එසැණ පුවත්

ආසාදිත සාමාන්‍ය පෙළ සිසුන්ට නවගමුව රෝහල වෙන්කෙරේ

මාර්තු මාසයේ දී පැවැත්වීමට නියමිත අ.පො.ස. සාමාන්‍ය පෙළ විභාගයට පෙනී සිටීමට අපේක්ෂිත සහ නිවෙස් ගත නිරෝධායනයට යොමුකරනු ලබන ආශ්‍රිතයන් අතරින් හදිසියේ කොවිඩ් ආසාධිත සිසුවෙකු හමුවුවහොත් එවැනි සිසුන් සඳහා විභාග දෙපාර්තමේන්තුවට සහයෝගයක් ලෙස නවගමුව රෝහල වෙන්කරන බව කොළඹ දිස්ත්‍රික් ලේකම් (දිසාපති) ප්‍රදීප් යසරත්න මහතා අද (22) පැවසීය.

22 February 2021

දුම්රිය වෘත්තිය සමිති 19 ක් මධ්‍යම රාත්‍රියේ සිට වර්ජනයක

සියලුම දුම්රිය ධාවනයෙන් ඉවත්ව අද (22) මධ්‍යම රාත්‍රි 12.00 සිට හෙට (23) මධ්‍යම රාත්‍රී 12.00 දක්වා එක්දින දුම්රිය වැඩවර්ජනයක නිරතවන බව දුම්රිය එන්ජින් රියදුරන්ගේ සංගමයේ ලේකම් ඉන්දික දොඩංගොඩ මහතා පැවසීය.

22 February 2021

ටෙලි නලු ගයාන්ට යළිත් සිතාසි

නඩත්තු නඩුවකට අදාළව තම බාල වයස්කාර දරුවන් දෙදෙනා හට අධිකරණය විසින් ගෙවීමට නියම කළ නඩත්තු මුදල් වසර පහක පමණ කාලයක සිට පැහැර හැර ඇති බව කියන ගයාන් ප්‍රසාද් වික්‍රමතිලක නැවත වරක් සිතාසි නිකුත් කිරීමට මහර මහේස්ත්‍රාත් කේමින්ද පෙරේරා මහතා අද (22) නියම කළේය.

22 February 2021

නිරෝධායනය කරනවැයි කියා කප්පම් ගනිති

මහජන සෞඛ්‍ය පරීක්ෂකවරු බව පවසමින් කොරෝනා මර්දන නීතිය යටතේ සිය වෙළදසල් හා තමන් ස්වයං නීරෝධායනයට ලක් නොකිරීමට නම් විද්‍යුත් ක්‍රමයට මුදල් ලබා දෙන ලෙස අම්බලන්ගොඩ ව්‍යාපාරිකයින්ගෙන් කප්පම් ඉල්ලන කණ්ඩායමක් පිළිබදව අද (22) පරීක්ෂණ ආරම්භ කළ බව අම්බලන්ගොඩ පොලීසිය කියයි.

22 February 2021

ජූලි 17 දා වෙලේ සුදාට අධිකරණයට එන්න කියයි

ශ්‍රී ලංකාවට හෙරොයින් ගෙන්වන මහාපරිමාණ මත්කුඩු ජාවාරම්කරුවකු වන වෙලේ සුදා නමැත්තාට, ඔහුගේ බිරිඳට හා සහෝදරියට එරෙහිව පවරා ඇති නඩුව ලබන ජුනි 17 වැනිදා කැඳවීමට නියම කළ කොළඹ මහාධිකරණ විනිසුරු ආදිත්‍ය පටබැඳි මහතා විත්තිකාර වෙලේ සුදා එදින අධිකරණයට ඉදිරිපත්කරන ලෙස ද නියම කළේය.

22 February 2021

කණු මතින් ඉදිවන අධිවේගී මාර්ගයට එරෙහිව විරෝධතාවයක

පෑලියගොඩ සිට අතුරුගිරිය දක්වා කණු මතින් ඉදිවන අධිවේගී මාර්ගය ඉදිකිරීමේදී පොතුඅරාව ප්‍රදේශයේ කිසිදු නිවසකට හානි නොකර මුල් සැලසුම අනුව වෙල්යාය මතින් ඉදිකරන ලෙස ඉල්ලා පිරිසක් බත්තරමුල්ල ඩෙන්සිල් කොබ්බෑකඩුව මාවත පිහිටි මධ්‍යම පරිසර අධිකාරිය ඉදිරිපිට විරෝධතාවයක අද (22) නිරතවූහ‍.

22 February 2021

උසස් පෙළ පන්ති ජූලියේදී ඇරඹෙයි

මෙවර අධ්‍යයන පොදු සහතික පත්‍ර සාමාන්‍ය පෙළ විභාගයට පෙනී සිටින දරුවන්ගේ උසස් පෙළ පන්ති ජූලි මාසයේ ආරම්භ කිරීමට සැලසුම් සකස්කර ඇති බව අධ්‍යාපන අමාත්‍ය මහාචාර්ය ජී එල් පීරිස් මහතා ප්‍රකාශ කළේය. සාමාන්‍ය පෙළ විභාගය මාර්තු මස පළමුවැනිදා සිට 10 වැනිදා දක්වා පැවැත්වෙන අතර එහි ප්‍රතිඵල ජුනි මස වන විට ලබා දීමට අපේක්ෂා කරන බව ද අමාත්‍යවරයා කියා සිටියේය.

22 February 2021

රංජන් බලන්න සජිත් යයි

විපක්ෂ නායක සජිත් ප්‍රේමදාස මහතා අද (22) පෙරවරුවේ අගුණකොලපැලැස්ස බන්ධනාගාරයට ගොස් පාර්ලිමේන්තු මන්ත්‍රී රන්ජන් රාමනායක මහතාගේ සුවදුක් විමසා බැලීය.

22 February 2021

බස් රථයක් පෙරැළෙයි - 13 කට තුවාල

බිබිල සිට තලවකැලේ දක්වා ධාවනය වූ පෞද්ගලික බස් රථයක් නානුඔය රදැල්ල කෙටි මාර්ගයේදි අද(22) ප්‍රධාන මාර්ගය හරහා පෙරැළීම හේතුවෙන් එහි ගමන්ගත් මගීන් 13 දෙනෙකු තුවාල ලබා නුවරඑලිය දිස්ත්‍රික් මහ රෝහල වෙත ඇතුලත් කර ඇති බව නානුඔය පොලිසිය පැවසීය.

22 February 2021

ආබාධිත රණවිරුවෝ මාසික ස්ථාවර දීමනාව ඉල්ලති

ත්‍රිවිධ හමුදා විශ්‍රාමික ක්‍රියාන්විත ආබාධිත රණවිරු සංගමය විසින් සංවිධානය කරන ලද නිහඬ විරෝධතාවයක් අද(22) කොළඹ ගාලු මුවදොර උද්ඝෝෂණ කලාපයේදී පැවැත්විණි.

22 February 2021

පොලිසියට හානි වන ප්‍රකාශයක් කළ එස්අයිගේ වැඩ තහනම්

පොලිස් දෙපාර්තමේන්තුවේ ගෞරවයට හානිදායක වන අයුරින් අපකීර්තිමත් ප්‍රකාශයක් කරමින්, එය සමාජ මාධ්‍ය ඔස්සේ සංසරණයවීමට කටයුතු කළ බව කියන අලුත්ගම පොලිසියේ උප පොලිස් පරීක්ෂකවරයාගේ වැඩ තහනම් කළ බව කළුතර දිස්ත්‍රික් ජ්‍යෙෂ්ඨ පොලිස් අධිකාරි නිශාන් සිල්වා මහතා පැවසීය. මෙලෙස වැඩ තහනමට ලක්ව ඇත්තේ සාමාන්‍ය රාජකාරිවල නිරතව සිටි නිලධාරියෙකි.

22 February 2021

පොතුවිල් පාගමනට ආ මන්ත්‍රීවරුන්ගෙන් පොලිසිය ප්‍රකාශ ලබාගනී

අධිකරණ නියෝග නොතකමින් පොතුවිල් සිට පෝලිකණ්ඩි දක්වා විරෝධතා පාගමනට එක්වීම සම්බන්ධයෙන් දෙමළ ජාතික සන්ධානයේ පාර්ලිමේන්තු මන්ත්‍රීවරුන් වන එම්. ඒ. සුමන්තිරන්, රාසමානිකක්ම් සානක්‍යයන්, තවරසා කලෙයිඅරසන්, සෙල්වම් අඩෙක්කලනාදන් ඇතුළු දේශපාලන නියෝජීතයින් රැසකගෙන් පොලීසිය ප්‍රකාශ ලබාගෙන තිබේ.

22 February 2021

දේශපාලනඥයින්ගෙන් බලපෑම් ඇතැයි අම්බලන්ගොඩ ග්‍රාම නිලධාරීහු කියති

අම්බලන්ගොඩ ප්‍රාදේශීය දේශපාලනඥයින්ගෙන් රාජ්‍ය සේවකයින්ට වන බලපෑම්වලට විරෝධය පා අද (22) දහවල් ප්‍රාදේශීය ලේකම් කාර්යාලයේ ග්‍රාම නිලධාරීන් ඇතුළු සේවකයෝ එම කාර්යාලය ඉදිරිපිට සිට උද්ඝෝෂණයක නිරතවූහ.

22 February 2021

කැලෑ කැපීම නැවැත්වීමට බැරි දේශපාලන සම්බන්ධතා නිසාද?

රටේ පරිසරය විනාශ කිරීම වැළැක්වීම සාමාන්‍යයෙන් ආරක්ෂක ලේකම්වරයා යටතට පැමිණෙන රාජකාරියක් නොවේ. ඔහුගේ ඉහළම ප්‍රමුඛත්වය ලැබිය යුත්තේ රට, ජාතිය සහ සියලු‍ වැසියන්ගේ ආරක්ෂාව සහතික කිරීම සඳහාය. එසේ වුවද ආරක්ෂක ලේකම් ජනරාල් කමල් ගුණරත්න මහතා පසුගියදා ත්‍රිකුණාමලය බාර නියෝජ්‍ය පොලිස්පතිවරයාට නියෝග කර තිබුණේ එම ප්‍රදේශයේ සිදු කෙරෙන මහා පරිමාණ කැලෑ එළිපෙහෙළි කිරීම් වහාම නවත්වා දැමීමට අවශ්‍ය පියවර ගන්නා ලෙසටය.

22 February 2021

සහරාන්ගේ මරාගෙන මැරෙන සෙල්ලම් මාවනැල්ල කෙල්ල වමාරයි

මරාගෙන මැරෙනු පිණිස රට පුරා තරුණියන් 15 දෙනකු පාස්කු ඉරු දින ප්‍රහාරයේ මහ මොළකරු වූ සහරාන් හෂීම් නමැත්තා යටතේ අවි පුහුණුව ලබා ඇතැයි තොරතුරු හෙළිවී තිබෙන බව පොලිස් මාධ්‍ය ප්‍රකාශක නියෝජ්‍ය පොලිස්පති නීතිඥ අජිත් රෝහණ මහතා පැවැසීය.

22 February 2021

ළහිරු කුමාරට කොරෝනා

අද රාත්‍රියේ බටහිර ඉන්දීය දූපත් බලා යාමට සිටි ශ්‍රී ලංකා ක්‍රිකට් කණ්ඩායමේ වේග පන්දු යවන්නකු වන ළහිරු කුමාරට කොරෝනා වයිරසය අසාදනය වී ඇතැයි ශ්‍රී ලංකා ක්‍රිකට් ආයතනය තහවුරු කරයි. සංචාරය බලා පිටත්ව යාමට පෙර, කරන ලද පී.සී.ආර්. පරීක්ෂණ වලදී ඔහුට වයිරසය අසාදනය වී ඇතැයි තහවුරු වී තිබේ.

22 February 2021

දෙමළ දේශපාලන පක්ෂ 10 ක් එක්වෙයි

දෙමළ ජාතික සන්ධානය ඇතුළු උතුරු නැගෙනහිර පළාත් ප්‍රධාන දෙමළ දේශපාලන පක්ෂ 10 ක් එකාබද්ධව ‘දෙමළ ජාතික කවුන්සිලය’ නමින් නව දේශපාලන පෙරමුණක් පිහිටුවීමට යෝජනා කර ඇත.

22 February 2021

ඇමෙරිකානු අධිකරණයෙන් චෝදනා එල්ලවූ පාස්කු ප්‍රහාරකයන් ගැන සාකච්ඡා

2019 වසරේ අප්‍රේල් 21 වැනිදා ශ්‍රී ලංකාවේ සිදුවූ පාස්කු ඉරුදින බෝම්බ ප්‍රහාරයෙන් ඇමරිකා සිවිල් වැසියන් ඝාතනය කිරීම සම්බන්ධයෙන් ඇමෙරිකා අධිකරණයෙන් අපරාධ චෝදනා එල්ලවී සිටින ශ්‍රී ලාංකික සැකකරුවන් සහ ඇමෙරිකාවේ පවතින එල්ටීටීඊ හිතවාදී සංවිධාන සම්බන්ධයෙන් ගන්නා ඉදිරි ක්‍රියාමාර්ග පිළිබඳව ඇමෙරිකාවේ වොෂින්ටන්හී ශ්‍රී ලංකා තානාපති රවිනාථ ආර්යසිංහ මහතා එරට අධිකරණ දෙපාර්තමේන්තුව සමඟ සාකච්ඡා කර ඇත.

22 February 2021

රජයේ රස පරීක්ෂක කාර්යාලයේ දෙදෙනකුට කොරෝනා

රජයේ රස පරික්ෂක කාර්යාලයේ දෙදෙනකුට කොරෝනා වයිරසය ආසාදනය වී තිබේ. මේ හේතුවෙන් නඩු භාණ්ඩ බාර ගැනීමේ කටයුතු තාවකාලිකව අත්හිටුවීමට පියවර ගෙන ඇත.

22 February 2021

මත්ද්‍රව්‍ය ළඟ තබාගත් සැකකරුවන් 22 දෙනෙකු අත්අඩංගුවට

බන්ධනාගාර ගතව සිටින ‘දෙමටගොඩ කට් රොෂාන්ගේ’ ගෝලයෙකුද, ජීවිතාන්තය දක්වා සිරදඬුවම් නියම වූ ජාවාරම්කරුවකුගේ ගෝලයෙකු බව කියන සැකකාරියක වන අරුණෝදය මාවතේ ආරි සහ අයිස්, හෙරෝයින්,ගංජා ළඟ තබාගත් සැකකාරයන් සහ වරෙන්තුකරුවන් 7 දෙනෙක් ඇතුළු 22දෙකක් මත්ද්‍රව්‍යද සමග අද (22)ඔබේසේකරපුර දී අත්අඩංගුවට ගත් බව වැලිකඩ පොලිසිය කියයි.

22 February 2021

නොමිලේ බෙදන්න නිකුත් කළ පොත්-සාප්පුවක අලෙවියට තියලා

මීගමුව නගර සභාව මගින් අඩු ආදායම්ලාභී පවුල්වල පාසල් දරුවන්ගේ පාසල් අධ්‍යාපනය සඳහා නොමිලේ බෙදාදීම සඳහා නිකුත් කරන ලද පොත්පත් 298 ක් මීගමුව නගරයේ පොත් සාප්පුවක විකිණීමට තබා තිබියදී ඊයේ (21) සවස එම පොත් සාප්පුවේ හිමිකරු සමඟ මීගමුව පොලීසිය මගින් අත්අඩංගුවට ගෙන ඇතැයි පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා පැවසීය.

22 February 2021

මවක් අවුරුදු තුනේ දියණිය සමඟ ළිඳට පනී

බිබිල-බදුල්ල ගම්මන ප්‍රදේශයේ පදිංචි මවක් ඊයේ (21) රාත්‍රී සිය තුන් හැවිරිදි දියණියද සමඟ ළිඳකට පැන සියදිවි හානිකරගෙන ඇතැයි බිබිල පොලීසිය පවසයි.

22 February 2021

අද කොරෝනා මරණ 10 යි : ආසාදිතයන් 518 යි

කොවිඩ්-19 වයිරසය ආසාදනය වීම හේතුවෙන් තවත් පුද්ගලයන් 10 දෙනෙකු මරණයට පත්ව ඇතැයි සෞඛ්‍ය සේවා අධ්‍යක්ෂ ජනරාල්වරයා අද (21 වැනිදා) තහවුරු කරයි.

21 February 2021

පැමිණිල්ලේ වැඩ තහනම් - විත්තිය නිදැල්ලේ

’’පසුගිය කාලයේ සිදුවු හිරිහැර බලද්දි දැන් ඉන්න පරිවාස නිලධාරින් කිසිවෙකු ගැන අපට විශ්වාසයක් නැහැ. අපට කරදර හිරිහැර කරපු නිලධාරින් තවමත් නිදැල්ලේ පසුවෙනවා. අදටත් පිරිමි පුද්ගලයන් දෙදෙනෙක් ළමා නිවාස භුමියේ රාත්‍රි කාලයේ සැරිසරනවා.’’ යැයි අනුරාධපුර, අවන්ති දේවි ළමා නිවාසයේ දැරියන් පිරිසක් ඉඩම් අමාත්‍ය එස්.එම්. චන්ද්‍රසේන මහතා හමුවේදී පැවසිය.

21 February 2021

දහහතර හැවිරිදි දරුවෙකු ලිංගික අපයෝජනය කළ අයෙ‍ක් රිමාන්ඩ්

වයස අවුරුදු දාහතරක පිරිමි දරුවකු ලිංගික අපයෝජනයකට ලක් කළ බව කියන වයස අවුරුදු 52 ක පුද්ගලයෙකු මාර්තු මස 3 වැනිදා දක්වා රක්ෂිත බන්ධනාගාරගත කරන ලෙස බදුල්ල මහේස්ත්‍රාත් චමින්ද කරුණාදාස මහතා අද (21) නියෝග කළේය.‍

21 February 2021

බාල වයස් දැරියක් අපහරණය කළ තරුණයා රිමාන්ඩ්

මීගහකිවුල කරමැටිය පරණ මහියංගන පාර ප්‍රදේශයේ වයස අවුරුදු 15 ක දැරියක් අපහරණය කළ බව කියන තරුණයෙකු මෙම මස 24 වැනිදා දක්වා රක්ෂිත බන්ධනාගාර ගත කරන ලෙස බදුල්ල මහේස්ත්‍රාත් චමින්ද කරුනාදාස මහතා අද (21) නියෝග කළේය.

21 February 2021

ආබාධිත කාන්තාව රෝද පුටුවේම ගිනිගෙන මරුට

රෝද පුටුවක සිටි 71 හැවිරිදි ආබාධිත කාන්තාවක් රෝද පුටුවේම ගිනි ගෙන අද (21) දහවල් මියගොස් ඇතැයි පොද්දල පොලිසිය පවසයි.

21 February 2021

රාජ්‍ය ඇමති විමලවීරගේ ලේකම්ගෙන් අමාත්‍යංශ ලේකම්වරයාත් නොදන්නා ලිපියක්

රාජ්‍ය ආයතන පිළිබඳව නීතිමය ක්‍රියාමාර්ග ගන්නා අවස්ථාවන් හිදී අමාත්‍යංශයෙන් උපදෙස් ලබාගත යුතුයැයි දන්වමින් වන සම්පත් සංවර්ධන රාජ්‍ය අමාත්‍යංශයේ ලේකම්වරයා විසින් අමාත්‍යංශ්‍ය යටතේ ඇති දෙපාර්තමේන්තු තුනකට ලිපියක් යවා ඇත.

21 February 2021