එසැණ පුවත්

‘බුර්කාව තහනම් කිරීමට නීති කෙටුම්පත් සකසන්න’

බුර්කාව භාවිතය නතරකිරීම සඳහා ඉස්ලාමීය ප්‍රජාව නියෝජනය කරන සමස්ත ලංකා ජමායිතුල් උලමා සභාව යෝජනාවක් සම්මත කරගෙන ඇති බැවින් ඔවුන් සමඟ ද සාකච්ඡා කර බුර්කාව තහනම් කිරීම සඳහා නීති කෙටුම්පත් සකසන ලෙස අග්‍රාමාත්‍ය රනිල් වික්‍රමසිංහ මහතා අධිකරණ අමාත්‍ය තලතා අතුකෝරල මහත්මියට දැනුම් දී තිබේ.

28 April 2019

එකවර ඇමතුම් 8 ක් නොමිලයේම ගතහැකි සන්නිවේදන උපකරණයක්

දුරකතන ඇමතුම් 8 ක් එකවර ගතහැකි පරිදි, සිම්පත් 8 ක් එකවර භාවිතා කළ හැකි සන්නිවේදන උපකරණයක්, රවුටරයක් සහ කිනිසි දෙකක් සමඟ නිට්ටඹුව කල්එළිය ප්‍රදේශයේදී පුද්ගලයකු අද (28) අත්අඩංගුවට ගත් බව පොලිසිය කියයි.

28 April 2019

වනාතවිල්ලුවෙන් තවත් පුපුරණ ද්‍රව්‍ය තොගයක් සොයාගනී

වනාතවිල්ලුව කරඩිපුවල් ප්‍රදේශයේ ලැක්ටෝ වත්ත වතුයායේ සඟවා තිබු ටී 56 ගිනි අවියක්, පිස්තෝල, මෙරට නිෂ්පාදනය කරන ලද ගිනි අවි කීපයක් සොයා ගැනීමට අපරාධ පරීක්ෂණ දෙපාර්තුමේන්තුවේ නිලධාරීන් කණ්ඩායමක් සමත්වූ බව පොලිසිය පවසයි.

28 April 2019

ස්නයිපර් දුරදක්න 8 ක් කින්නියාවෙන් හමුවෙයි

කින්නියා පොලිස් වසමට අයත් පාසල් මාවතේ වෙල් යායක දමාගොස් තිබු ස්නයිපර් ගිනි අවිවලට යොදන දුර දක්න 8ක් අද (28) පොලිසිය සොයාගත්හ.

28 April 2019

යාපනයේ නිවසකින් භූගත බංකරයක් සොයා ගනී

යාපනය නාවන්තුරෙයි ආසාත් මාර්ගය ආසන්නයේ සිදුකළ සෝදිසි මෙහෙයුමකදී තෙමහල් නිවසක පොළව අභ්‍යන්තරයේ සකසා තිබූ භූගත බංකරයක් බවට සැකකළ හැකි ස්ථානයක් අද (28) සොයා ගත් බව යාපනය පොලිස් විශේෂ කාර්ය බළකාය කියයි.

28 April 2019

ත්‍රස්ත ක්‍රියාවන්ට සම්බන්ධ පුද්ගලයින් 4ක්-උපකරණ රැසක් ගලේවෙලින් අත්අඩංගුවට

ගලේවෙල පොලිස් බල ප්‍රදේශයේ අලුත්ගම සහ එන එනමල්පොත ප්‍රදේශ වල අද (28) කළ සෝදිසි මෙහෙයුමකදී නිවසක සඟවා තිබූ යතුරුපැදි දෙකක්, කඩු දෙකක්, මෙරට තහනම් ත්‍රස්ත සංවිධානවල ඡායාරූප වීඩියෝ පට සහිත ජංගම දුරකථන 02ක්, වැගන් ආර් මෝටර් රියක් සමඟ පුද්ගලයන් 4 දෙනෙකු සැකපිට අත්අඩංගුවට ගෙන තිබේ.

28 April 2019

‘ඉස්ලාමීය අන්තවාදය නවත්වන්න මම එනවා’

මේ වසරේ පැවැත්වෙන ජනාධිපතිවරණයට ඉදිරිපත් වන බවත් ඉස්ලාමීය අන්තවාදය ව්‍යාප්ත වීම නවත්වන බවත් ආරක්ෂක අමාත්‍යාංශයේ හිටපු ලේකම් ගෝඨාභය රාජපක්ෂ මහතා රොයිටර් පුවත් සේවයට පැවැසීය.

28 April 2019

කඩු දෙකක්-අංක තහඩු සමඟ 4 ක් අත්අඩංගුවට

පොළොන්නරුව පුලස්තිගම පොලිස් බල ප්‍රදේශයේ අද (28) කරන ලද හදිසි වැටලීමකදී කඩු 2 ක් සහ වාහනයකින් ගලවන ලද අංක තහඩුවක් සමඟ මුස්ලිම් ජාතිකයින් 4 ක් පුලසිතිපුර පොලිසිය විසින් අත්අඩංගුවට ගෙන ඇත.

28 April 2019

තව්හීත් ජමාත්-ජමාතෙයි මිල්ලතු සංවිධාන තහනම් කරයි

ජාතික තව්හීත් ජමාත් සහ ජමාතෙයි මිල්ලතු ඊබ්‍රාහිම් ෆි සෙයිලානි යන සංවිධාන දෙක ශ්‍රී ලංකාව තුළ තහනම් සංවිධාන ලෙස ජනාධිපති මෛත්‍රීපාල සිරිසේන මහතා විසින් ප්‍රකාශයට පත් කරනු ලැබ ඇත.

28 April 2019

කල්මුණේදී සිය සාමාජිකයින් තිදෙනෙකු බෝම්බ පුපුරුවාගත් බව අයි එස් පිළිගනී

ආරක්ෂක අංශ සමඟ කල්මුණේ ප්‍රදේශයේ ඇති වූ ගැටුම්වලදී තම සාමාජිකයන් තිදෙනෙකු මරාගෙන මැරෙන බෝම්බ පුපුරුවා ගත් බව අයි.එස්.අයි.එස්. සංවිධානය නිවේදනයක් නිකුත් කරමින් සඳහන් කර ඇත.

28 April 2019

‘තව්හීත් ජමාත්’ බදුල්ලේ සභාපති අත්අඩංගුවට

ජාතික තව්හීත් ජමාත් ත්‍රස්ත සංවිධානය සමඟ දීර්ඝ කාලයක් සබඳතා පැවැත්වූ බව කියන සිලෝන් තව්හීත් ජමාත් සංවිධානයේ බදුල්ල ශාඛාවේ සභාපති ලෙස කටයුතු කළ පුද්ගලයකු බදුල්ල පොලිසිය හා යුද හමුදාව ඒකාබද්ධව සිදුකළ විශේෂ සෝදිසි මෙහෙයුමකදී අත්අඩංගුවට ගනු ලැබීය.

28 April 2019

අඩි 4ක් දිග කඩුවක් සමඟ මුස්ලිම් ජාතිකයකු අත්අඩංගුවට

පුබ්බෝගම නිවසකදී කඩුවක් සමග මුස්ලිම් ජාතිකයෙකු අද(28) අත්අඩංගුවට ගත්බව ගල්කිරියාගම පොලිසිය කියයි.

28 April 2019

පෞද්ගලික බස්රථවලට පුපුරණ ද්‍රව්‍ය හඳුනාගැනීමේ උපකරණයක්

පෞද්ගලික මගී ප‍්‍රවාහන බස්රථ සහ ඒවායේ ගමන් ගන්නා මගීන්ගේ ආරක්‍ෂාව වෙනුවෙන් පුපුරන ද්‍රව්‍ය හා බෝම්බ හඳුනාගැනීමේ සන්නිවේදන උපකරණයක් එම බස්රථවල පසුපස දොරෙහි සවිකිරීමට පියවර ගන්නා බව ලංකා පෞද්ගලික බස් හිමියන්ගේ සංගමය පවසයි.

28 April 2019

රෙදි මිලට ගත් ත්‍රස්ත කල්ලි සාමාජිකයෝ සොයා පරීක්ෂණ

කල්මුණේ සයින්දමර්දු ප්‍රදේශයේ දී බෝම්බ පුපුරුවාගෙන මියගිය ත්‍රස්තවාදී කල්ලියේ සාමාජික පිරිසක් මීරිගම පොලිස් වසමේ ගිරිඋල්ල රෙදි වෙළඳසැලකින් රෙදි මිලදී ගෙන ඇති බවට ලැබී ඇති තොරතුරක් පිළිබඳව බස්නාහිර පළාත් උතුර අපරාධ කොට්ඨාසය හා මීරිගම පොලිසිය අද (28) පරීක්ෂණයක් ආරම්භ කරනු ලැබීය.

28 April 2019

‘පොලිස්පති ඉවත්කිරීමේ යෝජනාව පාර්ලිමේන්තුවට ගේනවා’

පොලිස්පති පුජිත ජයසුන්දර මහතා ඉවත් කිරීම සම්බන්ධයෙන් වන යෝජනාවක් මේ සතිය තුළ පාර්ලිමේන්තුවට ඉදිරිපත් කරන බව සංවර්ධන උපායමාර්ග සහ ජාත්‍යන්තර වෙළෙඳ නියෝජ්‍ය අමාත්‍ය නලීන් බණ්ඩාර ජයමහා මහතා පැවැසීය.

28 April 2019

විල්පත්තු හා අවට ගම්මාන හදිසි සෝදිසි පරීක්ෂාවක්

මන්නාරම විල්පත්තු හා අවට ගම්මානවල සැකසහිත ස්ථාන අද (28) උදෑසන සිට ආරක්ෂක අංශ විසින් හදිසි සෝදිසි පරීක්ෂාවකට ලක් කිරීමට පියවර ගෙන ඇත.

28 April 2019

‘උන්මන්තකයන්ට දිනුම දෙන්න එපා’

පාස්කු ඉරිදා(21) සිදු වූ බෝම්බ ප්‍රහාරවලින් පසු ශ්‍රී ලංකාවේ සිටි විදේශීය සංචාරකයන් නැවත සිය රටවල් කරා පිටත්වූ බවත්, සංචාරක කර්මාන්තයට දැඩි බලපෑමක් ඉන් සිදුව ඇති බවත් ඉකුත් දිනවලදී වාර්තා විය. එහෙත් ලංකාවේ රැඳී සිටින ඇතැම් විදේශිකයෝ මෙරට ආරක්ෂාව පිළිබඳ ඉතා සුභවාදී අදහස් දරති.

28 April 2019

ගල්කිස්සේ නිවසක නීති විරෝධීව රැදී සිටි නයිජිරියානුවන් 6ක් අත්අඩංගුවට

ගල්කිස්ස වටරප්පල ප්‍රදේශයේ කළ සෝදිසි කිරීමේදී නිවසක රැදී සිටි නයිජීරියානු ජාතිකයින් 6 දෙනෙකු අත්අඩංගුවට ගත් බව ගල්කිස්ස පොලීසිය කියයි.

28 April 2019

ෆොන්සේකා නීතිය හා සාමය ඇමැති කරන්න සන්දිත්ගෙන් මෙහෙයුමක්

නීතිය සාමය සහ අභ්‍යන්තර කටයුතු අමාත්‍යවරයා ලෙස ෆීල්ඩ් මාර්ෂල් සරත් ෆොන්සේකා මහතා පත් කරන මෙන් ඉල්ලා ආණ්ඩු පක්ෂ මැති ඇමතිවරුන්ගෙන් අත්සන් ගැනීමට එක්සත් ජාතික පක්ෂ පසුපෙළ මන්ත්‍රීවරුන් තීරණය කර තිබේ.

28 April 2019

ගුරු-විදුහල්පති වෘත්තීය ක්‍රියාමාර්ග තාවකාලිකව නවත්වයි

ගුරු - විදුහල්පති සේවාවන්ට පවතින වැටුප් විෂමතා සහ ප්‍රධාන ඉල්ලීම් කිහිපයක් මුල් කර ගනිමින් වෘත්තීය සමිති 34ක් ඒකාබද්ධව මැයි මස 9 සහ 10 පැවැත්වීමට නියමිතව තිබූ වෘත්තීය ක්‍රියා මාර්ගය තාවකාලිකව අත්හිටුවීමට තීරණය කළ බව එම සංගම් කියයි.

28 April 2019

මුස්ලිම් ජාතිකයෙකුගේ නිවසකට අත්බෝම්බ ගැසූ 6ක් අත්අඩංගුවට

වැල්ලවාය මහවෙලමුල්ල ප්‍රදේශයේ මුස්ලිම් ජාතිකයෙකුගේ නිවසකට ඉකුත් 26 දා රාත්‍රියේ අත්බෝම්බයක් දමා ගැසීම සම්බන්ධයෙන් පුද්ගලයන් හයදෙනෙකු වැල්ලවාය පොලීසිය අත්අඩංගුවට ගෙන ඇත.

28 April 2019

වනාතවිල්ලුව මහ කැලයෙන් තවත් ගිනිඅවි සොයා ගනී

පුත්තලම වතානවිලූව කෑලෑ ප‍්‍රදේශයේ තිබී තවත් රිවෝල්වර 6 ක් සහ ටී 56 ගිනි අවියක් සොයාගත් බව පොලිස් මූලස්ථානය කියයි.

28 April 2019

දෙමටගොඩ නිවසින් කෝටි තුනක නිල් මැණික් තුනක්

මරාගෙන මැරෙන පිපිරීම් දෙකක් සිදුවූ දෙමටගොඩ මහවිල උද්‍යානයේ පිහිටි නිවසේ තිබී රුපියල් කෝටි 3 ක් වටිනා නිල් මැණික් තුනක්, රුපියල් කෝටියකට අධික වටිනා දෙස් විදෙස් මුදල්, ලක්ෂ 15 කට අධික වටිනා රන් බඩු අපරාධ පරීක්ෂණ දෙපාර්තමේන්තුව විසින් සොයා ගෙන ඇති බව පොලිස් මාධ්‍ය ප්‍රකාශක පොලිස් අධිකාරි රුවන් ගුණසේකර මහතා පැවසීය.

28 April 2019

අරාබි බසින් ලියැවුණු සැකකටයුතු බැනර් 500ක් කල්පිටියෙන් සොයාගනී

කල්පිටිය පොලිස් බල ප්‍රදේශයට අයත් නාච්චිකල්ලිය ප්‍රදේශයේ කලපුව අද්දර දමා ගොස් තිබූ අරාබි බසින් ලියා ඇති බැනර් සහ සැක කටයුතු තහඩු පුවරු 500 ක් කල්පිටිය පොලිසිය විසින් අද(28) සොයා ගෙන ඇත.

28 April 2019

නැ’හිර පාසල් ආරම්භයට පෙර සෝදිසියක්

පාසල්වල ආරක්ෂාව තහවුරු කිරීමේදී මුරකරුවන් නොමැති පාසල්වල පාසල් සංවර්ධන කමිටුවල සහය ලබාගෙන පාසල් ආරම්භ කිරීමට පෙර දිනපතා සෝදිසියකට ලක් කිරීමට කටයුතු කරන්නැයි නැගෙනහිර පළාතේ පාසල්වලට විශේෂ චක්‍රලේඛයක් නිකුත් කරමින් පළාත් අධ්‍යාපන අමාත්‍යාංශය කියයි.

28 April 2019

කල්මුණේ-සමන්තුරේ-චවලකඩේ ඇදිරිනීතිය තාවකාලිකව ඉවතට

කල්මුණේ,සමන්තුරේ සහ චවලකඩේයන පොලිස් බල ප්‍රදේශයන්ට පනවා තිබු පොලිස් ඇඳිරි නීතිය, අද උදෑසන 10 ට ඉවත් කළ බව පොලිසිය කියයි.

28 April 2019

දර්ගා නගරයේදී අත්අඩංගුවට ගත් අයෙක් අයි එස්ට සම්බන්ධ බවට තහවුරුයි

අලුත්ගම දර්ගා නගරයේ වැලිපිටිය ප්‍රදේශයේ දී අත්අඩංගුවට ගෙන රැඳවුම් නියෝග මත වැඩිදුරටත් ප්‍රශ්න කරන 24 වියේ පසුවන පුද්ගලයා අයි.එස්.අයි.එස් සංවිධානයේ ප්‍රබල සාමාජිකයෙකු බව තහවුරු කරගෙන ඇතැයි පොලීසිය පවසයි.

28 April 2019

උතුරේ ස්ථාන කිහිපයකින් සැකකටයුතු පුද්ගලයෝ 20 ක් අත්අඩංගුවට

රට තුළ පැවති වතාවරණය හේතුවෙන් උතුරු පළාතේ ආරක්ෂාව දැඩි කිරීමට පියවර ගෙන ඇති අතර සැකකටයුතු ලෙස හැසිරුණු පුද්ගලයින් 20 කට අධික පිරිසක් ගෙවී ගිය දින දෙකක කාලය තුළදී අත්අඩංගුවට ගෙන ඇති බවට උතුරේ ආරක්ෂක අංශ පෙන්වා දෙයි.

28 April 2019