එසැණ පුවත්

බන්ධනාගාර නිලධාරීන්ගෙන් මිදී සැකකරුවෙකු පලා යයි

බන්ධනාගාර බස් රථයකින් කොළඹ ප්‍රධාන මහේස්ත‍්‍රාත් භූමියට රැගෙන ආ සැකකරුවෙකු අද (12) බන්ධනාගාර නිලධාරීන්ගෙන් මිදී පලා ගොස් ඇත.

12 December 2018

අතුරු නියෝගය වළක්වන්නයි ඉල්ලූ පෙත්සම් සලකා බැලීම සිකුරාදාට කල් තබයි

තමන් අගමැති ධූරයේ සහ අමාත්‍ය ධූරයේ කටයුතු කිරීම අත්හිටුවමින් අභියාචනාධිකරණය ලබාදුන් අතුරු නියෝගය ක‍්‍රියාත්මක කිරීම වළක්වාලමින් නියෝගයක් නිකුත් කරන ලෙස ඉල්ලා අගමැති ධූරයේ කටයුතු කළ මහින්ද රාජපක්ෂ සහ අමාත්‍යවරුන් ලෙස කටයුතු කළ චමල් රාජපක්ෂ, දිනේෂ් ගුණවර්ධන ,ජොන්ස්ටන් ප‍්‍රනාන්දු හා ආචාර්ය විජයදාස රාජපක්ෂ යන මහත්වරුන් විසින් ගොනු කළ විශේෂ අභියාචනා පෙත්සම් දෙකක් සලකා බැලීම ලබන සිකුරාදා (14) තෙක් කල් තැබීමට ශ්‍රේෂ්ඨාධිකරණය අද (12) නියම කළේය.

12 December 2018

එක්සත් රාජධානියේ අගමැතිනියට එරෙහිව විශ්වාසභංග යෝජනාවක්

එක්සත් රාජධානියේ අගමැතිනි තෙරේසා මේ මහත්මියට එරෙහිව විශ්වාසභංග යෝජනාවක් ගෙන ඒමට නියමිත යැයි වාර්තා වේ.

12 December 2018

වැලිකඩින් පැන්න සුනිල් ශාන්ත වැඩිදුර පරීක්ෂණ සඳහා සීඅයිඩියට

වැලිකඩ බන්ධනාගාරයෙන් ඉකුත් 19 වැනි දා පලා ගොස් මීමුරේ ප‍්‍රදේශයේ සැඟව සිටියදී සංවිධානත්මත අපරාධ විමර්ශන කොට්ඨාසය විසින් අත්අඩංගුවට ගනු ලැබ සිටි මහාපරිමාණ මත්කුඩු ජාවාරම්කරුවකු වන සුනිල් ශාන්ත නැමැත්තා අපරාධ පරීක්ෂණ දෙපාර්තමේන්තුව වෙත බාර දී ඇති බව පොලිසිය කියයි.

12 December 2018

සුනිල් ශාන්තට උදව් කළ තිදෙනෙක් අත්අඩංගුවට

වැලිකඩ බන්ධනාගාරය තුළට බන්ධනාගාර නිලධාරියකු සේ වෙස්වලාගෙන පැමිණි පුද්ගලයකු සුක්ෂම ලෙස රැගෙන ගිය රැඳවියකු වන සුනිල් ශාන්ත නොහොත් අජිත් වීරසිංහ නැමැත්තාට සැඟවී සිටීමට උදව් උපකාර කළ තිදෙනෙකු සංවිධානාත්මක අපරාධ නිවාරණ කොට්ඨාසය විසින් අත්අඩංගුවට ගනු ලැබීය.

12 December 2018

මහින්දගේ අගමැති ධූරය අභියෝගයට ලක්කළ පෙත්සම විභාගයට තෙදිනක්

මහින්ද රාජපක්ෂ මහතාගේ අග්‍රාමාත්‍ය ධූරය සහ කැබිනට් අමාත්‍යධූර අභියෝගයට ලක්කරමින් රනිල් වික්‍රමසිංහ මහතා ඇතුළු මන්ත්‍රීවරුන් 122 දෙනෙකු අභියාචනාධිකරණයට ඉදිරිපත් කළ පෙත්සම ලබන මස 16,17,18 තෙදින විභාගයට ගැනීමට අභියාචනාධිකරණය අද (12) තීන්දු කළේය .

12 December 2018

පොහොට්ටුවේ මන්ත්‍රීට පහර දුන් එජනිස මන්ත්‍රී අත්අඩංගුවට

බණ්ඩාරගම ප්‍රාදේශීය සභා ප්‍රධාන කාර්යාලය තුළදී ශ්‍රී ලංකා පොදුජන පෙරමුණේ මන්ත්‍රී අජිත් කුමාර සෙනෙවිරත්න මහතාට පහර දී තුවාල සිදුකළ බව කියන එක්සත් ජනතා නිදහස් සංවිධානයේ හිටපු මන්ත්‍රී නිශාන්ත සරත් කුමාර හෙවත් රාජා යන අය නීතිඥ මාර්ගයෙන් බාරවීමෙන් පසු අත්අඩංගුවට ගත් බව බණ්ඩාරගම පොලිසිය පවසයි.

12 December 2018

රනිල්ට විශ්වාසය පළ කිරීමේ යෝජනාව වැඩි ඡන්දයෙන් සම්මතයි

රනිල් වික්‍රමසිංහ මහතාට විශ්වාසය පල කිරීම සඳහා සජිත් ප්‍රේමදාස මහතා ඉදිරිපත් කළ යෝජනාව අද වැඩි ඡන්දයෙන් සම්මත විය. යෝජනාවට පක්ෂව ඡන්ද 117ක් ලැබිණි. විරුද්ධව ඡන්ද ලැබුණේ නැත.

12 December 2018

මන්නාරම් සමුහ මිනීවලෙන් හමුවු සිරුරු 276 දක්වා ඉහළට

මන්නාරම පැරණි සතොස ගොඩනැගිල්ල පැවති ස්ථානයේ හමුවූ සමූහ මිනීවල තුළ සිදුකළ කැණීම් වලදී කුඩා ළමුන් 21 දෙනෙකු ඇතුළු මිනිස් සිරුරු 276ක අස්ථි කොටස් හමුවූ බව අධිකරණ විශේෂඥ වෛද්‍ය සමින්ද රාජපක්ෂ මහතා පැවසීය.

12 December 2018

ප්‍රවීණ ගායක උපාලි කන්නන්ගර සමුගනී

ප්‍රවීණ ගායන ශිල්පී උපාලි කන්නන්ගර මහතා අද (12) උදෑසන පෞද්ගලික රෝහලක දී අභාවප්‍රාප්ත වී ඇති බව ශ්‍රී ලංකා ගායක සංගමයේ සභාපති කීර්ති පැස්කුවෙල් මහතා පවසයි.

12 December 2018

චිකාගෝ ක්‍රමයට පලා ගිය සැකකරු අත්අඩංගුවට

බන්ධනාගාර අත්අඩංගුවේ සිටියදී චිකාගෝ ක්‍රමයට පලා ගොස් සිටි මහා පරිමාණ මත්කුඩු ජාවාරම්කරුවකු වන සුනිල් ශාන්ත නැමැත්තා මීමුරේ ප්‍රදේශයේ දී සංවිධානාත්මක අපරාධ කොට්ඨාසය විසින් අත්අඩංගුවට ගන්නා ලදී.

12 December 2018

වතු කම්කරුවන්ගේ වෘත්තීය ක්‍රියාමාර්ගය හෙටින් අවසන්

වතු කම්කරුවන්ගේ දෛනික මූලික වැටුප රු.1000 දක්වා වැඩි කරන ලෙස ඉල්ලා දින 8 ක් පුරා වතු කම්කරුන් ආරම්භ කර තිබූ වෘත්තිය සමිති ක්‍රියාමර්ගය හෙට (12) අවසන් කරන බව ලංකා කම්කරු කොන්ග්‍රසයේ සභාපති ආරුමුගන් තොණ්ඩමන් මහතා පැවසීය.

11 December 2018

ශ්‍රේෂ්ඨාධිකරණ තීන්දුව කුමක් වුවත් කණ්ඩායමක් ලෙස ඉදිරියට කටයුතු කළ යුතුයි

පාර්ලිමේන්තුව විසුරුවා හැරීම සම්බන්ධයෙන් ශ්‍රේෂ්ඨාධිකරණයෙන් කුමන තීන්දුවක් ලබාදුන්නද එකම කණ්ඩායමක් ලෙස ඉදිරියටත් කටයුතු කළ යුතු යැයි ජනාධිපති මෛත‍්‍රීපාල සිරිසේන මහතා අද (11) රාත‍්‍රී පැවැති එක්සත් ජනතා නිදහස් සන්ධාන පාර්ලිමේන්තු මන්ත‍්‍රී කණ්ඩායම් රැස්වීමේදී ප‍්‍රකාශ කර ඇත.

11 December 2018

විභාග මධ්‍යස්ථාන අවට ජංගම පොලිස් මුර සංචාර යොදවයි

අධ්‍යයන පොදු සහතික පත්‍ර සාමාන්‍ය පෙළ විභාග මධ්‍යස්ථාන අවට ජංගම පොලිස් මුර සංචාර යෙදවීමට පොලිසිය කටයුතු කරනු ඇතැයි විභාග කොමසාරිස් ජනරාල් සනත් පූජිත මහතා පැවැසීය.

11 December 2018

පුරවැසි බලය නියෝජිතයාගේ ප්‍රකාශයක් ගැන පරීක්ෂණයක්

පුරවැසි බලය සංවිධානයේ නියෝජිත සමන් රත්නපි‍්‍රය මහතා මාධ්‍ය සාකච්ඡාවක් පවත්වමින් රට තුළ ජාතික ආරක්ෂාවට තර්ජනයක් වන අන්දමේ සහ අරගලයක් නිර්මාණය වන අන්දමේ ප‍්‍රකාශ නිකුත් කළ බව කියන සිද්ධියන් සම්බන්ධයෙන් පොලිස් විශේෂ විමර්ශන ඒකකය පරීක්ෂණ ආරම්භ කර ඇති බව පොලිස් මුලස්ථානය කියයි.

11 December 2018

පොලිස් ඥාති සංසදයේ උද්ඝෝෂණය වළක්වන්න’යි කළ ඉල්ලීම ඉවතට

‘පොලිස් ඥාති සංසදය’ නැමැති සංවිධානයක් විසින් හෙට (12) කොටුව ජනාධිපති ලේකම් කාර්යාලය ඉදිරිපිටදී සංවිධානය කර ඇති උද්ඝෝෂණ ව්‍යාපාරය තහනම් කරන ලෙසට නියෝගයක් නිකුත් කරන්නැයි කොටුව පොලීසිය කළ ඉල්ලීමක් කොළඹ කොටුව මහේස්ත‍්‍රාත් රංග දිසානායක මහතා අද (11) ප‍්‍රතික්ෂේප කළේය.

11 December 2018

ගාලු කොටුවේ තැපැල් කාර්යාලයේ කොටසක් කඩා වැටෙයි

ගාල්ල කොටුවේ පිහිටි පැරණි තැපැල් කාර්යාල ගොඩනැගිල්ලේ කොටසක් අද (11) කඩා වැටී ඇත.ඒ අසල නවතා තිබූ ත්‍රී රෝද රථයකට හානි සිදුවී ඇති නමුත් කිසිවෙකුටත් අනතුරක් සිදුවී නොමැත.

11 December 2018

මාධ්‍යවේදීයකු ඝාතනය කළැයි හිටපු හමුදා සෙබළකු රිමාන්ඩ්

නිදහස් මාධ්‍යවේදී ලක්මාල් ද සිල්වා මහතා වෙඩි තබා ඝාතනය කළැයි කියන සිද්ධියට අදාළව අපරාධ පරීක්ෂණ දෙපාර්තමේන්තුව අත්අඩංගුවට ගත් යුද හමුදාවේ හිටපු හමුදා සෙබළකු ලබන 20 වැනිදා තෙක් රක්ෂිත බන්ධනාගාර ගත කරන ලෙස ගල්කිස්ස මහෙස්ත‍්‍රාත් ලෝචනා අබේවික‍්‍රම මහත්මිය අද (11) නියෝග කළාය.

11 December 2018

නීතිඥ දොළවත්තගෙන් පොලිසියට ලිපියක්

දඹර අමිල හිමියන්ට ලිට්රෝ ගෑස් සමාගම විසින් මාසිකව රුපියල් 95,000 බැගින් මාස 39 ක පමණ කාලයක් මුදල් ගෙවා ඇති බවට නීතිඥ ප්‍රේම්නාත් දොළවත්ත මහතා ඇතුළු ’’සත්‍ය ගවේෂකයෝ සංවිධානය’’ අද (11) පරීක්ෂණයක් පවත්වන්නැයි ඉල්ලා පොලිස් මූලස්ථානයට ලිපියක් බාරදීමට පැමිණියහ.

11 December 2018

ඔස්ට්‍රේලියාවේදී පිරිමි දරුවන් දෙදෙනකු අපයෝජනය කළැයි ලාංකිකයාට දඬුවම්

ඕස්ට්‍රේලියාවේ පර්ත් නුවර දී හත් හැවිරිදි පිරිමි දරුවන් දෙදෙනකු ලිංගික අපයෝජනයට ලක් කළැයි කියන ශ්‍රී ලාංකිකයකුට වසර 5 ක සිර දඬුවමක් නියම කිරීමට එරට අධිකරණය තීරණය කර තිබේ.

11 December 2018

බන්ධනාගාරයේ සිටින සැමියාට සිම්කාඩ් දෙන්න ගිය බිරිඳට සිරදඬුවම්

ගාල්ල බන්ධනාගාරයේ රඳවා සිටින තම සැමියාට කෑම පාර්සලයක දමා ජංගම දුරකතන සිම්කාඩ් හතක් දිමට තැත් කිරිම සම්බන්ධයෙන් වරද පිළිගත් විත්තිකාර කාන්තාවකට ගාල්ල ප්‍රධාන මහේස්ත්‍රාත් හර්ෂණ කැකුණවෙල මහතා අද (11) මාස හයක සිරදඬුවම් සහ රුපියල් දහසක දඩයක් නියම කර සිරදඬුවම වසර දහයකට අත්හිටුවනු ලැබීය.

11 December 2018

ගමනාගමන සේවකයෝ ජනපතිගෙන් ප්‍රසාද දීමනාව ඉල්ලති

ප්‍රසාද දීමනා හා දරුවන්ට පාසල් උපකරණ ගැනීම වෙනුවෙන් රුපියල් 25,000 මුදලක් ලංකා ගමනාගමන මණ්ඩල සේවකයන්ට ලබාදෙන්නැයි ඉල්ලමින් සමස්ත ලංකා ප්‍රවාහන සේවක සංගමය ජනාධිපතිවරයාට ලිපියක් යොමු කර ඇත.

11 December 2018

ආණ්ඩු පක්ෂය හෙටත් පාර්ලිමේන්තුවට නෑ

පාර්ලිමේන්තුවේ හෙට (12) රැස්වීමත් වර්ජනය කිරීමට එක්සත් ජනතා නිදහස් සන්ධානය තීරණය කර ඇත.

11 December 2018

ජනපති ඝාතන කුමන්ත්‍රණයේ ඉන්දීය ජාතිකයා යළි රිමාන්ඩ්

ජනාධිපති මෛතී‍්‍රපාල සිරිසේන හිටපු ආරක්ෂක ලේකම් ගෝඨාභය රාජපක්ෂ යන මහත්වරු ඝාතනය කිරීමට කුමන්ත‍්‍රණය කළැයි කියන සිද්ධියට සම්බන්ධ මර්සියෙල් තෝමස් නැමැති ඉන්දිය ජාතිකයා ලබන 19 වැනිදා තෙක් යළි රක්ෂිත බන්ධනාගාර ගත කිරීමට කොළඹ ප්‍රධාන මහේස්ත‍්‍රාත් රංග දිසානායක මහතා අද (11) නියෝග කළේය.

11 December 2018

පාර්ලිමේන්තු පක්ෂ නායක රැස්වීමක් හෙට

කතානායක කරු ජයසූරිය මහතා පාර්ලිමේන්තු පක්ෂ නායකයන්ගේ විශේෂ රැස්වීමක් හෙට(12) පෙරවරු 11.30ට කැඳවා ඇත.

11 December 2018

පුවරසම්කුලම් පොලිස් ස්ථානාධිපතිවරයා රිමාන්ඩ්

වවුනියාව පුවරසම්කුලම් පොලිස් ස්ථානාධිපති ප්‍රධාන පොලිස් පරීක්ෂක චමින්ද එදිරිසුරිය මහතා දෙසැම්බර් 13 වැනි දා දක්වා රක්ෂිත බන්ධනාගාර ගත කිරිමට නුගේගොඩ වැඩබලන මහේස්ත‍්‍රාත් තිස්ස විජේරත්න මහතා අද (11) නියම කළේය.

11 December 2018

ජනාධිපතිගේ සම්මුඛ සාකච්ඡාවේ වීඩියෝ පටය අල්ලස් කොමිසමට

පාර්ලිමේන්තු මන්ත්‍රීවරුන්ට අල්ලස් ලබාදීම සම්බන්ධයෙන් ජනාධිපති මෛත්‍රීපාල සිරිසේන මහතා මාධ්‍යට ලබාදුන් සම්මුඛ සාකච්ඡාව සැළකිල්ලට ගන්නැයි ඉල්ලමින් එම සාකච්ඡාවේ වීඩියෝ පටය අල්ලස් හෝ දූෂණ චෝදනා විමර්ශන කොමිසමට ලබා දුන් බව ට්‍රාන්ස්පේරන්සි ඉන්ටනැෂනල් ආයතනයේ විධායක අධ්‍යක්ෂ අසෝක ඔබේසේකර මහතා ලංකාදීපයට පැවසීය.

11 December 2018

රේගු නිලධාරීන්ගේ වර්ජනය අවසන්

සිය වැටුප් විෂමතාව ඉවත් නොකිරීමට විරෝධය දක්වා රේගු නිලධාරීන් අද(11) ආරම්භ කළ සංකේත වැඩවර්ජනය අත්හිටුවීමට තීරණය කළ බව රේගු නිලධාරීන්ගේ සංගමය පවසයි.

11 December 2018