එසැණ පුවත්

අද කොරෝනා මරණ 3 යි : ආසාදිතයන් 492 යි

කොවිඩ්-19 වයිරසය ආසාදනය වීම හේතුවෙන් තවත් පුද්ගලයන් 3 දෙනෙකු මරණයට පත්ව ඇතැයි සෞඛ්‍ය සේවා අධ්‍යක්ෂ ජනරාල්වරයා අද (23 වැනිදා) තහවුරු කරයි.

23 February 2021

පාස්කු ප්‍රහාරයට හිටපු ජනපති - අගමැති වගකිව යුතුයි

පාස්කු ඉරිදා එල්ලවූ ප්‍රහාරයෙන් ඇතිවූ ඛේදවාදකයට එවකට සිටි ජනාධිපති මෛත්‍රීපාල සිරිසේන සහ අගමැති රනිල් වික්‍රමසිංහ යන මහත්වරුන් ප්‍රමුඛ රජය වගකිව යුතුයැයි පාස්කු ඉරුදින ප්‍රහාරය සම්බන්ධයෙන් විමර්ශනය කළ ජනාධිපති කොමිෂන් සභාව නිර්දේශ කර ඇත.

23 February 2021

නාපානේ පේමසිරි නාහිමි ගුණ සැමරේ

අපවත්වී වදාළ ශ්‍රී ලංකා රාමඤ්ඤ මහා නිකායේ මහනායක, අග්ගමහා පණ්ඩිත නාපානේ පේමසිරි නාහිමියන්ගේ තෙමස් පූර්ණ ගුණ සැමරුම ඇඹිලිපිටිය බෝධිරාජ ධර්මායතනයේ දී අද පැවැත්විණි. සඟසතු දානමය පිංකමක්, ධර්ම පුස්තකයක් දොරට වැඩීමක් සහ කුලදරුවෙකු පැවිදි කිරීමේ පිංකමක් මෙම ගුණ සමරු උත්සවයට සමගාමීව පැවැත්විණ.

23 February 2021

ඇමෙරිකාවේ කොරෝනා මරණ ලක්ෂ 5 පනී

ඇමරිකාවේ කොරෝනා ආශ්‍රිත මරණ 500,000 ඉක්මවීමත් සමග ජනාධිපති ජෝ බයිඩන් ජාතිය ඇමතීය.

23 February 2021

මහා වංශය පුස්කොළ පොත ලෝක උරුමයක් ලෙස නම් කරයි

පේරාදෙණිය විශ්වවිද්‍යාල පුස්තකාලයේ ඇති මහා වංශයේ සියලු කොටස් කිසිදු අඩුවකින් තොරව අන්තර්ගතව තිබෙන පුස්කොළ පොත් එකතුව පරීක්ෂා කිරීමට පැමිණි යුනෙස්කෝ සංවිධාන නියෝජිතයින් ඒ පිළිබඳ සෑහිමකට පත්ව මහා වංශය පුස්කොළ පොත යුනෙස්කෝ සංවිධානය මගින් ලෝක උරුමයක් ලෙස නම්කර කිරීමට තීරණය කර තිබේ.

23 February 2021

ඉම්රාන් ඛාන්ගේ පාර්ලිමේන්තු කතාව නවත්වයි

ඉන්දියාව සමඟ ගැටුමක් ඇති වීම වැළැක්වීමේ අරමුණින් පාකිස්තාන අග්‍රාමාත්‍ය ඉම්රාන් ඛාන් පාර්ලිමේන්තුවේදී කිරීමට සැලසුම් කර තිබූ කතාව නැවැත්වීමට ශ්‍රී ලංකාව පියවර ගෙන ඇතැයි ‘ටයිම්ස් ඔෆ් ඉන්දියා’ පුවත් වෙබ් අඩවිය වාර්තා කරයි.

23 February 2021

උසස්වීම් නැතැයි පොලිස් රියැදුරෝ - කොස්තාපල්වරු 235 ක් උසාවි යති

පොලිසියේ විවිධ තනතුරුවලට අයත් නිලධාරීන් 31,000 කට අධික පිරිසකට එක්වරක් පමණක් බලපාන උසස්වීම් ලබාදී ඇතැත් පොලිස් රියදුරු තනතුරු දැරූ නිලධාරීන්ට පමණක් එම උසස්වීම් ලබානොදිමෙන් සිය මුලික අයිතිවාසිකම් උල්ලංඝනය වී ඇතැයි සඳහන් කරමින් පොලිස් රියදුරන් ලෙස රාජකාරී කරන කොස්තාපල්වරු හා සැරයන්වරු 235 දෙනෙක් ශ්‍රේෂ්ඨාධිකරණයට මුලික අයිතිවාසිකම් පෙත්සම් දෙකක් ඉදිරිපත් කළහ.

23 February 2021

රෝහලෙන් පැන ගිය රෝගියාට කොරෝනා

කෝවිඩ් බවට සැක සහිත රෝගීන් සිටින ඇඹිලිපිටිය දිස්ත්‍රික් මහ රෝහලේ වාට්ටුවේ ප්‍රතිකාර ලබමින් සිටි රෝගියෙකු පීසීආර් පරීක්ෂණයේ ප්‍රතිඵල ලැබීමට පෙර එයින් පැන පලාගොස් ඇතැයිද, ඔහු ආසාදිතයකු බව අද තහවුරු වීමෙන් පසු, ඇඹිලිපිටිය නව නගරයේ නිවසක සැඟවී සිටියදී අත්අඩංගුවට ගෙන යළි රෝහල් ගත කළ බවද, ඇඹිලිපිටිය පොලීසිය පැවසුවේය.

23 February 2021

පාස්කු ප්‍රහාර වාර්තාව කථානායකට

පාස්කු ඉරිදා එල්ල වූ ත්‍රස්ත ප්‍රහාර සම්බන්ධයෙන් සොයා බැලීමට පත් කළ ජනාධිපති කොමිෂන් සභාවේ අවසන් වාර්තාවේ පිටපත් ජනාධිපති ගෝඨාභය රාජපක්ෂ මහතා වෙනුවෙන්, ඒ මහතාගේ නීති කටයුතු අධ්‍යක්ෂ ජනරාල් හරිගුප්ත රෝහණධීර මහතා විසින් අද (23) පෙරවරුවේ කථානායක මහින්ද යාපා අබේවර්ධන මහතා වෙත භාරදුන්නේය.

23 February 2021

ඉම්රාන් ඛාන් සමග 40 ක් එති

පකිස්තාන අග්‍රාමාත්‍ය ඉම්රාන් ඛාන් මහතා ඇතුළු දූත පිරිස පකිස්තාන ගුවන් හමුදාවට අයත් විශේෂ ගුවන් යානයකින් අද (23) දින සවස කටුනායක බණ්ඩාරනායක ජාත්‍යන්තර ගුවන් තොටුපළ වෙත පැමිණියේය.

23 February 2021

ශානිගේ ඇප ඉල්ලූ පෙත්සම් විභාගයෙන් විනිසුරු මේනකා ඉවත්වෙයි

රිමාන්ඩ් බාරයේ පසුව සිටින අපරාධ පරීක්ෂණ දෙපාර්තමේන්තුවේ හිටපු අධ්‍යක්ෂ ජ්‍යෙෂ්ඨ පොලිස් අධිකාරි ශානි අබේසේකර සහ එම දෙපාර්තමේන්තුවේ හිටපු උප පොලිස් පරීක්ෂක සුගත් මෙන්ඩිස් යන මහත්වරුන් ඇප මත මුදා හරින්නැයි කළ ඉල්ලීම ප්‍රතික්ෂේප කරමින් ගම්පහ මහාධිකරණය දුන් තීන්දුව බලරහිත කරන ලෙස ඉල්ලා ගොනු කළ ප්‍රතිශෝධන පෙත්සම් විභාගයෙන් ඉවත් වන බව අභියාචනාධිකරණ විනිසුරු මේනකා ⁣විජේසුන්දර මහත්මිය අද ( 23) විවෘත අධිකරණය හමුවේ දැනුම් දුන්නාය.

23 February 2021

‘මොන්ටිසෝරි ළමයි ක්‍රීඩා කරනවා වගේ රටේ විදේශ ප්‍රතිපත්ති සකස් වෙලා’

මොන්ටිසෝරි දරුවන් ක්‍රීඩා කරනවා මෙන් රටේ විදේශ ප්‍රතිපත්තිය සකස් වී ඇතැයි පාර්ලිමේන්තු මන්ත්‍රී ඉමිතියාස් බාකිර් මාකාර් මහතා කොළඹ දී පැවසීය.

23 February 2021

’වාස් ඉල්ලා අස්වුණේ ක්‍රමවේදයට පිටින් ගෙවීම් කළ නොහැකි නිසයි’

ශ්‍රී ලංකා ක්‍රිකට් ආයතනය ‍පුහුණුකරුවන්ට ගෙවීම් සිදුකරන ක්‍රමවේදයක් ඇති බවත් ඊට පිටින් ගෙවීම් කළ නොහැකි නිසා චමින්ද වාස් සිය ඉල්ලා අස්වීම ලබාදී ඇති බවත් ක්‍රීඩා අමාත්‍ය නාමල් රාජපක්ෂ මහතා අද(23) පාර්ලිමේන්තුවේදී පැවසීය.

23 February 2021

ගෝමරන්කඩවල අධ්‍යාපන ගැටලු බලධාරීන්ට නොපෙනේද?

ත්‍රිකුණාමලය උතුර අධ්‍යාපන කලාපයට අයත් ගෝමරන්කඩවල කොට්ඨාසයේ පවතින අධ්‍යාපන ගැටලුවලට බලධාරීන්ගේ මැදිහත්වීමක් සිදු කරවා ගැනීමට මහා සංඝරත්නයේ සහාය ඉල්ලා ගෝමරන්කඩවල අධ්‍යාපනය සුරැකීමේ සංවිධානය රථ පෙළපාලියක් සංවිධානය කළ බව සඳහන් පුවතක් අප පුවත්පත ඉකුත්දා වාර්තා කළේය.

23 February 2021

විදේශ ඇමැති අද රාත්‍රියේ ජීනීවා සැසිය අමතයි

විදේශ අමාත්‍ය දිනේෂ් ගුණවර්ධන මහතා අද (23) එක්සත් ජාතීන්ගේ මානව හිමිකම් කවුන්සිලයේ 46 වන සැසිවාරය ඇමතීමට නියමිත ය.

23 February 2021

ඉම්රාන් ඛාන්ට ඉන්දීය ගුවන් අවකාශය භාවිත කරන්න අවසර

පාකිස්තාන අග්‍රාමාත්‍ය ඉම්රාන් ඛාන් ගමන් ගන්නා ගුවන් යානයට ඉන්දීය ගුවන් සීමාව භාවිත කිරීමට ඉන්දියාවේ අවසරය හිමි වී ඇති විශ්වාසනීය ආරංචි මාර්ග සඳහන් කරයි.

23 February 2021

කච්චතිව් මංගල්‍යයට එන්න බැතිමතුන්ට අවසර නැහැ

පෙබරවාරි 26 හා 27 යන දින වලදී පැවැත්වීමට සැළසුම් කර තිබු යාපනය කච්චතිව් වාර්ෂික මංගල්‍ය මෙවර දේව මෙහෙයකට පමණක් සීමා කිරීමට යාපනය කිතුණු සභාව හා අදාල අංශවල නිලධාරීන් තීරණය කර තිබේ. ඒ අනුව කච්චතිව් දුපතට කිසිම හේතුවක් මත බැතිමතුන්ට අවසර ලබා නොදීමට මෙහිදී තීරණය කර ඇත.

23 February 2021

මේ සතියේ පාර්ලිමේන්තු රැස්වීම් කාලය සීමාකරයි

පාර්ලිමේන්තු‍ව පැවැත්වෙන මෙම සතියේ රැස්වීම් කාල සීමාව අඩුකිරීමට පාර්ලිමේන්තු කටයුතු පිළිබඳ කාරක සභාව තීරණය කර ඇත. ඒ අනුව අද(23) පස්වරු 1.00ට හා හෙට(24) පෙරවරු 11.30ට පාර්ලිමේන්තු කටයුතු අවසන් කිරීමට නියමිතය.

23 February 2021

මාතලේ ශ්‍රීලනිප මන්ත්‍රීවරුන්ගේ පක්ෂ සාමාජිකත්වය අත්හිටුවයි

පසුගිය පාර්ලිමේන්තු මහ මැතිවරණයේදී අපේක්ෂකයකු වූ නීතිඥ ලක්ෂ්මන් වසන්ත පෙරේරා මහතාට සහයෝගය ලබා නොදුන් මාතලේ දිස්ත්‍රික්කයේ ශ්‍රී ලංකා නිදහස් පක්ෂය නියෝජනය කරන පළාත් පාලන ආයතන මන්ත්‍රීවරුන්ට පක්ෂ සාමාජිකත්වය අත්හිටුවා විනය පරීක්ෂණය කිරීමට ශ්‍රී ලංකා නිදහස් පක්ෂය තීරණය කොට තිබේ.

23 February 2021

ආනවිළුන්දාවේ කඩොලාන පැළ ගැලවූ තිදෙනෙකු දැලේ

ආනවිළුන්දාව රම්සා අභය භූමිය තුළ රෝපණය කරන ලද කඩොලාන පැල 1000 කට ආසන්න ප්‍රමාණයක් ගලවා දැමීමේ සිද්ධිය සම්බන්ධයෙන් තිදෙනෙකු අත්අඩංගුවට ගත් බව ආරච්චිකට්ටුව පොලීසිය පවසයි.

23 February 2021

පාස්කු ප්‍රහාර වාර්තාව හෙට පාර්ලිමේන්තුවට

පාස්කු ඉරුදින එල්ල වූ ප්‍රහාරය සම්බන්ධයෙන් සොයා බැලීමට පත්කළ ජනාධිපති කොමිෂන් සභාවේ අවසන් වාර්තාව පාර්ලිමේන්තුවට හෙට (23) ඉදිරිපත් කිරීමට කැබිනට් මණ්ඩලය තීරණය කර ඇත.

22 February 2021

සාගරිකා දුම්රියේ හැපි තරුණයෙක් මියයයි

අහංගම, කතලුව කබලාන දුම්රිය හරස් මගේදී කොළඹ සිට මාතර බලා ගමන් ගත් සාගරිකා දුම්රියේ ගැටී 22 හැවිරිදි තරුණයෙකු අද (22) දින රාත්‍රියේ මිය ගොස් ඇතැයි අහංගම පොලිසිය කියයි.

22 February 2021

මාතර බන්ධනාගාරයේ 30 කට කොරෝනා

මාතර බන්ධනාගාරයේ රැදවියන් 30 දෙනෙකුට කොරෝනා වයිරසය ආසාදනය වී ඇති බව සෞඛ්‍ය අංශ පවසයි.

22 February 2021

කො‍රෝනා මරණ 450 ට නගී

කොවිඩ්-19 වයිරසය ආසාදනය වීම හේතුවෙන් තවත් පුද්ගලයන් 5 දෙනෙකු මරණයට පත්ව ඇතැයි සෞඛ්‍ය සේවා අධ්‍යක්ෂ ජනරාල්වරයා අද (22 වැනිදා) තහවුරු කරයි.

22 February 2021

දුම්රිය වැඩ සංකේත වර්ජනයට ගත් තීරණය අත්හිටුවයි

දුම්රිය රියදුරු, නියාමක ඇතුළු වෘත්තීය සමිති කිහිපයක් අද (22) මධ්‍යම රාත්‍රීයේ සිට ක්‍රියාත්මක කිරීමට නියමිතව තිබු සංකේත වැඩ වර්ජනය අත්හිටුවීමට තීරණය කළ බව ’ලොකෝමෝටිව් ඔපරේටින් ඊංජිනියර්ස්’ රියදුරු සංගමයේ ප්‍රධාන ලේකම් ඉන්දික දොඩංගොඩ මහතා පැවසීය.

22 February 2021

උතුරේ විදුලි බලාගාර ව්‍යාපෘතියේ ඉදිකිරීම් චීන සමාගමට

ශ්‍රී ලංකාවේ උතුරු පළාතේ ඉදි කිරීමට නියමිත කුඩා විදුලි බලාගාර ව්‍යාපෘතිය ජාත්‍යන්තර ලංසු කැඳවීමක් කළ බවත් ඒ අනුව නියමිත පරිදි අදාළ ව්‍යාපෘතිය හිමි කරගත් බවත් චීනයේ සිනෝ සෝර් සමාගම නිවේදනයක් නිකුත් කරමින් සඳහන් කරයි.

22 February 2021

පවිත්‍රා අද - හෙටම අමාත්‍යංශයට

කොරෝනා වැළඳී සුවය ලබාසිටින සෞඛ්‍ය ඇමැතිනී පවිත්‍රා වන්නිආරච්චි මහත්මිය සිය අමාත්‍යංශයේ රාජකාරී කටයුතු අද හෙටම ආරම්භ කරනු ඇතැයි එම අමාත්‍යංශ ආරංචි මාර්ග කියයි.

22 February 2021

වාස් හදිසියේම ඉල්ලා අස්වෙයි

ශ්‍රී ලංකා කණ්ඩායමේ වේගපන්දු යවන්නන්ගේ පුහුණුකරුවා වශයෙන් පසුගියදා පත්කරන ලද චමින්ද වාස් මහතා මාර්තු 26 වැනිදා සිට සිය ධුරයෙන් ඉල්ලා අස්වන බව ශ්‍රී ලංකා ක්‍රිකට් ආයතනයට අද (22 වැනිදා) දැනුම්දී තිබේ. එසේම තමන් බටහිර ඉන්දීය සංචාරය සඳහා එක් නොවන බවද වාස් මහතා ශ්‍රී ලංකා ක්‍රිකට් ආයතනයට දැනුම් දී තිබේ.

22 February 2021