත්වය දරණ ජාතික සමගිය හා සංහිඳියා කාර්යාංශය මගින් බුදු දහම අපහාසයට සහ උපහාසයට ලක් කෙරෙන නාට්‍ය මාලාවක් නිෂ්පාදනය

12 October 2018

ඉන්ධන මිල දිගටම ඉහළ ගියොත් පොදු ප්‍රවාහනයට සහනාධාරයක්

දිනෙන් දින ඉන්ධන මිල ඉහළ ගියහොත් පොදු ප්‍රවාහන සේවාවන් සඳහා සහනාධාරයක් ලබාදීම කෙරෙහි ආණ්ඩුවේ අවදානය යොමු වී ඇතැයි ප්‍රවාහන නියෝජ්‍ය ඇමැති අශෝක් අබේසිංහ මහතා පාර්ලිමේන්තුවේ දී අද (12) පැවසීය.

12 October 2018