එසැණ පුවත්

දෙමළ ජනයා වෙනුවෙන් දුන් පොරොන්දු ඉටු කළ යුතු බව සම්බන්ධන් කියයි

උතුරේ ජාතික ගැටළුවට ස්ථිර දේශපාලන විසඳුම් ගෙන ඒම ඇතුළු දෙමළ ජනතාව වෙනුවෙන් ලබාදුන් පොරොන්දු රජය විසින් එලෙසම ඉටුකළ යුතු බවත් තවදුරටත් දෙමළ ජනතාව නොරවටන ලෙසත් දෙමළ ජාතික සන්ධානයේ නායක පාර්ලිමේන්තු මන්ත්‍රී ආර්.සම්බන්ධන් මහතා සඳහන් කරයි.

29 May 2019

කොස්තාපල්වරියගේ අත තුවාල කළැයි නීතිඥවරියක් අත්අඩංගුවට

කොළඹ මහාධිකරණ සංකීර්ණ භූමියේ ප්‍රධාන දොරටුවේ සේවයෙහි නියුතුව සිටි පොලිස් කොස්තාපල්වරියකගේ රාජකාරියට බාධා කරමින්, ඇගේ අත සූරා තුවාල කළ බව කියන නීතිඥවරියක කෙසෙල්වත්ත පොලිසිය අත්අඩංගුවට ගත් බව පොලිස් මාධ්‍ය ප්‍රකාශක කාර්යාලය කියයි.

29 May 2019

වසන්ත ‍සේනානායකට රාජ්‍ය ඇමති ධූරයක්

විදේශ කටයුතු රාජ්‍ය අමාත්‍යවරයා ලෙස පොළොන්නරුව දිස්ත‍්‍රික් මන්ත‍්‍රී වසන්ත සේනානායක මහතා ජනාධිපති නිල නිවසේදී ජනාධිපති මෛත‍්‍රීපාල සිරිසේන මහතා ඉදිරියේ අද (29) දිවුරුම් දුන්නේය.

29 May 2019

මිනුවන්ගොඩ සිද්ධියේ 15 කට ඇප - 4 ක් නිදහස්

මිනුවන්ගොඩ ඇතිවූ කළහකාරී සිද්ධිය සම්බන්ධයෙන් රක්ෂිත බන්ධනාගාර ගතකර සිටි සැකකරුවන් 15 දෙනෙකු ඇප මත මුදා හැරීමට මිනුවන්ගොඩ මහේස්ත්‍රාත් කේසර සමදිවාකර මහතා අද (29) නියෝග කළේය.

29 May 2019

සුමංගල ඩයස් ගුවන් හමුදාපති තනතුරට

නව ගුවන් හමුදාපති ලෙස මාණ්ඩලික ප්‍රධානී එයාර් මාෂල් සුමංගල ඩයස් මහතා පත් කර තිබේ.

29 May 2019

වෛද්‍ය පරිපාලකයින්ට අමාත්‍යාංශ ලේකම්ගේ අවසරයකින් තොරව ප්‍රසිද්ධ ප්‍රකාශ කිරීම තහනම්

සෞඛ්‍ය පෝෂණ හා දේශීය වෛද්‍ය අමාත්‍යාංශය යටතේ ඇති රෝහල් සහ අනෙකුත් ඒකකවල වෛද්‍ය පරිපාලකයින්ට අමාත්‍යාංශ ලේකම්වරයාගේ අවසරයකින් තොරව මාධ්‍යයට කරුණු දැක්වීම හෝ ප්‍රසිද්ධ ප්‍රකාශ කිරීම අද (28) සිට තහනම් කර තිබේ.

28 May 2019

මහින්දට වෙඩි නොවදින රථයක් ගන්න අනුමැතිය ඉල්ලා කැබිනට් යෝජනාවක්

විපක්ෂ නායක මහින්ද රාජපක්ෂ මහතාට වෙඩි නොවදින මෝටර් රථයක් මිලදී ගැනීම සඳහා අනුමැතිය ඉල්ලා කැබිනට් මණ්ඩලයට අද (28) යෝජනාවක් ඉදිරිපත් කර තිබූ බව වාර්තා වේ.

28 May 2019

සහරාන් අත්අඩංගුවට ගන්න 2018 දී වරෙන්තුවක් අරන්

පාස්කු දින ප්‍රහාරයේ මහා මොළකරු වන ජාතික තව්හීත් ජමාත් සංවිධානයේ නායක මොහොමඩ් කාසිම් මොහොමඩ් සහරාන් අත්අඩංගුවට ගැනීම සඳහා 2018 වසරේ ජුලි මස 2 වන දින ත්‍රස්තවාදී විමර්ශන කොට්ඨාසය විසින් විවෘත වරෙන්තුවක් ගෙන තිබූ බව ආරක්ෂක අංශ රජයට බාරදුන් වාර්තාවක සඳහන් වේ.

28 May 2019

කැබිනට් රැස්වීමේදී මලික් - සාගල ගැටෙති

අයෝජන මණ්ඩල ව්‍යාපෘතියක් ලෙස යකඩ කර්මාන්ත ශාලාවක් ආරම්භ කිරීම සඳහා වරාය අධිකාරිය සතු ත්‍රිකුණාමල වරායෙ ඉඩම් කොටසක් ලබා දෙන ලෙස ඇමැති මලික් සමරවික්‍රම මහතා කර ඇති ඉල්ලීමක් වරාය ඇමැති සාගල රත්නායක මහතා විසින් අද (28) පැවැති කැබිනට් මණ්ඩල රැස්වීමේදී ප්‍රතික්ෂේප කරනු ලැබූ බව රජයේ ආරංචි මාර්ග සඳහන් කරයි.

28 May 2019

සංගීත කණ්ඩායම්වල නියෝජිතයෝ මුදල් ඇමැති හමුවෙති

දිවයිනේ ජනප්‍රිය සංගීත කණ්ඩායම් වල නියෝජිතවරු පිරිසක් අද (28) මුදල් අමාත්‍ය මංගල සමරවීර මහතා හමුවී සිය වෘත්තියට අත්ව ඇති පරිහානිය පිළිබඳව කරුණු ඉදිරිපත් කළහ.

28 May 2019

‘‘ඉස්ලාම් අන්තවාදයට එරෙහිව සමස්ථ ජාතියම නැගී සිටිය යුතුයි‘‘

වාද භේද පසෙක ලා ඉස්ලාම් අන්තවාදයට එරෙහිව සමස්ත ජාතියම අවදිව තමන්ට කළ හැකි කාර්යය රට වෙනුවෙන් ඉටුකළ යුතුව ඇතැයි පාර්ලිමේන්තු මන්ත‍්‍රී අතුරලියේ රතන හිමියෝ කොළඹදී පැවැසූහ.

28 May 2019

පොලිසිය පොලිසිය ගැනම හොයයි

පාස්කු ඉරිදා සිදු වූ ත්‍රස්ත ප්‍රහාරයෙන් අනතුරුව විවිධ ප්‍රදේශයන්හි කඩාකප්පල් කාරී ක්‍රියාවන් සිදු වීම සම්බන්ධයෙන් පොලිස්පති නියමයෙන් අද (28) පොලිස් මූලස්ථානයේ විශේෂ විමර්ශන ඒකකයෙන් පරීක්ෂණයක් ආරම්භ කළ බව ජ්‍යෙෂ්ඨ පොලිස් නිලධාරියෙක් පැවැසීය.

28 May 2019

පුපුරණ ද්‍රව්‍ය ළඟ තබාගත් අයෙක් රිමාන්ඩ්

පුපුරණ ද්‍රව්‍ය කිලෝ 14කට අධික ප‍්‍රමාණයක් සන්තකයේ තබාගෙන සිටි කොළඹ පෞද්ගලික රෝහලක සේවකයකු ලබන 10 වැනිදා තෙක් රක්ෂිත බන්ධනාගාර ගත කරන ලෙස කොළඹ අතිරේක මහේස්ත‍්‍රාත් ශලනි පෙරේරා මහත්මිය අද (28) නියෝග කළාය. ඒ අනුව මෙලෙස රක්ෂිත බන්ධනාගාර ගත කරනු ලැබුවේ බූස්ස, රත්ගම පදිංචි කොත්ති චතුරංග කුමාර නැමැත්තාය.

28 May 2019

‘පොහොට්ටුව සමඟ සන්ධානගත වී ජනාධිපතිවරණයට සූදානම් වෙනවා’

ශ්‍රී ලංකා නිදහස් පක්‍ෂය හා පොදුජන පෙරමුණ අතර සාකච්ඡා කඩිනමින් අවසන් කර ඉදිරි ජනාධිපතිවරණයට සූදානම් වීමට රැස් වූ ශ්‍රීලනිප මධ්‍යම කාරක සභාවේදී තීරණය කෙරුණු බව එම පක්‍ෂයේ මහලේකම්, පාර්ලිමේන්තු මන්ත‍්‍රී දයාසිරි ජයසේකර මහතා පැවසීය.

28 May 2019

සෞඛ්‍ය ඇමැතිගේ කමිටුවට සාක්කි දීම ප්‍රතික්ෂේප කරයි

ෂාෆි ෂිහාබ්දීන් වෛද්‍යවරයා විසින් වඳ සැත්කම් සිදු කළැයි පැවසෙන කතාවේ සත්‍ය අසත්‍ය සෙවීම සඳහා සෞඛ්‍ය අමාත්‍ය රාජිත සේනාරත්න මහතා විසින් පත්කර එවන ලද කමිටුව හමුවේ සාක්ෂි ලබාදීම ප්‍රතික්ෂේප කිරීමට කුරුණෑගල ශික්ෂණ රෝහලේ කාර්ය මණ්ඩලයම තීරණය කර ඇත.

28 May 2019

වෛද්‍ය ෂාෆිට එරෙහිව අදත් කුරුණෑගලට පැමිණිලි 56 ක්

ප්‍රසව හා නාරිවේද වෛද්‍ය ෂාෆි ෂිහාබ්දීන් මහතාට එරෙහිව අද (28) දිනයේ කුරුණෑගල ශික්ෂණ රෝහලට කාන්තාවන්ගෙන් පැමිණිලි 56 ක් ලැබී තිබූ බව කුරුණෑගල ශික්ෂණ රෝහලේ ප්‍රකාශයෙක් පැවසීය.

28 May 2019

‘වන්ධ්‍යකරණය ගැන එදා ඉඳන් අපි කිව්වා පියවරක් ගත්තේ නෑ’

වන්ධ්‍යකරණය ගැන අපි කතා කළේ 2012 සිට කතා කළත් එදා පටන් සිටි කිසිම ආණ්ඩුවක් කිසිම පියවරක් ගත්තේ නැතුව දැන් එක වෛද්‍යවරයෙක් අල්ලගෙන මරාගෙන කන්න හදනවා යැයි බොදුබල සේනා සංවිධානයේ මහලේකම් ගලගොඩ අත්තේ ඥානසාර හිමියෝ අද (28) පැවසූහ.

28 May 2019

කොළඹ නාගරික කොමසාරිස්ට හදිසි මාරුවක්

කොළඹ නාගරික කොමසාරිස් වී.කේ.ඒ අනුර මහතා වහාම ක්‍රියාත්මක වන පරිදි එම තනතුරින් ඉවත් කර ආර්ථික කටයුතු අමාත්‍යංශයේ අතිරේක ලේකම් ධුරයට පත් කර තිබේ.

28 May 2019

අන්තවාදී අධ්‍යාපන ආයතන පාලනයට නව නීති ගේනවා

අන්තවාදී උවමනාවන් වෙනුවෙන් ක්‍රියාත්මක වන අධ්‍යාපන ආයතන පාලනයටත්, නීතිවිරෝධී විවාහ වැළැක්වීම සඳහාත් නීති ගෙන ඒමට පාර්ලිමේන්තුව කඩිනමින් කටයුතු කරනු ඇතැයි ශ්‍රී ලංකා පාර්ලිමේන්තුවේ කතානායක කරු ජයසුරිය මහතා අද (28) පැවැසීය.

28 May 2019

ඇමැති කිරිඇල්ලගේ මාධ්‍ය සේවකයන් තිදෙනා අධිකරණයට

මහජන ආරක්ෂාව සහ මහජන සාමය පවත්වාගෙන යාමට නොහැකි විය හැකි අගතිගාමී කරුණු ඇතුළත් පත‍්‍රිකා බෙදා හැරීමට සුදානම් කළැයි කියන සිද්ධියකට අදාළව රැඳවුම් නියෝග මත රඳවා තබා ගෙන සිටින අමාත්‍ය ලක්ෂ්මන් කිරිඇල්ල මහතාගේ මාධ්‍ය අංශයේ සේවකයින් තිදෙනා මහේස්ත‍්‍රාත් නිරීක්ෂණය සඳහා කොළඹ අපරාධ කොට්ඨාසය කොළඹ කොටුව මහේස්ත‍්‍රාත් රංග දිසානායක මහතා හමුවට අද (28) ඉදිරිපත් කළේය.

28 May 2019

‘විශ්වාසභංගයට පෙර පාර්ලිමේන්තු කමිටු වාර්තාව ගෙන එන්න දෙන්නේ නෑ’

පාස්කු ඉරිදා ප‍්‍රහාරය සම්බන්ධයෙන් සොයා බලා වාර්තා කිරීම සඳහා පත්කර ඇති පාර්ලිමේන්තු විශේෂ තේරීම් කාරක සභාවේ වාර්තාව හෝ අතුරු වාර්තාවක් ඇමැති රිෂාඩ් බදියුදීන් මහතාට එරෙහිව ඉදිරිපත් වී ඇති විශ්වාසභංග යෝජනාව විවාදයට ගැනීමට පෙර පාර්ලිමේන්තුවට ගෙන එන්නට ඉඩ දෙන්නේ නැතැයි ශ්‍රී ලංකා නිදහස් පක්‍ෂයේ මහලේකම්, පාර්ලිමේන්තු මන්ත‍්‍රී දයාසිරි ජයසේකර මහතා පැවසීය.

28 May 2019

‘බදියුදීන් - අසාද්සාලි - හිස්බුල්ලා තනතුරුවලින් ඉවත්කරන්න ජනපතිට පැය 24ක් දෙනවා’

කර්මාන්ත හා වාණිජ කටයුතු අමාත්‍ය රිෂාද් බදියුදීන්, බස්නාහිර පළාත් ආණ්ඩුකාර අසාද් සාලි සහ නැගෙනහිර පළාත් ආණ්ඩුකාර ඒ. එල්. ඒ. එම්. හිස්බුල්ලා යන මහත්වරුන් එම ධූරයන්ගෙන් ඉවත් කිරීම සඳහා ජනාධිපති මෛත‍්‍රීපාල සිරිසේන මහතාට පැය 24ක කාලයක් ලබා දෙන බවත් එසේ නොමැතිනම් තමන්ට ගත හැකි ඉහළම තීන්දුව ගන්නා බවත් පාර්ලිමේන්තු මන්ත‍්‍රී අතුරලියේ රතන හිමියෝ කොළඹදී අද(28) පැවැසූහ.

28 May 2019

සිවුරු 41ක් - කඩු 3ක් සමඟ තිදෙනෙක් අත්අඩංගුවට

බණ්ඩාරගම අටුලුගම ජයකොඩි කන්ද හා මාරාව ප්‍රදේශවල සිදුකළ සෝදිසි මෙහෙයුමේදී අල්ගස් සාලි මුස්ලිම් ප්‍රාථමික විද්‍යාල භූමියේ තිබී කඩු, සිවුරු, කහ සලු සමඟ එහි විදුහල්පති ඇතුළු පුද්ගලයන් තිදෙනෙකු අත්අඩංගුවට ගත් බව පොලිසිය කියයි.

28 May 2019

‘නීති හදන්න බලය තියෙන අය අපිව හොයාගෙන එන්න ඕන නැහැ‘

ත්‍රස්තවාදය මර්දනය කිරීමේ නීති සකස් කිරීමේ බලය පාර්ලිමේන්තුවට ඇතත් එම මන්ත්‍රීවරු ලිපිලේඛන සකස් කර අප හමුවට පැමිණ විසදුම් ඉල්ලා සිටින බව පැවසු මල්වතු පාර්ශවයේ මහනායක තිබ්බටුවාවේ ශ්‍රී සිද්ධාර්ථ සුමංගල නාහිමියෝ ඔවුන් පාර්ලිමේන්තුවට පත් කර ඇත්තේ ඒ කරුණු විසඳීම සඳහා යැයිද පැවසූහ.

28 May 2019

බිළිඳකු හුවමාරු කළැයි වෛද්‍ය ෂාෆිට ඇති පැමිණිල්ල විමර්ශනයට

කුරුණෑගල ශික්ෂණ රෝහලේදී වෛද්‍ය ෂාෆි මහතා අලුත උපන් බිළිඳකු වෙනත් පාර්ශ්වයකට ලබාදීමට උත්සාහ කර ඇති බවට ලැබී ඇති පැමිණිල්ලක් සම්බන්ධයෙන් විශේෂ විමර්ශනයක් ආරම්භ කළ බව සෞඛ්‍ය අමාත්‍යංශය සඳහන් කරයි.

28 May 2019

අශෝක් අබේසිංහ අධිකරණයට ඉදිරිපත් කරන්නැයි නීතීපති උපදෙස්

පාර්ලිමේන්තු කටයුතු අමාත්‍යංශයට අයත් රුපියල් දෙලක්‍ෂයකට අධික මුදලක් වංක අන්දමින් සිය ප‍්‍රයෝජයට ගැනීමේ සිද්ධියකට අදාළව ප‍්‍රවාහන සහ සිවිල් ගුවන්සේවා රාජ්‍ය අමාත්‍ය අශෝක් අබේසිංහ මහතා වහාම අධිකරණයට ඉදිරිපත් කිරීමට පියවර ගන්නා ලෙස නීතීපතිවරයා පොලිසියට උපදෙස් ලබාදී ඇතැයි වාර්තා වේ.

28 May 2019

ව්‍යාජ නමකින් මූතූර් කෝවිලේ සේවය කළ අයෙක් රිමාන්ඩ්

මුතුර් කිලිවෙඩ්ඩි මුත්තුමාරි අම්මාන් කෝවිලේ ආවතේව කටයුතු කරමින් ව්‍යාජ නමකින් පෙනි සිටි මුස්ලිම් ජාතිකයෙකු ලබන ජුනි 3දා දක්වා රක්ෂිත බන්ධනාගාර ගත කරන ලෙස මුතුර් මහේස්ත්‍රාත් මොහොමඩ් සම්සුදින් මහතා මුතුර් පොලිසියට නියම කළේය.

28 May 2019

ජනපතිගෙන් හිස්බුල්ලාට නව තනතුරක්

ආණ්ඩුකාර එම්.එල්.ඒ.එම් හිස්බුල්ලා මහතා ත්‍රිකුණාමලය, මඩකලපුව හා අම්පාර යන දිස්ත්‍රික්කයන්හි දිස්ත්‍රික් සම්බධීකරණ කමිටුවල සම සභාපතිවරයා ලෙස ජනාධිපති මෛත්‍රිපාල සිරිසේන මහතා විසින් පත්කරනු ලැබ තිබේ.

28 May 2019