එසැණ පුවත්

වෙලේ සුදාගේ සමීපතමයකු මත්කුඩු සමඟ අත්අඩංගුවට

බන්ධනාගාර ගතව සිටින ප්‍රබල පාතාල කල්ලි නායකයෙකු වන සමන්ත කුමාර නොහොත් “වෙලේ සුදා” නමැත්තාගේ සමීපතම ඥාතීයෙකු හෙරොයින් මත්කුඩු සමඟ අද (16) දින පාදුක්ක බටහිර හොරගල පිහිටි සැකකරුගේ නිවසේදී අත් අඩංගුවට ගත් බව මීගොඩ පොලිසිය පවසයි.

16 September 2020

ත්‍රිරෝද රථ - ලොරි අනතුරින් තිදෙනෙක් මරුට

අවිස්සාවේල්ල දිවුරුම්පිටිය ප්‍රදේශයේ දී ත්‍රිරෝද රථයක් සහ ලොරියක් අද (16) අලුයම එකිනෙක ගැටීමෙන් පුද්ගලයින් තිදෙනෙකු මිය ගොස් ඇතැයි පොලිස් මාධ්‍ය ප්‍රකාශක කාර්යාලය කියයි.

16 September 2020

වසරේ හොඳම බෞද්ධ ප්‍රබන්ධය ‘‘හිම බිම අරණ’’

මෙවර ‘බෞද්ධ සාහිත්‍ය උත්සවය’ 2019 වසරේ නව ප්‍රබන්ධ කෘතියට හිමි බෞද්ධ සාහිත්‍ය සම්මානය ‘‘හිම බිම අරණ’’ (රහතුන් සරන ඝන වන අරණක කතාව) කෘතිය රචනා කළ සමුද්‍ර වෙත්තසිංහ මහතාට හිමි විය.

15 September 2020

චීන කොරෝනා එන්නත නොවැම්බරයේ

චීනය තුළ නිෂ්පාදනය කර සංවර්ධනය කෙරෙන එන්නත නොවැම්බර් මාසය වනවිට මහජනතාවට ලබාදීමට හැකිවනු ඇතැයි එරට රෝග පාලන සහ නිවාරණ මධ්යවස්ථානය සඳහන් කරයි.

15 September 2020

අධිවේගී මාර්ගයේ සිදුවූ අනතුරකින් අයෙක් මරුට

දක්ෂිණ අධිවේගී මාර්ගයේ 58 වැනි කිලෝමීටරය අසල හෙවත් ඌරගස්මංහන්දිය ප්‍රදේශයේදී අද (15) රාත්‍රීයේ සිදුවූ අනතුරකින් පුද්ගලයෙකු මියගොස් තවත් සිව්දෙනකු තුවාල ලබා රෝහල් ගත කළ බව දක්ෂිණ අධිවෙගී රථවාහන පොලිසිය කියයි.

15 September 2020

විදේශ ගමන් බලපත්‍ර මුද්‍රණය රජයේ මුද්‍රණාලයට දෙන්නැයි ඉල්ලීමක්

විදේශ සමාගමකට දී ඇති විදේශ ගමන් බලපත්‍ර මුද්‍රණය රජයේ මුද්‍රණාලයට ලබාදෙන්නැයි ජනමාධ්‍ය අමාත්‍යාංශය රජයෙන් ඉල්ලීමක් කර ඇතැයි වාර්තා වේ.

15 September 2020

ව්‍යාජ අංක තහඩු - කඩු දෙකක් සමඟ හිටපු මන්ත්‍රීවරයෙක් අත්අඩංගුවට

නීතිවිරෝධී තහනම් කඩු දෙකක් සහ ව්‍යාජ අංක තහඩු දෙකක් සන්තකයේ තබාගෙන සිටි බව කියන තංගල්ල නගරසභාවේ හිටපු මන්ත්‍රීවරයකු අද (15) අත්අඩංගුවට ගත්බව පොලිස් විශේෂ කාර්යය බලකායේ අම්බලන්තොට කඳවුරේ නිලධාරිහු පැවසූහ.

15 September 2020

‘කලුපේ අමිත්’ ට අයත් ගිනිඅවි-උණ්ඩ සොයා ගනී

දැනට බන්ධනාගාර ගතව සිටින ‘කලුපේ අමිත් සංජිව’ට අයත් ගිනි අවි 3 ක්, අත්බෝම්බ 2 ක් මීලිමීටර් 9 උණ්ඩ 10 ක් පොලිස් විශේෂ කාර්ය බළකා නිලධාරින් විසින් අද (15) සොයා ගනු ලැබීය.

15 September 2020

ඊශ්‍රායලයේ රැකියාවලට ශ්‍රමිකයින් යැවීම රජයෙන් පමණයි

මින් ඉදිරියට ඊශ්‍රායලයට ශ්‍රමිකයින් යැවීම සිදු කරන්නේ රජයෙන් පමණක් බව කම්කරු අමාත්‍ය නිමල් සිරිපාල ද සිල්වා මහතා අද (15) පැවසීය.

15 September 2020

කෝටියක් වන්දි ඉල්ලූ සෙබළාගේ පෙත්සමේ විභාගය මැයි 4 දා

උද්ඝෝෂණයකදී පොලීසිය එල්ල කළ කඳුළු ගෑස් ප්‍රහාරවලින් තම ඇසක් සම්පූර්ණයෙන්ම අන්ධවීම වෙනුවෙන් රජයෙන් රුපියල් කෝටියක වන්දියක් ඉල්ලා ආබාධිත සෙබළෙකු ඉදිරිපත් කළ මූලික අයිතිවාසිකම් පෙත්සම පිළිබඳ වැඩිදුර විභාගය ලබන මැයි 4 වැනිදා තෙක් කල් තැබීමට ශ්‍රේෂ්ඨාධිකරණය අද (15) තීන්දු කළේය.

15 September 2020

ඌව පළාතේ සෞඛ්‍ය අංශ හෙට ලෙඩ වෙයි

ඌව පළාතේ මහජන සෞඛ්‍ය පරීක්ෂකවරුන්ගේ සංගමය , පවුල් සෞඛ්‍ය සේවිකාවන්ගේ සංගමය , කළමනාකරණ සහායක සංගමය , රියදුරු සංගමය ඇතුළු සෞඛ්‍යය කේෂ්ත්‍රයේ අංශ18 ක් හෙට (16) අසනීප නිවාඩු දමා සේවයට වාර්තා නොකිරීමට තීරණය කර ඇතැයි මොණරාගල දිස්ත්‍රික් මහජන සෞඛ්‍ය පරීක්ෂකවරුන්ගේ සංගමයේ ලේකම් වී.පී.එන්.සංජය මහතා පැවසීය.

15 September 2020

ලක්ෂ 14 ක හෙරොයින් සමඟ අයෙක් අත්අඩංගුවට

මෝටර් රථයකින් රුපියල් ලක්ෂ 14 ක් පමණ වටිනා හෙරොයින් මත්කුඩු ප්‍රවාහනය කරමින් සිටි හිටපු රක්ෂණ නියෝජිතයෙකු අංගොඩ කැළණිමුල්ල ප්‍රදේශයේ දී අද (15) අත්අඩංගුවට ගත්බව නුගේගොඩ කොට්ඨාස දූෂණ මර්දන අංශය කියයි.

15 September 2020

බංග්ලාදේශ ක්‍රිකට් කණ්ඩායම නිරෝධායනයවීම අනිවාර්යයි

ශ්‍රී ලංකාවේ ටෙස්ට් ක්‍රිකට් තරගාවලියට සහභාගි වීමට පැමිණෙන බංග්ලාදේශ ක්‍රිකට් කණ්ඩායම හා ඔවුන් සමඟ පැමිණෙන සියලු දෙනා සෞඛ්‍ය අමාත්‍යාංශය ලබාදී ඇති මාර්ගෝපදේශ අනුව අනිවාර්යයෙන් නිරෝධායනය විය යුතු බව වසංගත රෝග විද්‍යා අංශයේ අධ්‍යක්‍ෂ, විශේෂඥ වෛද්‍ය සුදත් සමරවීර මහතා පැවසීය.

15 September 2020

විග්නේෂ්වරන් සමාව ගැනීමට සූදානම් නෑ

උතුරු පළාත් හිටපු අමාත්‍ය බී.ඩෙනීෂ්වරන් මහතාගෙන් තමා කිසි විටෙක සමාව ගැනීමට කිසිදු ආකාරයේ සූදානමක් නොමැති බව දෙමළ ජාතික සභාවේ නායක, යාපනය දිස්ත්‍රික් පාර්ලිමේන්තු මන්ත්‍රී සී.වී.විග්නේෂ්වරන් මහතා අද (15) අභියාචනාධිකරණයට දැනුම් දුන්නේය.

15 September 2020

අවුරුදු 18 වෙනකම් ළමයි

ළමයින් ලෙස සැලකෙන වයස් සීමාව අවුරුදු 18 දක්වා වැඩි කිරීමට රජයේ අවධානය යොමු වී ඇත.

15 September 2020

කුඩු ජාවාරම්කරුවන් නිදහස් කිරීමට සිදුවීම කනගාටුවක්

මත්ද්‍රව්‍ය වැටලීම් කරන පොලිස් නිලධාරීන් සටහන් යෙදීමේදී සිදුකරන දුර්වලතා හේතූවෙන් මහා පරිමාණ මත්කුඩු ජාවාරම්කරුවන් නිදහස්ව යෑම කනගාටුදායක තත්වයක් යැයි කුඩු ග්‍රෑම් 198 ක් ළඟ තබාගෙන සිටියදී කොළඹ පුරහල ප්‍රදේශයේ දී අල්ලා ගත් ජාවාරම්කරුවකු නිදහස් කරමින් කොළඹ මහාධිකරණ විනිසුරු විකුම් කළුආරච්චි මහතා අද (15) පැවසීය.

15 September 2020

’මාසයක් නිරෝධායනය වෙන්න සංචාරකයන් එන්නේ නෑ’

සංචාරකයින් වෙනුවෙන් ගුවන් තොටුපළ විවෘත කිරීමේ ආරක්ෂිත ක්‍රමවේදයක් සම්බන්ධයෙන් සංචාරක මණ්ඩලය ඇතුළු බලධාරීන් හා සෞඛ්‍ය අංශ එක්ව අධ්‍යයනය කරමින් සිටින බව වසංගත රෝග විද්‍යා අංශයේ අධ්‍යක්‍ෂ, විශේෂඥ වෛද්‍ය සුදත් සමරවීර මහතා පැවසීය.

15 September 2020

නාලක ද සිල්වා ගොනු කළ පෙත්සම ඉල්ලා අස් කරගනී

වැඩ තහනමකට ලක් කර සිටින ත්‍රස්ත විමර්ශන කොට්ඨාසයේ හිටපු අධ්‍යක්ෂක , නියෝජ්‍ය පොලිස්පති නාලක ද සිල්වා මහතා ගොනු කළ මූලික අයිතිවාසිකම් පෙත්සම අද (15) ශ්‍රේෂ්ඨාධිකරණය හමුවේ ඉල්ලා අස් කර ගන්නා ලදී.

15 September 2020

මංතීරු නීතියට බස් හිමියන්ගේ සංගමයේ විරෝධය

බස්රථ මංතීරුවේ ත්‍රිරෝද රථ සහ යතුරුපැදි ගමන් කළ යුතු බවට පොලීසිය ගෙන ඇති තීරණයට විරෝධය පළ කරන බව ලංකා පෞද්ගලික බස් හිමියන්ගේ සංගමයේ සභාපති ගැමුණු විජේරත්න මහතා කොළඹදී අද(15) පැවසීය.

15 September 2020

හේමසිරිගේ - නිලන්තගේ හඬපට අහද්දි ඔවුන් කිසිවකු ආරක්ෂා කරන බවක් හැඟෙනවා

“හිටපු රාජ්‍ය බුද්ධි අධ්‍යක්‍ෂ නිලන්ත ජයවර්ධන මහතා විසින් කොමිසමට ඉදිරිපත් කරන ලද හිටපු ආරක්‍ෂක ලේකම් හේමසිරි ප්‍රනාන්දු මහතා හා ජයවර්ධන මහතා අතර දුරකතන සංවාදයක් ඇතුළත් හඬ පටය ශ්‍රවණය කරන විට ඔවුන් කිසියම් පුද්ගලයකු ආරක්‍ෂා කරන්නට උත්සාහ කරන බවක් හැඟී යනවා” යැයි පාස්කු ඉරු දින ප්‍රහාරය පිළිබඳ ජනාධිපති කොමිසමේ සභාපති, අභියාචනාධිකරණ විනිසුරු ජනක් ද සිල්වා මහතා ඊයේ (14) ප්‍රකාශ කළේය.

15 September 2020

පාවහන් පතුලේ දුම්කොළ සඟවා රැඳවියන් බලන්න එති

මීගමුව හා කොළඹ රිමාන්ඩ් බන්ධනාගාරවල රඳවා ඇති රැඳවියන් දෙදෙනෙකු බැලීමට පැමිණි පුද්ගලයින් දෙදෙනෙකුගේ පාවහන් යුගලේ දුම්කොළ කැබලි සඟවා තිබියදී බන්ධනාගාර නිලධාරීන් සොයාගෙන අද(15) ඔවුන් අත්අඩංගුවට ගෙන ඇත.

15 September 2020

ටයිල් චමින්ද යළි රිමාන්ඩ්

පොලිස් මත්ද්‍රව්‍ය නාශක කාර්යාංශයේ නිලධාරීන් කණ්ඩායමක් සමඟ එක්වී හෙරොයින් ජාවාරම් කිරිමේ නිරත වූ ටයිල් චමින්ද නැමැති සැකකරු ලබන 21 වැනිදා දක්වා රිමාන්ඩ් බාරයේ තබන ලෙස මිනුවන්ගොඩ මහෙස්ත්‍රාත් කේසර සී ඒ සමරදිවාකර මහතා අද (15) නියම කළේය.

15 September 2020

’එජාපය දිනවීමේ වගකීම මා බාරගන්නවා’

කඩා වැටී ඇති එක්සත් ජාතික පක්ෂයට ජනතා ආකර්ශනය දිනා දෙමින් ජයග්‍රහණය කරා මෙහෙයවීමේ වගකිම තමන් බාර ගන්නා බව එක්සත් ජාතික පක්ෂයේ නියෝජ්‍ය නායක රුවන් විජයවර්ධන මහතා කොළඹදී අද (15) පැවසීය.

15 September 2020

සුවය ලැබූ 11ක් පිටව යති

කොරෝනා වයිරසය ආසාදනය වීම හේතුවෙන් රෝහල්ගතව ප්‍රතිකාර ලබමින් සිටි 11දෙනෙකු සුවය ලබා අද(15) පිටව ගිය බව වසංගත රෝග විද්‍යා අංශය නිකුත් කළ නවතම වාර්තාවේ දැක්වේ.

15 September 2020

වයස අවුරුදු 100 පසුකළ ජපාන පුරවැසියන් සංඛ්‍යාව 80,000 ඉක්මවයි

ජපානයේ වෙසෙන වයස අවුරුදු සියය පසුකළ පුද්ගලයින් සංඛ්‍යාව ප්‍රථම වරට 80,000 ඉක්මවා ඇතැයි එරට රජයේ නවතම සමීක්ෂණයකින් අනාවරණය වී තිබේ.

15 September 2020

රත්නපුර නියෝජ්‍ය කම්කරු කොමසාරිස් කාර්යාලය අවිස්සාවේල්ලට ගෙනයාමට විරෝධය

රත්නපුර නියොජ්‍ය කම්කරු කොමසාරිස් කාර්යාලය අවිස්සාවේල්ල නගරයට ගෙන යෑමට විරෝධය පළකරමින් කම්කරු ජනතාව, පළාත් පාලන නියෝජිතවරු ඇතුළු පිරිසක් එම කාර්යාලය ඉදිරිපිටදි අද (15) උද්ඝෝෂණයක නිරතවුහ.

15 September 2020

ඉන්දියාවේ කොරෝනා මරණ 80,000 පනී

ඉන්දියාවෙන් වාර්තා වන කොරෝනා වයිරස ආසාදිත සමස්ත මරණ ගණන අද (15) 80,000 ඉක්මවා ගියේය.

15 September 2020

මනම්පිටියේ වැලිගොඩ දමන්නෝ උද්ඝෝෂණයක

මනම්පිටිය වැලි සමාගමේ දූෂණ අක්‍රමිකතාවලට එරෙහිව මනම්පිටිය පාලම අසළ මහවැලි ගඟේ වැලි ගොඩ දමන කම්කරුවෝ අද(15) පොළොන්නරුව කදුරුවෙල නගරයේදී උද්ඝෝෂණයෙක නිරත වූහ.

15 September 2020