එසැණ පුවත්

ඉරාන හමුදා නායකයින් ඉලක්ක කර ඊශ්‍රායලයෙන් ප්‍රහාරයක්

ඊශ්‍රායලයේ පැවැත්මට ඉරානයෙන් එල්ල වන තර්ජනය මැඩ පැවැත්වීම සඳහා අද (13) රයිසින් ලයන් මෙහෙයුම ආරම්භ කරමින් ඊශ්‍රායල ආරක්ෂක හමුදා ඉරානය වෙත ගුවන් ප්‍රහාර මාලාවක් දියත් කළේය.

යානයේ කළු පෙට්ටියක් හමුවෙලා

කඩා වැටුණු ‘එයාර් ඉන්දියා’ මගී යානයේ පියසැරි දත්ත ඇතුළත් කළු පෙට්ටි දෙකෙන් එකක් සොයා ගැනීමට හැකිවිය. ඒ අනුව යානය අනතුරට ලක්වුණු අයුරු ගැන හෝඩුවාවක් ලබා ගැනීමට හැකි වේවි යැයි විශ්වාස කෙරේ.

කුණු ගොඩක සැඟවූ ගිනි අවියක් සමඟ අයෙක් අල්ලයි

රුසියාවේ නිෂ්පාදිත ෂොට් ගන් වර්ගයේ ගිනි අවියක් සොරාගෙන පාදුක්ක වටරැක ප්‍රදේශයේ කුණු ගොඩක් යට සඟවා ගෙන සිටි අයෙකු සමගින් එම ගිනි අවිය අද (13) දින අත් අඩංගුවට ගත් බව මීගොඩ පොලිසිය පවසයි

කළුතර ප්‍රා. සභා විදුලි සේවකයා ඝාතනය කර ඇත්තේ වැරදීමකින්

කළුතර ප්‍රාදේශිය විදුලි සේවකයකු සිය නිවසේදී කපාකොටා ඝාතනය කර ඇත්තේ අත් වැරදීමකින් බවට අත්අඩංගුවට ගත් ප්‍රධාන සැකකරුගෙන් හෙළිව ඇති බව කළුතර කොට්ඨාශ අපරාධ විමර්ශන ඒකකය පවසයි.

හිටපු යුද හමුදාපති ජෙනරාල් හැමිල්ටන් වනසිංහ දිවි මඩලට සමුදෙයි

හිටපු යුද්ධ හමුදාපතිවරයෙක්වූ විශ්‍රාමික ජෙනරාල් හැමිල්ටන් වනසිංහ මහතා අභාවප්‍රාප්ත වූ බව යුද හමුදා මාධ්‍ය ඒකකය සදහන් කරයි.

ක්‍රීඩා ඇමැති-පකිස්ථාන මහකොමසාරිස් හමුවක්

ශ්‍රී ලංකාවේ පකිස්ථාන මහකොමසාරිස් මේජර් ජෙනරාල් ෆහීම් උල් අසීස් මහතා සහ තරුණ කටයුතු හා ක්‍රීඩා අමාත්‍ය සුනිල් කුමාර ගමගේ මහතා අතර හමුවක් තරුණ කටයුතු හා ක්‍රීඩා අමාත්‍යාංශයේදී සිදුවිය.

කේරළ වෙරළ ළඟ අනතුර වූ නැවේ ප්ලාස්ටික් ලංකාවට එයි

ඉන්දියාවේ කේරළ වෙරළ තීරයට නාවුක සැතපුම් 38ක් ඔබ්බෙන් මුහුදු ප්‍රදේශයේ දී ඉකුත් 25 දා අනතුරට පත් ලයිබීරියාවේ ධජය සහිත (MSC ELSA 3) බහාලුම් නෞකාවේ ප්ලාස්ටික් අපද්‍රව්‍ය මන්නාරම ,කිලිනොච්චි සහ හලාවත වෙරළ තීර වලට සහ ඩෙල්ෆ්ට්, නාගදීප වෙරළට ගොඩ ගසා ඇතැයි සමුද්‍රීය පරිසර ආරක්ෂණ අධිකාරියේ සාමානාධිකාරී ජගත් ගුණසේකර මහතා සඳහන් කළේය.

අපරාධකරුවන්ට පාස්පෝට් හදන්න අනුබල දුන් තවත් අයෙක් අල්ලයි

සංවිධානාත්මක අපරාධකරුවන්ට අවධිමත් ලෙස ගමන් බලපත්‍ර සකස් කිරීමට ආධාර අනුබලදීම හා කුමන්ත්‍රණය කිරීම සම්බන්ධයෙන් ආගමන විගමන දෙපාර්තමේන්තුවේ කාර්යාල කාර්ය සහයකයෙකු අත්අඩංගුවට ගත්බව අපරාධ පරීක්ෂණ දෙපාර්තමේන්තුව කියයි.

‘හෑෂ්‘ සමඟ දෙන්නෙක් මාට්ටු

පෑලියගොඩ ප්‍රදේශයේ කළ වැටලීමකදී ‘හෑෂ්‘ මත්ද්‍රව්‍ය කිලෝ 2 ග්‍රෑම් 433 ක්, අයිස් මත්ද්‍රව්‍ය ග්‍රෑම් 13 මිලිග්‍රෑම් 100 ක්, මිනුම් උපකරණයක් සමඟ සැකකරුවන් දෙදෙනෙකු ඊයේ(12) සවස අත්අඩංගුවට ගත් බව බස්නාහිර පළාත් උතුර අපරාධ කොට්ඨාශය පවසයි.

අදත් තැනින් තැනට වැසි

බස්නාහිර, සබරගමුව, මධ්‍යම, දකුණු සහ වයඹ පළාත්වල අද (13) විටින්විට වැසි ඇතිවන බව කාලගුණ විද්‍යා දෙපාර්තමේන්තුව පවසයි.

උතුරුමැද ආයුර්වේද කොමසාරිස්ට ඇසිඩ් ගැසූ දෙදෙනා සිරගෙට

උතුරුමැද පළාත් ආයුර්වේද කොමසාරිස් වෛද්‍ය කුමාර අල්විස් මහතාට ඒ මහතාගේ නිවසේදිම ඇසිඩි ප‍්‍රහාරයක් එල්ල කර පූර්ණ අන්ධ භාවයට පත් කර අල්විස් මහතා මරා දැමීමට තැත් කිරීමේ චෝදනාවන්ට වරදකරුවන් වු හමුදා සෙබළකුට සහ මාලූ වෙළෙන්දෙකුට අනුරාධපුර මහාධිකරණ විනිසුරු නලීන් ද හේවාවසම් මහතා වසර 30 බැගින් වසර බරපතල වැඩ සහිත සිර දඩුවම් අද නියම කළේය.

‘‘පුංචි ආණ්ඩු 100ක බලය අපි ගන්නවා‘‘

කොළඹ මහ නගර සභාව ඇතුළු පළාත් පාලන ආයතන සියයක බලය පිහිටුවීමට සමගි ජන බලවේගය ප්‍රමුඛ විපක්ෂය කටයුතු කරන බව එහි ජාතික සංවිධායක තිස්ස අත්තනායක මහතා කොළඹදී පැවසීය.

සිරකරුවන් තවත් 68ක් අනීතිකව එළියට ගිහින්

පසුගිය නිදහස් දින වෙනුවෙන් සහ ඉකුත් නත්තල් දිනය වෙනුවෙන් ජනපති සමාව ලබාදීම සදහා අනුමැතිය ලද නම් ලැයිස්තුවේ නොමැති සිරකරුවන් 68 ක් අනීතිකව නිදහස් කර ඇති බව නීති දිසාව බාර නියෝජ්‍ය පොලිස්පති රුවන් ගුණසේකර මහතා පැවැසීය.

විදෙස් බෝරා වරු දොළොස් දහසක් ලංකාවට

ලංකා ගුරු සංගම් සභාපති ගුරු සේවය තහනම් කරයි

උතුරු මැද පළාතේ ප්‍රධාන අමාත්‍යංශයේ ලේකම් කේ.එම්.එච්.එස්.කේ.ජයලත් මහතා විසින් ලංකා ගුරු සංගමයේ සභාපති ප්‍රියන්ත ප්‍රනාන්දු මහතාගේ වැඩ තහනම් කොට තිබේ.

කඩාවැටුණු ගුවන් යානයේ එක් මගියෙක් බේරේ

ඉන්දියාවේ ගුජරාට ප්‍රාන්තයේ අහ්මදාබාද් නුවරදී කඩා වැටුණු ගුවන් යානයේ ගමන්ගත් මගියකු දිවි බේරාගෙන ඇතැයි අහ්මදාබාද් පොලිස් කොමසාරිස් ජී.එස් මලික් මහතා අද (12) ප්‍රකාශ කළේය.

ඉන්දියාව කැලඹූ ගුවන් අනතුරු

අහමදාබාද් නුවර සිදුවුණු ගුවන් යානා අනතුර ඉන්දියාව පමණක් නොව, මුළු ලෝකයම කැලැඹීමට සමත් වී ඇත. මෙය ඉන්දීය ගුවන් ගමන් ඉතිහාසයේ සිදුවුණු දරුණුතම ගුවන් අනතුරක් ලෙස සැලකෙයි.

‘‘වසර දෙක තුනකින් විදුලි බිල පහත දමනවා‘‘

අපනයනකරුවන් ජාත්‍යන්තරය සමග තරඟ කිරීමේදී තමාගේ නිෂ්පාදන පිරිවැය අඩුකර ගැනීමට විශාල වෙහෙසක් දැරීමට සිදුවන බව දන්නා හෙයින් වසර දෙකක්, තුනක් වැනි කාලයකදී දැනට තිබෙන විදුලි බිල ඉහළ පහල යන ක්‍රමය වෙනස් කරමින් විදුලි බිල සියයට 30 කින් අඩුකිරීමට බලාපොරොත්තු වන බව පැහැදිලිව රජය දැනුම් දුන් බව මුදල් හා ක්‍රමසම්පාදන නියෝජ්‍ය අමාත්‍ය හර්ෂණ සූරියප්පෙරුම මහතා ප්‍රකාශ කළේය.

අගමැති මෝදි සොව පළ කරයි

එයාර් ඉන්දියා ගුවන් යානයේ අනතුර සැලවීමත් සමඟ තමන් මහත් සේ කම්පනයට පත් වුණු බව ඉන්දීය අග්‍රමාත්‍ය නරේන්ද්‍ර මෝදි පවසයි. ඒ, එක්ස් ගිණුම හරහා සටහනක් පළ කරමිනි.

යානයේ දෝෂයක්දැයි සැකයක්

එයාර් ඉන්දියා 171 ගුවන් යානය කඩා වැටුණේ යානයේ දෝෂයක් නිසා යැයි සැක කෙරේ.

204 දෙනකුගේ සිරුරු හමුවෙලා

අනතුරට පත් වී කඩා වැටුණු එයාර් ඉන්දියා 171 බෝයිං ඩ්‍රීම්ලයිනර් ගුවන් යානයේ සිටි දෙසිය හතලිස් දෙදෙනාගෙන් 204 දෙනකුගේ මළසිරුරු මේ වනවිට සොයාගෙන ඇති බව අහමදාබාද් පොලිසිය පවසයි.

මහනුවර නගරසභා රැස්වීම විපක්ෂය වර්ජනය කරයි

මහනුවර මහ නගර සභාවේ මංගල මහා සභා රැස්වීම ආරම්භ වී පැය හතරකට පසුව , නගර සභාවේ ස්ථාවර කාරක සභා අටට පත්කල යුතු නියෝජිතයන් 48 දෙනා අතරට සභිකයන් පත් කිරීමේදී අසාධාරණයක් වූ බව පවසමින් නගර සභාවේ විපක්ෂ මන්ත්‍රීවරු 21 දෙනෙක් සභාව වර්ජනය කරමින් සභා ශාලාවෙන් පිටතට ගියහ.

අකුරණ බලය සජබට

මෙවර පළාත් පාලන මැතිවරණයෙන් සියයට 50ක බහුතර බලයක් හිමි නොවූ අකුරණ ප්‍රාදේශී‍ය සභාවේ බලය සමගි ජනබලවේගය හිමි කරගත්තේය.

පොලිස් ස්ථානාධිපතිවරුන් 11ක් සාමාන්‍ය රාජකාරියට

පොලිස් ස්ථානාධිපති තනතුරේ සිටි ප්‍රධාන පොලිස් පරීක්ෂකවරුන් 11 දෙනකු සාමාන්‍ය රාජකාරී සදහා යොදවා ඇති බව ද පොලිස් මූලස්ථානය පවසයි.

’’බේකරි නිෂ්පාදන මිල ඉහළ යන්නේ නෑ’’

විදුලිය ගාස්තුව සියයට 15 කින් ඉහළ දැමීමට සාපේක්‍ෂව පාන් ඇතුළු බේකරි නිෂ්පාදනවල මිල ඉහළ නොදමන බව සමස්ත ලංකා බේකරි හිමියන්ගේ සංගමයේ සභාපති එන්. කේ. ජයවර්ධන මහතා ‘ලංකාදීප’යට අද (12) පැවසීය.

තුසිත හල්ලොලුවට වෙඩි තැබූ තවත් අයෙක් රඳවා ප්‍රශ්න කරන්න අවසර

ජාතික ලොතරැයි මණ්ඩලයේ හිටපු අධ්‍යක්ෂවරයෙකු වන තුසිත හල්ලොලුව ගමන්ගත් මෝටර් රථයකට වෙඩි තැබීම සිද්ධිය සම්බන්ධයෙන් අත්අඩංගුවට ගත් තවත් සැකකරුවකු පැය 48ක් කොළඹ අපරාධ කොට්ඨාසය භාරයේ රඳවා ප්‍රශ්න කිරීමට කොළඹ අතිරේක මහේස්ත්‍රාත් පසාන් අමරසේන මහතා අද (12) අවසර ලබා දුන්නේය.

දුම්රිය අවලංගු වීමේ දෛනික පාඩුව විගණනයක් කරන්න

දුම්රිය අවලංගු වීම හේතුවෙන් සිදුවන දෛනික පාඩුව සම්බන්ධයෙන් විගණනයක් කරන ලෙස කෝපා කමිටුව නිර්දේශ කළේය.

බන්ධනාගාර දෙපාර්තමේන්තුවට නව මාධ්‍ය ප්‍රකාශකවරයෙක්

බන්ධනාගාර කොමසාරිස් ජගත් වීරසිංහ මහතා බන්ධනාගාර දෙපාර්තමේන්තුවේ නව මාධ්‍ය ප්‍රකාශකවරයා ලෙස පත්කළ බව අධිකරණ අමාත්‍යංශය අද (12) නිවේදනය කළේය.