එසැණ පුවත්

විදේශිකයන්ගේ මළ සිරුරු කඩිනමින් බාරදීමට යයි

බෝම්බ ප‍්‍රහාරයන් හේතුවෙන් මියගිය විදේශිකයන්ගේ මෘත දේහ කඩිනමින් එම රටවලට රැගෙන යාමට අවශ්‍ය වැඩපිළිවළක් සකස් කරන ලෙසට අග‍්‍රාමාත්‍ය රනිල් වික‍්‍රමසිංහ මහතා උපදෙස් ලබා දී තිබේ.

23 April 2019

පාසල් දෙවැනි වාරය ඇරැඹීම 29 වැනිදාට කල් යයි

රජයේ සියලු පාසල් දෙවැනි වාරය සඳහා යළි විවෘත කිරීම 29 වැනිදා දක්වා කල් දැමු බව අධ්‍යාපන ඇමැති අකිල විරාජ් කාරියවසම් මහතා පැවසීය.

23 April 2019

දිව්‍ය පූජා නවත්වන්න'යි අගරදගුරුතුමෝ ඉල්ලති

නැවත දැනුම් දෙනතුරු දේවස්ථානයන්හි දිව්‍ය පුජාවන් සංවිධානය නොකරන ලෙස පියතුමන්ලාගෙන් ඉල්ලා සිටින බව අගරදගුරු අතිඋතුම් මැල්කම් කාදිනල් රංජිත් හිමිපාණෝ පැවසූහ.

23 April 2019

පිපිරීම්වලට අදාළ 40ක් අත්අඩංගුවට

බෝම්බ සිද්ධීන්වලට අදාළ පුද්ගලයින් 40 දෙනෙකු දැනට අත්අඩංගුවට ගෙන ඇති බව පොලිස් මාධ්‍ය ප්‍රකාශක පොලිස් අධිකාරී රුවන් ගුණසේකර මහතා පවසයි.

23 April 2019

‘පිපිරීමෙන් අතුරුදන් වූවන් ගැන දැනුම්දෙන්න’

දිවයිනේ ස්ථාන කිහිපයක ඉකුත් ඉරිදා සිදුවූ පිපිරීම්වලින් පසු මෙතෙක් කිසිදු තොරතුරක් සොයාගැනීමට නොහැකි පුද්ගලයින් සිටී නම් ඒ සම්බන්ධව දැනුම් දෙන්නැයි කොළඹ ප‍්‍රධාන අධිකරණ වෛද්‍ය නිලධාරී වෛද්‍ය අජිත් තෙන්නකෝන් මහතා ඉල්ලීමක් කරයි.

23 April 2019

ගෞරවණීය අතීතය අප ඇස්පනාපිටම අගරුවුණා

ලොව ප්‍රධාන පෙළේ බුද්ධි සේවාවන්ට නොදෙවැනි ලෙස ශ්‍රී ලංකා බුද්ධි සේවාවන් ගොඩනගමින් සියලු ශ්‍රී ලාංකික ප්‍රජාවගේ ආරක්‍ෂාව සහතික කරනු ලැබූ ගෞරවණීය අතීතය අප දෑස් ඉදිරිපිටදීම අගෞරවයට පාත්‍රවීම හරහා අප තුළ මතු වී ඇත්තේ කම්පනයක්යැයි හිටපු ආරක්‍ෂක ලේකම් ගෝඨාභය රාජපක්‍ෂ මහතා නිවේදනයක් නිකුත් කරමින් කියා සිටී.

23 April 2019

පිපිරීම්වලින් මියගිය සංඛ්‍යාව 310 දක්වා ඉහළට

දිවයිනේ ස්ථාන කිහිපයක පිපිරීම් හේතුවෙන් මිය ගිය සංඛ්‍යාව 310ක් දක්වා ඉහළ ගොස් ඇතැයි පොලිස් මාධ්‍ය ප‍්‍රකාශක කාර්යාලය පවසයි.

23 April 2019

එක්සත් ජාතින්ගේ ආරක්ෂක මණ්ඩලය ත්‍රස්ත ප්‍රහාරය හෙළා දකියි

පාස්කු ඉරිදා දිනයේ (21) මෙරට කතෝලික දේවස්ථාන සහ සංචාරක හෝටල් ඉලක්ක කරගෙන එල්ල වූ කුරිරු ත්‍රස්ත ප්‍රහාර දැඩි ලෙස හෙළා දකින බව එක්සත් ජාතීන්ගේ ආරක්ෂක මණ්ඩලය නිවේදනයක් නිකුත් කරමින් ප්‍රකාශ කර තිබේ.

23 April 2019

මාර්ගයේ නතර කළ වෑන්රිය සැකයකට මුල පුරයි

දෙහිවල අතපත්තු මාවත පල්ලිය අසළ මාර්ගයේ නවතා තිබු සැකකටයුතු වෑන් රියක් අසළ සිටි පුද්ගලයකු මීට සුළු මොහොතකට පෙර අත්අඩංගුවට ගෙන ඇත. අත්අඩංගුවට ගෙන ඇත්තේ කොළඹ දෙමටගොඩ ප්‍රදේශයේ පදිංචි වයස අවුරුදු 26 ක තැනැත්තෙකි.

23 April 2019

අමල් ඇතුළු 6 ක් ලංකාවට

පාතාල නායකයකු වන මාකදුරේ මදූෂ් නැමැතා සංවිධානය කරන ලද උපන් දින සාදයකට සහභාගීවීම සදහා ඩුබායි වෙත ගොස් සිටියදී , එරට පොලීසිය මගින් අත් අඩංගුවට ගෙන රඳවා ගෙන සිටි ගායන ශිල්පී ගායක අමල් පෙරේරා ඇතුළු 06 දෙනෙකු අද (23) අලුයම කටුනායක ගුවන් තොටුපළ වෙත පැමිණ තිබේ .

23 April 2019

පිපිරීම් වලින් විදේශිකයින් 45 ක් මරුට

කොළඹ හෝටල් පරිශ්‍රවල හා වෙනත් ස්ථානවල බෝම්බ පිපිරීම්වලින් විදේශිකයින් 45 දෙනෙකු මිය ගොස් ඇතැයි විදේශ කටයුතු අමාත්‍යාංශයේ අද (22) රාත්‍රීයේ නිවේදනය කළේය.

22 April 2019

‘පුද්ගලයන් පරීක්ෂා කරන්න - අත්අඩංගුවට ගන්න හමුදාවට බලය දෙන්න’

රටේ උද්ගත වී ඇති තත්ත්ව වළක්වා ගැනීමට පවතින නීති රාමුව තුළ හමුදාවට තනිව කි‍්‍රයාකිරීමට බලයක් නොමැති බවත් පොලිසිය නොමැතිව පුද්ගලයන් පරීක්ෂා කිරීමේ, අත්අඩංගුවට ගැනීමේ කටයුතු සඳහා දින කිහිපයකට හෝ හමුදාවට බලය ලබා දිය යුතු බවද හමුදාපතිවරයා අද (22) කියා සිටියේය.

22 April 2019

ශී‍්‍ර ලංකාවේ බෝම්බ පිපිරීමෙන් අයිසිස් ආධාරකරුවෝ උදම්වෙති

ශී‍්‍ර ලංකාවේ පුරවැසියන් මෙන්ම විදේශිකයන්ද ඇතුළත්ව 290 ක් පමණ දෙනා මරුට බිළි දෙමින් බෝම්බ වැලක් පුපුරා යාම සම්බන්ධයෙන් අයිසිස් ආධාරකරුවන් උදම් වන බව එංගලන්තයේ ඬේලි මේල් පුවත් පත වාර්තා කරයි. ‘අයිසිස්’ හෙවත් අයි.එස්.අයි.එස්. යනුවෙන් හැඳින්වෙන්නේ ඉරාක - සිරියා ඉස්ලාමීය රාජ්‍යය යන සංවිධානයයි.

22 April 2019

තොරතුරු සොයා ගැනීමට නොහැකි අය ගැන දැනුම් දෙන්න

බෝම්බ පිපිරීම හේතුවෙන් මෙතෙක් තොරතුරු සොයා ගැනීමට නොහැකි වූවන් පිළිබඳව ප‍්‍රධාන අධිකරණ වෛද්‍ය කාර්යාලය වෙත පැමිණ ඒ පිළිබඳව තොරතුරු ලබා දෙන ලෙසට කොළඹ ප‍්‍රධාන අධිකරණ වෛද්‍ය නිලධාරි වෛද්‍ය අජිත් තෙන්නකෝන් මහතා දන්වා සිටී.

22 April 2019

අගමැති විදෙස් තානාපතිවරුන් හමුවෙයි

රටේ උද්ගතව ඇති වත්මන් තත්ත්වය පිළිබඳව අග‍්‍රාමාතය රනිල් වික‍්‍රමසිංහ මහතා සහ විදෙස් තානාපතිවරු හා නියෝජිතයින් අතර විශේෂ සාකච්ඡාවක් අද (22) පස්වරුවේ අරලියගහ මන්දිරයේ දී පැවැත්විණි.

22 April 2019

‘ජනාධිපති අද හදිසි නීතිය ප්‍රකාශයට පත්කරාවි’

ජනාධිපති මෛත්‍රීපාල සිරිසේන මහතා අද (22) හදිසි නීතිය ප්‍රකාශයට පත්කරනු ඇති බවත් පාර්ලිමේන්තුවේදී ඒ සඳහා සහයෝගය ලබාදෙන බවත් පාර්ලිමේන්තු මන්ත්‍රී තිලංග සුමතිපාල මහතා කොළඹ දී පැවැසීය.

22 April 2019

ඇළ මාර්ගයක තිබී ජාතික හැඳුනුම්පතක් සොයාගනී

ත්‍රිකුණාමලය කින්නියා ප්‍රදේශයේ පදිංචි පුද්ගලයකුගේ ජාතික හැඳුනුම්පතක් පාදුක්ක බෝපේ වත්ත ප්‍රදේශයේ ඇළ මාර්ගයක තිබී අද හමු වී ඇතැයි පොලීසිය කියයි.

22 April 2019

සරසවි අධ්‍යයන කටයුතු තාවකාලිකව නවත්වයි

රටපුරා විශ්ව විද්‍යාලවල සිසුන්ගේ අධ්‍යයන කටයුතු නැවත දැනුම් දෙන තුරු නතර කළ බව විශ්ව විද්‍යාල ප්‍රතිපාදන කොමිෂන් සභාවේ සභාපති මහාචාර්ය මොහාන් ද සිල්වා මහතා පැවැසීය.

22 April 2019

ජනපති අගරගුරු බැහැදකී

ජනාධිපති මෛත්‍රීපාල සිරිසේන මහතා අද(22) දහවල් කොළඹ අගරදගුරු නිල නිවස වෙත ගොස් මැල්කම් කාදිනල් රංජිත් අගරදගුරුතුමා බැහැදැකීය.

22 April 2019

කතෝලික පාසල් ලබන සඳුදා තෙක් නිවාඩු

දිවයින පුරා පිහිටි පෞද්ගලික කතෝලික පාසල් සඳහා ලබන සඳුදා (29) දක්වා නිවාඩු ලබාදෙන බව කතෝලික පාඨශාලා සාමාන්‍යාධිකාරී අයිවන් පෙරේරා පියතුමා පැවසීය.

22 April 2019

‘මළසිරුරු 204ක පරීක්ෂණ අවසන් - සිරුරු 41ක් හඳුනාගෙන නැහැ’

දිවයිනේ ස්ථාන කිහිපයක ඊයේ (21) සිදු වූ බෝම්බ පිපිරීම්වලින් මියගිය 290 දෙනාගෙන් 204 දෙනෙකුගේ සිරුරු පිළිබඳ මරණ පරීක්‍ෂණ අද (22) පස්වරුව වන විට අවසන් කෙරුණු බව සෞඛ්‍ය සේවා අධ්‍යක්‍ෂ ජනරාල්, විශේෂඥ වෛද්‍ය අනිල් ජාසිංහ මහතා පැවසීය.

22 April 2019

‘එකිනෙකාට ඇගිල්ල දිගු නොකර එක්ව කටයුතු කරන්න’

එකිනෙකාට ඇගිල්ල දිගු නොකර අන්තවාදී ත‍්‍රස්තවාදය පරාජය කිරීම සදහා එක්ව කටයුතු කරන්නැයි ජනාධිපතිතුමා, අගමැතිතුමා, විපක්ෂ නායකතුමා ඇතුළු සියලුම දේශපාලන නායකයින්ගෙන් ඉල්ලා සිටින බව ජාතික හෙළ උරුමයේ ප‍්‍රධාන ලේකම්, මහනගර හා බස්නාහිර සංවර්ධන අමාත්‍ය පාඨලී චම්පික රණවක මහතා පැවසීය.

22 April 2019

මඩකලපු දේවස්ථානයේ මිය ගිය පුද්ගලයන්ගේ සිරුරු 22ක් ඥාතීන්ට භාරදෙයි

මඩකලපුව සියොන් දේවාස්ථානයේ මරාගෙන මැරෙන බෝම්බ ප්‍රහාරයෙන් මියගිය 22 දෙදෙනෙකුගේ මළ සිරුරු හඳුනා ගැනීමෙන් පසු ඥාතීන්ට භාරදුන් බව මඩකලපුව මහා රෝහලේ අධ්‍යක්ෂක වෛද්‍ය කේ ගනේෂලිංගම් මහත්මිය පැවසුවාය.

22 April 2019

මහබාගේ හන්දියෙන් පාර වහයි

කොළඹ මීගමුව මාර්ගය මහබාගේ හන්දියෙන් තාවකාලිකව වසා දමා ඇතැයි පොලීසිය කියයි.

22 April 2019

මෝදි ජනපති අමතයි

ඉන්දීය අග්‍රාමාත්‍ය නරේන්ද්‍ර මෝදි මහතා අද(22) දහවල් ජනධිපති මෛත්‍රීපාල සිරිසේන මහතා සමඟ විශේෂ දුරකතන සංවාදයක නිරත වූ අතර ශ්‍රී ලංකාවේ සිදු වූ සිද්ධිය සම්බන්ධයෙන් බලවත් කනගාටුව පළකළ බව ජනාධිපති මාධ්‍ය අංශය සඳහන් කරයි.

22 April 2019

රත්ගම ද්විත්ව ඝාතනයේ සැකකරුවෝ තවදුරටත් රිමාන්ඩ්

රත්ගම පුද්ගලයින් දෙදෙනෙකු පැහැරගෙන ගොස් ඝාතනය කිරිමේ සිද්ධිය සම්බන්ධයෙන් අත් අඩංගුවට ගෙන රක්ෂිත බන්ධනාගාර ගත කර සිටින සැකකරුවන් දාහත් දෙනා තව දුරටත් මැයි මස 6 දක්වා රක්ෂිත බන්ධනාගාර ගත කිරිමට ගාල්ල ප්‍රධාන මහේස්ත්‍රාත් හර්ෂණ කැකුණවෙල මහතා අද (22) නියෝග කලේය .

22 April 2019

ජනපති ජාත්‍යන්තර සහාය ඉල්ලයි

ශ්‍රී ලංකාවේ ඇති වී ඇති තත්ත්වය මර්දනය සඳහා ජාත්‍යන්තර සහාය ඉල්ලා සිටීමට අපේක්ෂා කරන බව ජනාධිපති මෛත්‍රීපාල සිරිසේන මහතා පවසයි. ලංකාවේ සිටින සියලූ විදේශ තානාපතිවරුන් සහ මහකොමසාරිස්වරුන් කැඳවා රටේ වත්මන් තත්ත්වය පැහැදිලි කර ජාත්‍යන්තර සහාය ඉල්ලා සිටිමටද තීරණය කර ඇත.

22 April 2019

ත්‍රස්තවාදය මර්ධනය‍ට අදාළ වගන්ති හදිසි නීතිය යටතේ ගැසට් කෙරේ

ත්‍රස්තවාදය මර්දනයට අදාළ වගන්ති පමණක් අද රාති‍්‍ර 12.00 සිට හදිසි නීති රෙගුලාසි යටතේ ගැසට් කීරීමට රජය තීරණය කර තිබේ.

22 April 2019