එසැණ පුවත්

විදෙස් කාන්තාවක් උණවටුණේ හෝටලයකදී මිය ගිහින්

උණවටුන යද්දෙහිමුල්ල ප්‍රදේශයේ සංචාරක හෝටලයක නතරව සිටි විදේශිය කාන්තාවක් අභිරහස් ලෙස මියගොස් සිටියදි අද (05) පෙරවරුවේ සොයාගත් බව හබරාදුව පොලිසිය පවසයි.

05 April 2019

නිදහස් වෙළෙඳ කලාපයේ වෙඩි තැබීමෙන් අගතියට පත්වූවන්ට වන්දි ගෙවන්න නියෝග

2011 වසරේ මැයි 30 වැනිදා කටුනායක නිදහස් වෙළඳ කලාපය තුළ පැවති සේවක විශ‍්‍රාම වැටුප් කෙටුම්පතට එරෙහිව පැවති උද්ඝෝෂණයේදී ආරක්ෂක අංශ වලින් පහරකෑමට ලක්වී තුවාල ලැබූ සේවකයින් 16 දෙනෙකු ගොනු කළ මූලික අයිතිවාසිකම් පෙත්සමක් විභාගයට ගැනීමෙන් පසු ඔවුන්ගේ නිදහස් අදහස් ප‍්‍රකාශ කිරීමේ අයිතිය උල්ලංඝණය වී ඇතැයි තීන්දු කළ ශ්‍රේෂ්ඨාධිකරණය එලෙස පහර කෑමට ලක්වූ සේවකයින්ට වන්දි ගෙවන ලෙස රජයට අද (5) නියෝග කළේය.

05 April 2019

මහබැංකුවේ හිටපු නියෝජ්‍ය අධ්‍යක්ෂ ඇතුළු 5ට ඇප

මහබැංකු බැඳුම්කර සිද්ධිය සම්බන්ධයෙන් අත්අඩංගුවට ගත් මහ බැංකුවේ හිටපු නියෝජ්‍ය අධිපති පී සමරසිරි සහ පර්පෙචුවල් ට්‍රෙෂරිස් සමාගමේ සභාපති ජෙෆ්රි ඇලෝසියස් ඇතුළු පස් දෙනාට ඇප ලබාදීමට කොළඹ ප්‍රධාන මහෙස්ත්‍රාත් ලංකා ජයරත්න මෙනවිය අද (05) නියෝග කළාය.

05 April 2019

වෙලේ සුදාගේ මරණ දඬුවම ස්ථිරයි

හෙරොයින් මත්කුඩු සන්තකයේ තබා ගැනීමේ චෝදනාවට වරදකරුකොට මරණ දඬුවම් නියම කර සිටි ගම්පොළ විදානගේ සමන්ත කුමාර නොහොත් වෙලේ සුදා නමැත්තාට පනවා තිබූ එම දඬුවම අද(05) ස්ථිර කළ අභියාචනාධිකරණය එම දඬුවමට එරෙහිව වෙළේ සුදා විසින් ඉදිරිපත් කළ අභියාචනය නිෂ්ප‍්‍රභ කිරීමට තීන්දු කළේය.

05 April 2019

රයන් වැන්රොයන් රිමාන්ඩ්

දකුණේ ප්‍රබල පාතාල කල්ලි නායක මාකදුරේ මධූෂ් සමග ඩුබායි හීදී අත්අඩංගුවට ගත් රයන් වැන්රොයන් ලබන 11 වැනිදා තෙක් රක්ෂිත බන්ධනාගාර ගත කිරිමට මාතර ප්‍රධාන මහේස්ත්‍රාත් ඉසුරු නෙත්තිකුමාර මහතා අද (5) නියෝග කළේය.

05 April 2019

වයික්කාලේ වෙඩි තැබීමකින් පුද්ගලයෙක්ට තුවාල

කොළඹ හලාවත මාර්ගයේ වයික්කාල දේවස්ථානය අසලදී අද (5) දහවල් වෑන් රථයකින් පැමිණි පිරිසක් කළ වෙඩි තැබිමකින් පුද්ගලයකු තුවාල ලබා රෝහල් ගත කළ බව වෙන්නප්පුව පොලිසිය කියයි.

05 April 2019

අගවිනිසුරු නලීන් පෙරේරා 28 වැනි දා විශ්‍රාම ගනී

අගවිනිසුරු නලින් පෙරේරා මහතා ලබන 28 වැනිදා සිය ධුරයෙන් විශ්‍රාම යෑමට නියමිතව ඇතැයි ශ්‍රේෂ්ඨාධිකරණ ආංරංචි මාර්ග සදහන් කරයි.

05 April 2019

මේජර් ජනරාල් ජානකගේ නඩුව මැයි 2 වැනි දා කැඳවීමට නියෝග

මේජර් ජනරාල් ජානක පෙරේරා මහතා ඇතුළු 31 දෙනෙකු මරාගෙන මැරෙන බෝම්බ ප‍්‍රහාරයකින් ඝාතනය කිරිමේ සිද්ධියට අදාළ නඩුව යළි ලබන මැයි 2 වැනි දා විභාගයට ගැනීමට අනුරාධපුර විශේෂ මහාධිකරණයේ හිටපු විනිසුරු සහ ගම්පහ පළාත් බද සිවිල් අභියාචනා මහාධිකරණ විනිසුරු ඛේමා ස්වර්ණාධිපති මහත්මිය නියෝග කළාය.

05 April 2019

පාර්ලිමේන්තු පාරේ රථ වාහන තදබදයක්

ග්‍රාම නිලධාරීන්ගේ සංගමයේ විරෝධතාවක් හේතුවෙන් පාර්ලිමේන්තු වට රවුම ආශ්‍රිත දැඩි රථ වාහන තදබදයක් පවතී.

05 April 2019

බණ්ඩාරගම ප්‍රා. සබේ ගාලගෝට්ටියක්

බණ්ඩාරගම ප්‍රාදේශීය සභාවේ පැවති විශේෂ සභා රැස්වීමේ දී පක්ෂ විපක්ෂ මන්ත්‍රීවරු අද (5) ගුටි බැට හුවමාරුවක යෙදුණහ.

05 April 2019

කෘෂිකර්ම ගොඩනැගිල්ල ගත්තේ තක්සේරුවට වඩා වැඩි මුදලකට

කෘෂිකර්ම අමාත්‍යාංශය රාජගිරියේ පිහිටි නව ගොඩනැගිල්ල වෙත රැගෙන යාමේදී එම ගොඩනැගිල්ල සඳහා රජයේ තක්සේරුකරු කළ තක්සේරුවට වඩා වැඩි මුදලකට අදාළ ගොඩනැගිල්ල මිලදී ගත්තේ යැයි කෘෂිකර්ම අමාත්‍යාංශයේ ජ්‍යෙෂ්ඨ සහකාර ලේකම් හිමාලි හඳුන්හේවා මහත්මිය ජනාධිපති කොමිෂන් සභාව හමුවේ සාක්කි දෙමින් අද (4) පැවසුවාය.

04 April 2019

අයවැය ඡන්දය ගැන ශ්‍රීලනිපයේ - පොහොට්ටුවේ තීන්දුව හෙට

අයවැය අවසන් ඡන්ද විමසීමේදී ඡන්දය භාවිතා කරන්නේ කෙසේද යන්න ගැන ශ්‍රී ලංකා නිදහස් පක්‍ෂය සහ ඒකාබද්ධ විපක්‍ෂය හෙට (5) පෙරවරු 10.00 ට පාර්ලිමේන්තුවේදී වෙන වෙනම රැස්වී සාකච්ඡා කර තීන්දුවක් ගැනීමට තීරණය කර තිබේ.

04 April 2019

සබරගමු සරසවි විරෝධතාවයේදී පොලිසිය ක්‍රියා කළ ආකාරය ගැන පරීක්ෂණයක්

සබරගමුව විශ්ව විද්‍යාලයේ සිසුන් විසින් පාර්ලිමේන්තුව පිවිසුමේ මාර්ගයේ දී ඊයේ (03) සවස පැවැත්වූ විරෝධතාව විසුරුවා හැරීමට පොලිසිය කියා කළ ආකාරය සම්බන්ධයෙන් පරීක්ෂණයක් ආරම්භ කර ඇති බව පොලිස් මාධ්‍ය ප‍්‍රකාශක පොලිස් අධිකාරි රුවන් ගුණසේකර මහතා පැවසීය.

04 April 2019

මධූෂ් ගේන්න මාරපන ඩුබායි යයි

ඩුබායි පොලිස් අත්අඩංගුවේ පසුවන පාතාල නායක මාකඳුරේ මධුෂ් ශ්‍රී ලංකාවට පිටුවහල් කර ගැනීම සම්බන්ධයෙන් සාකච්ඡා කිරීම සඳහා විදේශ කටයුතු අමාත්‍ය තිලක් මාරපන මහතා එක්සත් අරාබි එමීර් රාජ්‍ය බලා පිටත්ව ගොස් ඇතැයි රජයේ ආරංචි මාර්ග සඳහන් කරයි.

04 April 2019

කරන්නාගොඩගෙන් පැය අටක් ප්‍රශ්න කරයි

තරුණයන් 11 දෙනෙකු 2008 වසරේ දී පැහැරගෙන ගොස් අතුරුදන් කළේ යැයි කියන සිද්ධියට අදාලව හිටපු නාවික හමුදාපති අද්මිරාල් වසන්ත කරන්නාගොඩ මහතාගෙන් තෙවන දිනටත් අපරාධ පරීක්ෂණ දෙපාර්තමේන්තුව අද (4) පැය අටකට කාලයක් ප‍්‍රශ්න කර ප‍්‍රකාශ සටහන් කරගත් බව පොලිසිය කියයි.

04 April 2019

හෙට සිට හිරු මුදුන් වෙයි

ශ්‍රී ලංකාවට හිරු මුදුන්වීම හෙට (5) සිට ආරම්භ වන බව කාලගුණ විද්‍යා දෙපාර්තමේන්තුව පවසයි.

04 April 2019

රත්තරංගේ පුරප්පාඩුවට ගා දේනෙත්ති දිවුරුම් දෙයි

දකුණු පළාත් සභා මන්ත්‍රී ක්‍රිෂාන්ත පුෂ්පකුමාර මහතා පළාත් සභා මන්ත්‍රී ධූරයෙන් ඉල්ලා අස්වීමෙන් ඇති වූ පුරප්පාඩුවට ගා දේනෙත්ති මහතා අද (4) දකුණු පළාත් ආණ්ඩුකාර කීර්ති තෙන්නකෝන් මහතා ඉදිරියේ දිවුරුම් දුන්නේය.

04 April 2019

නුගේගොඩ ජාත්‍යන්තර පාසලක අනවසර ඉදිකිරීම් ඉවත් කරන්න නියෝග

නුගේගොඩ රෝයල් ඉන්ස්ටියුට් ජාත්‍යන්තර පාසලට අයත් සියලුම අනවසර ඉදිකිරීම් ඉවත් කරන ලෙසට ශ්‍රේෂ්ඨාධිකරණය නාගරික සංවර්ධන අධිකාරියට සහ කෝට්ටේ මහ නගර සභාවට නියෝග කළේය.

04 April 2019

ඊටිඅයි තැන්පතුකරුවන්ගෙන් අයිතිවාසිකම් පෙත්සමක්

ඊ.ටී.අයි මූල්‍ය සමාගමේ සියලු වත්කම් පවරා ගෙන එහි තැන්පතුකරුවන්ට සිය මුදල් යළි ගෙවන ලෙසට නියෝග කරමින් ශ්‍රී ලංකා මහ බැංකුවට නියෝග කරන ලෙස ඉල්ලා එම ආයතනයේ තැන්පතුකරුවන්ගේ සංගමය විසින් අද (4) ශ්‍රේෂ්ඨාධිකරණය හමුවේ මූලික අයිතිවාසිකම් පෙත්සමක් ගොනු කරන ලදී.

04 April 2019

තිස්සගේ නඩුව බේරගන්න හේතු කියන්න දින දෙයි

මෛත්‍රීපාල සිරිසේන මහතා සහ රනිල් වික්‍රමසිංහ මහතා අතර ගිවිසුමක් ඇති බවට කූඨ ලෙස සකස් කළ ලියවිල්ලක් මාධ්‍යයට ඉදිරිපත් කළ බවට චෝදනා ලැබ සිටින එක්සත් ජාතික පක්‍ෂයේ හිටපු මහලේකම් තිස්ස අත්තනායක මහතාට එරෙහි නඩුව කෙටි ක්‍රමයකින් අවසන් කර ගැනීම සඳහා ගන්නා ඉදිරි ක්‍රියාමාර්ග ලබන 24 වැනිදා දැනුම් දෙන ලෙස කොළඹ මහාධිකරණ විනිසුරු විකුම් කළුආරච්චි මහතා අද (25) දැනුම් දුන්නේය.

04 April 2019

ජවිපෙ - ජානිපෙ ඡන්දය අයවැයට විරුද්ධව

අයවැය තෙවැනි වර කියවීමේදී හෙට(5) ඊට එරෙහිව සිය පක්ෂය ඡන්දය පාවිච්චි කරන බව ජනතා විමුක්ති පෙරමුණ හා ජාතික නිදහස් පෙරමුණ පවසයි.

04 April 2019

ශෂි වීරවංශගේ නඩු විභාගය කල් යයි

ශෂී වීරවංශ මහත්මියට අදළ නඩු දෙකෙහි වැඩිදුර විභාගය ලබන අපේ‍්‍රල් මස 25 වැනිදා තෙක් කල් තැබීමට කොළඹ ප‍්‍රධාන මහෙස්ත‍්‍රාත් ලංකා ජයරත්න මෙනෙවිය අද (04) නියෝග කළාය.

04 April 2019

ජාතික සිනමා දිනය හෙට

ජාතික සිනමා දිනය ලෙස හෙට (05) වැනිදා ප්‍රකාශයට පත්කරන බව නිවාස ඉදිකිරීම් හා සංස්කෘතික කටයුතු අමාත්‍ය සජිත් ප්‍රේමදාස මහතා පැවැසීය.

04 April 2019

‘පක්ෂයේ තීරණය කුමක් වුවත් ම‍ගේ ඡන්දය අයවැයට විරුද්ධවයි’

පාර්ලිමේන්තුවේදී හෙට (5) පැවැත්වීමට නියමිත ‘අයවැය’ අවසන් ඡන්ද විමසීමේදී ඡන්දය භාවිතා කරන ආකාරය සම්බන්ධයෙන් පක්‍ෂය කුමන තීරණයක් ගත්තද තමන් අයවැයට විරුද්ධව ඡන්දය භාවිතා කරන බව එක්සත් ජනතා නිදහස් සන්ධාන පාර්ලිමේන්තු මන්ත‍්‍රී ඩිලාන් පෙරේරා මහතා පැවසීය.

04 April 2019

සාමාන්‍ය පෙළ සිසුන්ටත් ටැබ් දීමට සැරසෙයි

සාමාන්‍ය පෙළ සහ අනෙකුත් සිසුන් සඳහාද ටැබ් පරිගණක ලබාදීමට රජයේ අවධානය යොමුවී ඇතැයි අධ්‍යාපන අමාත්‍ය අකිල විරාජ් කාරියවසම් මහතා කොළඹදී පැවැසීය.

04 April 2019

ෆේස්බුක් පැමිණිලි 407ක්

වසරේ මුල් මාස දෙක තුළ ෆේස්බුක් හා සම්බන්ධ පැමිණිලි 407ක් ලැබී ඇතැයි පරිගණක හදිසි ප‍්‍රතිචාර සංසදයේ තොරතුරු ආරක්ෂණ ඉංජිනේරු රවිදු මීගස්මුල්ල මහතා පැවැසීය.

04 April 2019

එමිල් රංජන්ට ඇප

වැලිකඩ බන්ධනාගාරයේ රැදවියන් 27 කට මරු කැදවමින් ඇති වු කැරැල්ල සිද්ධියට අදාළව රිමාන්ඩ් බන්ධනාගාර ගතව සිටි හිටපු බන්ධනාගාර කොමසාරිස් එමිල් රංජන් ළමාහේවා මහතා රුපියල් ලක්ෂයක මුදල් ඇප හා මිලියන 5 බැගින් වු ශරීර ඇප මත මුදා හැරීමට අභියාචනාධිකරණය අද ( 04) තීන්දු කළේය.

04 April 2019

‘ශ්‍රී ලන්කන් ගුවන් සේවය ආයෙත් විකුණන්න යනවා’

ශ්‍රී ලංකාවේ ජාතික ගුවන් සේවය ඉදිරි සතිය තුළ තීරණාත්මක සන්ධිස්ථානයකට පැමිණෙන බවත් ඒ අනුව ශ්‍රී ලන්කන් ගුවන් සේවය ලයිකා මොබයිල් ආයතනය වෙත විකුණා දැමීම සඳහා වූ කැබිනට් පත්‍රිකාව අමාත්‍ය මණ්ඩලය වෙත ඉදිරිපත් කරන බවත්, ශ්‍රී ලන්කන් ගුවන් සේවයේ ශ්‍රී ලංකා නිදහස් සේවක සංගමයේ සභාපති ජනක විජේපතිරත්න මහතා පැවසීය.

04 April 2019