එසැණ පුවත්

විදුලිබල මණ්ඩලයට එරෙහි නඩුවේ වැඩිදුර විභාගය කල්යයි

නොදන්වා විදුලි කප්පාදුවක් සිදුකර ඒ සම්බන්ධව මහජන උපයෝගීතා කොමිසමට තොරතුරු ලබා නොදුන්නැයි කියමින් එම කොමිසම විදුලිබල මණ්ඩලයට එරෙහිව පවරා ඇති නඩුවේ වැඩිදුර විභාගය ලබන 16 වැනිදා තෙක් කල් තැබීමට කොළඹ කොටුව මහේස්ත‍්‍රාත් රංග දිසානායක මහතා අද (9) නියෝග කළේය.

09 April 2019

අද රෑ සිට පෞද්ගලික බස් රථ වර්ජනයක්

පෞද්ගලික බස් රථ සේවකයින් අද මධ්‍යම රාත්‍රියේ සිට බස් වර්ජනයක් ඇරැඹීමට තීරණය කර ඇතැයි සමස්ත ලංකා පෞද්ගලික බස් සේවක සංගමය පවසයි.

09 April 2019

පාතාල සාමාජික ‘වැල්ලේ සාරංග’ අත්අඩංගුවට

පාතාල සාමාජිකයෙකු වන ‘වැල්ලේ සාරංග’ නැමැත්තා රුපියල් ලක්ෂ 15 ට අධික අයිස් මත්ද්‍රව්‍ය හා හොරොයින් සමග අද(09) මෝදර රොක්හවුස් පටුමග ප‍්‍රදේශයේදී අත්අඩංගුවට ගත් බව විශේෂ කාර්ය බලකාය කියයි.

09 April 2019

කරන්නාගොඩගෙන් ප්‍රකාශ සටහන් කරගෙන අවසන්

කොටහේන ප‍්‍රදේශයේ පුද්ගලයින් 11 දෙනෙකු අතුරුදන් කළැයි කියන සිද්ධියට අදාළව හිටපු නාවික හමුදාපති අද්මිරාල් වසන්ත කරන්නාගොඩ මහතාගෙන් ප‍්‍රකාශ සටහන් කරගැනීම අවසන් කර ඇතැයි අපරාධ පරීක්ෂණ දෙපාර්තමේන්තුව අද (9) කොළඹ කොටුව මහෙස්ත‍්‍රාත් රංග දිසානායක මහතා හමුවේ ප‍්‍රකාශ කළේය.

09 April 2019

ඩුබායි රටෙන් පිටුවහල් කළ තවත් අයෙක් ප්‍රශ්න කර මුදාහරියි

ඩුබායි හි හෝටලයක පැවති උපන්දින සාදයක් අතරතුර මාකදුරේ මධුෂ් ඇතුළු පිරිසක් සමග එරට පොලිස් අත්අඩංගුවට ගෙන සිට පිටුවහල් කිරීමෙන් පසු කටුනායක ගුවන් තොටුපොළේ දී අපරාධ පරීක්ෂණ දෙපාර්තමේන්තුවට බාරයට ගෙන සිටි දෙදෙනාගෙන් මොහොමඞ් මුෆාර් මොහොමඞ් ජබීර් (30) නැමැත්තා අද (9) මුදා හැරිය බව පොලිස් මාධ්‍ය ප‍්‍රකාශක පොලිස් අධිකාරි රුවන් ගුණසේකර මහතා පැවසීය.

09 April 2019

මාකඳුරේ මධූෂ් මේ සතියේදී ලංකාවට

ඩුබායි පොලිස් අත්අඩංගුවේ සිටින පාතාල නායක මාකඳුරේ මධුෂ් නැමැත්තා මේ සතිය ඇතුළතදී ලංකාවට පැමිණීමට නියමිතව ඇතැයි නියෝජ්‍ය සොලිස්ටර් ජනරාල් දීලීප පීරීස් මහතා අද කොළඹ කොටුව මහෙස්ත්‍රාත් රංග දිසානායක මහතාට දැනුම් දුන්නේය.

09 April 2019

කෝටියක මත්පැන්, දුම්වැටි සමඟ චීන කාන්තාවක් ඇතුළු 2ක් අත්අඩංගුවට

නීතිවිරෝධීව අලෙවි කළ රුපියල් කෝටියකට ආසන්න වටිනාකමින් යුක් විදෙස් රටක නිෂ්පාදිත මත්පැන්, දුම්වැටි තොගයක් සමඟ චීන ජාතික කාන්තාවක් සහ පුද්ගලයකු කොල්ලුපිටියේ චීන අවන්හලකදී අත්අඩංගුවට ගත් බව කොල්ලුපිටිය පොලිසිය කියයි.

09 April 2019

වියළි කාලගුණයෙන් ලක්ෂ 4කට වැඩි පිරිසක් පීඩාවට

දිවයිනේ පළාත් 8ක දිස්ත‍්‍රික්ක 14කට බලපා ඇති වියළි කාලගුණ තත්ත්වය හේතුවෙන් මේ වන විට පවුල් 99,226කට අයත් පුද්ගලයින් 4,07,672 දෙනෙකු පීඩාවට පත්ව සිටින බව ආපදා කළමනාකරණ මධ්‍යස්ථානය පවසයි.

09 April 2019

පළාත් තුනකට මි.මී.100 ඉක්මවූ තද වැසි

ඌව, සබරගමුව සහ මධ්‍යම පළාත්වල ඇතැම් ප‍්‍රදේශයන්ට අද (9) සවස් කාලයේ දී මිලිමීටර 100 ඉක්ම වූ වැසි ඇතිවිය හැකි බව කාලගුණ විද්‍යා දෙපාර්තමේන්තුව පවසයි.

09 April 2019

කෘෂිකර්ම නව ගොඩනැගිල්ලේ ඉඩ පහසුකම් වල අඩුවක්

ගොවිජන මන්දිරය අතහැර දමා⁣ කෘෂිකර්ම අමාත්‍යාංශය රාජගිරියේ පිහිටි නව ගොඩනැගිල්ලට පැමිණියද එම ගොඩනැගිල්ලේ ඉඩ පහසුකම් අඩුවක් තිබුණේ යැයි කෘෂිකර්ම අමාත්‍යාංශයේ ජ්‍යෙෂ්ඨ සහකාර ලේකම් හිමාලි හඳුන්හේවා මහත්මිය ජනාධිපති කොමිෂන් සභාව හමුවේ සාක්කි දෙමින් අද (08) පැවසුවාය.

08 April 2019

ඝෝෂාකාරී නළා භාවිතා කරන රියදුරන්ට ජූලි පළමුදා සිට දැඩි නීති

රථවාහන නීති උල්ලංඝණය කරමින් විවිධ නාදරටා සහිත ඝෝෂාකාරී ශබ්ද සිහිත නළා පරිහරනය කරන සහ පීඩාකාරී ලෙස අලෝක රටා භාවිතා කරන බස් රථ ඇතුළු වාහන වල රියදුරන්ට ජූලි මස 1 වැනිදා සිට දැඩිව නීතිය කි‍්‍රයාත්මක කරන බව රථවාහන භාර නියෝජ්‍ය පොලිස්පති අජිත් රෝහණ මහතා පැවසීය.

08 April 2019

පාතාල සමාජිකයකු කොළඹ අපරාධ කොට්ඨාසයට

ඩුබායි සිට අද (08) පිටුවහල් කළ මොහොමඩ් නසීම් මොහොමඩ් ෆයිසාල් කටුනායක ගුවන් තොටුපළ අපරාධ පරීක්ෂණ දෙපාර්තමේන්තු පරිශ්‍රයේ සිට කොළඹ අපරාධ කොට්ඨාසය වෙත රැගෙන ගියේය.

08 April 2019

අවුරුදු සමයේ අනතුරු වළක්වා ගන්න පොලිසියේ 8000ක්

අලුත් අවුරුදු සමයේ සිදුවන අනතුරු වළක්වා ගැනීම සඳහා රථවාහන පොලිස් නිලධාරීන් 8000 ක් යොදවා දිවයින පුරා මෙහෙයුම් සිදුකරන බව රථවාහන භාර නියෝජ්‍ය පොලිස්පති අජිත් රෝහණ මහතා කියා සිටියේය.

08 April 2019

ලංවිම වැටුප් ගැටළුව ගැන වෘත්තීය සංගම් තීරණයකට

ලංකා විදුලිබල මණ්ඩලයේ ඉංජිනේරු සංගමය සහ ලංකා විදුලි පොදු සේවක සංගමය ඇතුළු අනෙකුත් වෘත්තිය සංගම් අද (08) කොළඹ දී ස්ථාන දෙකකදී රැස්වී ලංවිම සේවක වැටප් ගැටළුව පිළිබඳව තීරණ කිහිපයක් ගෙන තිබේ.

08 April 2019

හෙද - පරිපූරක වර්ජනයෙන් රෝහල් කටයුතුවලට බාධා

උසස්වීම් ක‍්‍රමයේ විෂමතා ඉවත් කරගැනීම ඇතුළු ඉල්ලීම් කිහිපයක් මුල් කරගනිමින් හෙද, පරිපූරක හා අතුරු වෛද්‍ය සේවාවන්ට අයත් වෘත්තීය සමිති 16ක් අද (8) පෙරවරු 7.00 සිට දීපව්‍යාප්තව ක‍්‍රියාත්මක කළ එක් දින වැඩ වර්ජනය හේතුවෙන් රෝහල් රැසක දෛනික කටයුතුවලට බාධා එල්ල වූ බව වාර්තා වේ.

08 April 2019

සයිප‍්‍රසයේ සමාජ ආරක්ෂණ අරමුදලේ කොන්දේසි වෙනස් වෙයි

සයිප‍්‍රසයේ ක‍්‍රියාත්මක වන සමාජ ආරක්ෂණ අරමුදල වෙනුවෙන් දායක වූ එරට වසර හයකට වඩා සේවය කරන ශ්‍රී ලාංකිකයින්ට වයස 68 ක් වූ පසු එම අරමුදලේ ප‍්‍රතිලාභවලින් සියයට 15 ක් ලබාගත හැකි වන පරිදි එම අරමුදලෙහි කොන්දේසි වෙනස් කර ඇතැයි විදේශ සේවා නියුක්ති කාර්යංශය කියයි.

08 April 2019

යුද සමයේ සරණාගතයින් ලෙසින් රටින් ගිය පවුල් 23 ක් හෙට ලංකාවට

යුද ගැටුම් පැවති කාලයේ සරණාගතයින් ලෙස දකුණු ඉන්දියාව බලා ගිය පවුල් 23ක, සාමාජිකයින් 58 දෙනෙකු හෙට (9) දිනයේ දී ශ්‍රී ලංකාවට පැමිණීමට නියමිත බව ජාතික ප්‍රතිපත්ති, ආර්ථික කටයුතු, නැවත පදිංචි කිරීම, පුනරුත්ථාපන, උතුරු පළාත් සංවර්ධන හා යෞවන කටයුතු අමාත්‍යාංශය පවසයි.

08 April 2019

දරුණු ගණයේ අපරාධකරුවන් බූස්ස බන්ධනාගාරයට

සිර දඬුවම් විදින දරුණු ගණයේ පාතාල අපරාධකරුවන් හා ප්‍රධාන පෙලේ මත්කුඩු ජාවාරම්කරුවන් සියලු දෙනා බූස්ස බන්ධනාගාරය වෙත මාරු කර යැවීමට තීරණය කර ඇතැයි අධිකරණ හා බන්ධනාගාර ප්‍රතිසංස්කරණ අමාත්‍යංශය පවසයි.

08 April 2019

ඉතාලියේ දී මියගිය පුද්ගලයකුගේ සිරුර 25 වසරකට පසු ලංකාවට

ඉතාලියේ දී වසර 25 කට පෙර මියගිය යාපනයේ පදිංචිකරුවකුගේ සිරුර ඉකුත් 6 වැනි දා යාපනයට ගෙනවිත් අවසන් ගෞරවය සඳහා නිවසේ තබා මිහිදන් කර තිබේ.

08 April 2019

ශ්‍රීලනිප සමඟ සාකච්ඡා නතර කළ නොහැකි බව ජීඇල් කියයි

නව දේශපාලන සන්ධානයක් ගොඩනැඟීම සදහා ශ්‍රී ලංකා නිදහස් පක්‍ෂය සමඟ පවත්වන සාකච්ඡා අතරමඟ නතරකර දමා පැනයාමට තම පක්‍ෂය සූදානම් නැති අතර එම සාකච්ඡා ඉදිරියටත් පැවැත්වීමට බලාපොරොත්තු වන බවත් ශ්‍රී ලංකා පොදුජන පෙරමුණේ සභාපති මහාචාර්ය ජී.එල් පිරීස් මහතා අද (8) පැවැසීය.

08 April 2019

ඉන්දීය පාර්ලිමේන්තුවේ තුනෙන් එකක් කාන්තාවන්ට දෙන්න පොරොන්දුවක්

මැතිවරණයෙන් ජයග්‍රහණය කළහොත් ඉන්දීය පාර්ලිමේන්තුවේ සහ ප්‍රාන්ත සභාවල සමස්ත ආසන සංඛ්‍යාවෙන් 33%ක් කාන්තාවන් වෙනුවෙන් වෙන් කරන බව එරට පාලක පක්ෂය වන භාරතීය ජනතා පක්ෂය අද (8) පොරොන්දුවක් දුන්නේය.

08 April 2019

‘ලසන්ත’ ඝාතනයට ගෝඨාට එරෙහිව ඇමෙරිකානු අධිකරණයක නඩුවක්

මාධ්‍යවේදී ලසන්ත වික්‍රමතුංග මහතාගේ ඝාතනය සම්බන්ධයෙන් හිටපු ආරක්ෂක ලේකම් ගෝඨාභය රාජපක්ෂ මහතාට එරෙහිව ඇමෙරිකානු අධිකරණයක නඩුවක් ගොනු කර ඇතැයි ආරංචි මාර්ග පවසයි.

08 April 2019

මරණ දඬුවම අත්හිටුවිය යුතු බව යුරෝපා සංගමය කියයි

මරණ දඬුවම ක්‍රියාත්මක කිරීම අත්හිටුවිය යුතු බව යුරෝපා සංගමයේ නියෝජිත මණ්ඩලය යළි අවධාරණය කර ඇත.

08 April 2019

ප්‍රවීණ සංගීතවේදී එච්.එම්. ජයවර්ධන සමුගනී

ප‍්‍රවීණ සංගීතවේදී එච්.එම් ජයවර්ධන මහතා අභාවප‍්‍රාප්ත විය. අසනීපව කළුබෝවිල ශික්‍ෂණ රෝහලේ ප‍්‍රතිකාර ලබමින් සිටි එච්.එම් ජයවර්ධනයන් මිය යන විට 69 වැනි වියෙහි පසුවිය.ඔහු අභාවප‍්‍රාප්ත ප‍්‍රවීණ ගායන ශිල්පිනී මාලනී බුලත්සිංහල මහත්මියගේ ස්වාමි පුරුෂයා වූ අතර ජනප‍්‍රිය ගායක සහ සංගීතවේදී කසුන් කල්හාරගේ පියාණන්ද විය.

08 April 2019

මාතර - බෙලිඅත්ත දුම්රිය ගමන් ඇරඹෙයි

මාතර - කතරගම දුම්රිය ව්‍යාපෘතියේ පළමු අදියර වන මාතර සිට බෙලිඅත්ත දක්වා වන කොටස අද (08) ප්‍රවාහන හා සිවිල් ගුවන්සේවා අමාත්‍ය අර්ජුන රණතුංග මහතාගේ ප්‍රධානත්වයෙන් විවෘත කෙරිණි.

08 April 2019

සැකකරුවන් පළාගියාට පොලිසියේ දෙදෙනකුගේ වැඩ තහනම්

කොස්ගම පොලිස් සිරමැදිරියේ රඳවා සිටි සැකකරුවන් දෙදෙනෙකු පලායාම සම්බන්ධයෙන් එම අවස්ථාවේ සේවයේ යෙදී සිටි පොලිස් කොස්තාපල්වරයා සහ කාර්යභාර නිලධාරී පොලිස් සැරයන්වරයාගේ වැඩ තහනම් කර ඇතැයි පොලිස් මාධ්‍ය ප්‍රකාශක පොලිස් අධිකාරී රුවන් ගුණසේකර මහතා පැවසීය.

08 April 2019

කොග්ගලදී යතුරුපැදි 3ක් ගැටී අයෙක් මරුට

කොග්ගල සිංහ ධීවර ගම්මානය අසළදී යතුරුපැදි තුනක් එකිනෙක ගැටීමෙන් යතුරුපැදියක ගමන්ගත් තරුණයකු බරපතල තුවාල ලබා මිය ගොස් ඇතැයි හබරාදුව පොලිසිය පවසයි.

08 April 2019

මධූෂ් සමඟ සිටි තව දෙන්නෙක් කටුනායකට

මාකඳුරේ මධූෂ් සමඟ ඩුබායිහිදී අත්අඩංගුවට ගෙන සිටි තවත් දෙදෙනෙක් එරටින් පිහිටුවහල් කරනු ලැබ අද අලුයම කටුනායක ගුවන් තොටුපොළින් ශ්‍රී ලංකාවට පැමිණියහ.

08 April 2019