එසැණ පුවත්

ව්‍යාජ ඩොලර් මුද්‍රණය කරන කඩදාසි මිටි 25 ක් සොයාගනී

උණ්ඩියල් ක්‍රමයට මුදල් ඩුබායි රටට බැර කිරීමේ යෙදුණු 11 දෙනෙකුගෙන් යුත් සංවිධානාත්මක කණ්ඩායමක් අත්අඩංගුවට ගත් බව කැලණිය කොට්ඨාස අපරාධ විමර්ශන කාර්යාංශය කියයි. අත්අඩංගුවට පත් වූවන් අතර නයිජීරියානු ජාතිකයන් සිව්දෙනෙකු, බෙලරූස් ජාතික කාන්තාවන් දෙදෙනෙකු, ශ්‍රී ලාංකික කාන්තාවක හා පිරිමි සිව් දෙනෙකු ඒ අතර වන බව පොලිසිය කියයි.

26 February 2021

කොරෝනා එන්නත දීමෙන් ගම්පහ මහජන සෞඛ්‍ය පරීක්ෂකවරු ඉවත්වෙති

කොරෝනා වයිරසය මර්ධනය පිනිස වන එන්නත ලබා දීමේ නිසි ක්‍රමවේදයක් නොමැතිවීම සහ වරින් වර තීරණ වෙනස් කිරීමට සෞඛ්‍ය අමාත්‍යාංශය පියවර ගැනීම මත හෙට (27) සිට ගම්පහ දිස්ත්‍රික්කයේ එන්නත් ලබාදීමේ වැඩපිළිවෙළෙන් ඉවත් වීමට මහජන සෞඛ්‍ය පරීක්ෂකවරුන් තීරණය කර ඇත.

26 February 2021

සජබ පක්ෂ සංවත්සරය මාර්තු 15 දා

සමගි ජන බලවේගයේ පලමු පක්ෂ සංවත්සරය පක්ෂ නායක සජිත් ප්‍රේමදාස මහතාගේ ප්‍රධානත්වයෙන් කොළඹ හයිඩ් පිටියේදී ලබන මාර්තු 15 වැනදා පැවැත්වීමට තීරණය කර තිබේ.

26 February 2021

නයිජීරියාවේ තුවක්කුකරුවෝ පාසැල් සිසුවියන් 300 ක් පැහැර ගනිති

නයිජීරියාවේ වයඹ දිග සැම්ෆාරාහි දී පාසැල් සිසුවියන් 300 ක් පමණ පැහැරගෙන ඇතැයි වාර්තා වේ.

26 February 2021

මෛත්‍රීගේ පුත්‍රයාට පහර දුන් පොලිසියේ සිවු දෙනෙකුගේ වැඩ තහනම්

හිටපු ආණ්ඩුකාර මෛත්‍රී ගුණරත්නගේ පුතා වන නීති ශිෂ්‍ය මිගාර ගුණරත්න යන අයට පහරදී තුවාල සිදුකිරීම සම්බන්ධයෙන් පෑලියගොඩ පොලිසියට අනුයුක්ත ප්‍රධාන පොලිස් පරීක්ෂකවරයෙකුගේ සහ කොස්තාපල්වරුන් තිදෙනකුගේ වැඩ තහනම් කර ඇතැයි පොලිස් මාධ්‍ය ප්‍රකාශ කර නියෝජ්‍ය පොලිස්පති අජිත් රෝහණ මහතා පැවසීය.

26 February 2021

අනුර සේනානායක සමුගනී

හිටපු ‍ජ්‍යෙෂ්ඨ නියෝජ්‍ය පොලිස්පතිවරයකු මෙන්ම ගායකයකුද වූ අනුර සේනානායක මහතා අද (26) දහවල් අභාවප්‍රාප්ත විය.

26 February 2021

කපමින් සිටි කිතුල්ගසට යටවී යාබද නිවසේ කත මරුට

පුද්ගලයන් තිදෙනෙකු විසින් අඩක් කපන ලද කිතුල් ගසකට කඹයක් යොදා අදිමින් සිටියදී, යාබද ඉඩමේ සිටි කාන්තාවක් මතට ගස වැටීමෙන් ඇය මිය ගොස් ඇති බව වැලිපැන්න පොලිසිය කියයි.

26 February 2021

සැරයන් පොලිස් පරීක්‍ෂකට වෙඩි තියන්න යයි

හලාවත මූලස්ථාන ප්‍රධාන පොලිස් පරීක්ෂකවරයාට රාජකාරි ගිනි අවියෙන් වෙඩි තැබීමට සූදානම් වූ පොලිස් සැරයන්වරයාගේ වැඩ තහනමට ලක්කර, ඒ සම්බන්ධයෙන් අදාළ නීතිමය කටයුතු ආරම්භ කර ඇති බව පුත්තලම නියෝජ්‍ය පොලිස්පති නිමල් පෙරේරා මහතා අද(26) පැවසීය.

26 February 2021

කෝටි 45 ක හෙරොයින් සමඟ ඇල්ලූ සෙබලු රඳවා ප්‍රශ්න කරන්න අවසර

රුපියල් කෝටි 45 පහකට අධික වටිනාකමින් යුත් හෙ‍රොයින් මත්කුඩු තොගයක් යුද හමුදාවට අයත් සුඛෝපභෝගී වෑන් රථයකින් ප්‍රවාහනය කරමින් සිටියදී අත්අඩංගුවට ගත් සෙබලුන් දෙදෙනා දින 7 ක රැඳවුම් නියෝග මත වැඩිදුර ප්‍රශ්න කිරීමට මහේස්ත්‍රාත් චානිමා විජයබණ්ඩාර මහත්මිය අවසර දුන්නාය.

26 February 2021

කතරගමට කොරෝනා මර්දන එන්නත ඉල්ලති

කතරගම දෙස් විදෙස් සංචාරකයින් ගැවසෙන නගරයක් බැවින් කොරෝනා ප්‍රතිශක්තිකරණ එන්නත කතරගම සියලු ම විහාරස්ථාන ඇතුළු නාගරික හා ප්‍රදේශවාසී ජනතාවට ඉතා කඩිනමින් ලබාදීමේ වැඩපිළිවෙළක් ක්‍රියාවට නගන්නැයි කතරගම කිරිවෙහෙර රාජමහා විහාරාධිපති ශාසන ආරක්ෂක බල මණ්ඩලයේ සභාපති රුහුණු මාගම් පත්තුවේ ප්‍රධාන සංඝනායක කොබවක ධමිමින්ද නායක හිමියෝ සෞඛ්‍ය අමාත්‍යාංශයෙන් ඉල්ලීමක් කරති.

26 February 2021

මුතුරාජවෙල පරිසර ඇගයීම් වාර්තාවට තවත් සති 8 ක්

මුතුරාජවෙල තෙත් බිම ආශ්‍රිතව ගොල්ෆ් පිටියක් සහිත හෝටල් සංකීර්ණයක් ඉදිකිරීම සම්බන්ධව සිදුකෙරෙමින් පවතින පාරිසරික අධ්‍යයන වාර්තාව ඉදිරි දෙමස ඇතුළත අවසන් වනු ඇතැයි එහි ආයෝජකයන් වන මැල්වත්ත සමාගම කියයි.

26 February 2021

රුසියාවේ-චීනයේ එන්නත් එපායි හෙද නිලධාරීහු කියති

රුසියාව හා චීනය නිෂ්පාදනය කරනු ලබන කොරෝනා එන්නතට ලෝක සෞඛ්‍ය සංවිධානයේ අනුමැතිය ලැබී නැති නිසා, එම එන්නත ලබානොගන්නා ලෙස රජයේ හෙද නිලධාරීන්ගේ සංගමය රජයෙන් ඉල්ලා සිටී.

26 February 2021

මෛත්‍රී ගුණරත්නගේ පුතාට පහරදුන් පොලිසියේ නිලධාරින්ගේ වැඩ තහනම් කරන්න උපදෙස්

පෑලියගොඩ පොලිසියේ දී නීති ශිෂ්‍යයකුට පහරදීමේ සිද්ධිය පිළිබඳව වහාම පරීක්ෂණයක් පවත්වා අදාළ පොලිස් නිලධාරින් වැඩ තහනම් කරන ලෙසට ඇමැති සරත් වීරසේකර මහතා පොලිස්පතිවරයාට උපදෙස් දී තිබේ.

26 February 2021

ලක්ෂ 10 ක අධික කේරල ගංජා සමඟ පුද්ගලයෙක් අත්අඩංගුවට

මාලබේ පිට්ටුගල හන්දිය අසල සිදුකළ වැටලීමක දී රුපියල් ලක්ෂ දහයකට අධික වටිනා කේරළ ගංජා සමඟ පුද්ගලයකු අත්අඩංගුවට ගත් බව පොලිස් මත්ද්‍රව්‍ය කාර්යාංශය කියයි.

26 February 2021

පාස්කු කොමිෂන් වාර්තාවේ අඩුපාඩු රැසක් - රනිල්

පාස්කු ප්‍රහාරයේ ඇත්ත කරුණු කිසිවක් හෙළි නොකළ ජනාධිපති කොමිෂන් සභා වාර්තාව “එක රටක් එක නීතියක්” වැනි දේශපාලන පක්ෂ ප්‍රතිපත්ති ප්‍රකාශය හා සමාන නිකන්ම නිකන් ලියවිල්ලක් පමණක් බව එක්සත් ජාතික පක්ෂ නායක හිටපු අග්‍රාමාත්‍ය රනිල් වික්‍රමසිංහ මහතා කොළඹදී අද පැවසීය.

25 February 2021

අද කොරෝනා මරණ 2 යි : ආසාදිතයන් 464 යි

කොවිඩ්-19 වයිරසය ආසාදනය වීම හේතුවෙන් තවත් පුද්ගලයන් දෙදෙනෙකු මරණයට පත්ව ඇතැයි සෞඛ්‍ය සේවා අධ්‍යක්ෂ ජනරාල්වරයා අද (25 වැනිදා) තහවුරු කරයි.

25 February 2021

කොරෝනා මළ සිරුරු භූමදානයට අවසර

කොරෝනා වයිරසය ආසාදනය වීමෙන් සිදුවන මරණවලදී මළ සිරුරු භූමදානය කිරීමට රජය අවසර දී තිබේ. ඒ සඳහා වන ගැසට් පත්‍රය අද (25) රාත්‍රියේ මුද්‍රණයට යැවුණ අතර සෞඛ්‍ය ඇමතිනී පවිත්‍රා වන්නිආරච්චි මහත්මිය ඊට අත්සන් තබා තිබේ.

25 February 2021

පාස්කු ප්‍රහාර විමර්ශනයේ ජනාධිපති කොමිසම මැතිවරණ ක්‍රමයේ දුර්වල කපොලු සොයාගනී

මහ මැතිවරණයකදී 50% වඩා වැඩි ඡන්ද ප්‍රමාණයක් ලබාගන්නා පක්ෂයකට වැඩි බහුතරයක් ලැබෙන මැතිවරණ ක්‍රමයක් කල්තියාම නිර්මාණය කළ යුතුවන අතර සුළුතර කණ්ඩායම් වලට නිසි නියෝජනයක් ලැබෙන බවට සහතික විය හැකි යයි පාස්කු ඉරුදින ප්‍රහාරය සම්බන්ධයෙන් විමර්ශනය කළ ජනාධිපති කොමිෂන් සභාව සිය වාර්තාවෙන් නිර්දේශ කර ඇත.

25 February 2021

ඇල්ලේ අක්කර 5ක් කසළ ව්‍යාපෘතියකට වෙන්කරන්න යයි

ඇල්ල ප්‍රාදේශීය සභාව මගින් ඇල්ල කරඳගොල්ල මඩුගස්තලාව ගම්මානයේ අක්කර 5ක භූමියක ආරම්භ කිරීමට යෝජිත කසළ ව්‍යාපෘතියකට විරෝධය දක්වා එම ප්‍රදේශවාසී ජනතාව විශාල පිරිසක් අද (25) විරෝධතාවයක නිරතවූහ.

25 February 2021

මහනුවර අධි අවදානම් කලාප සිතියම්කිරීම කඩිනම් කරන්නැයි කෝප් කමිටුව කියයි

මහනුවර දිස්ත්‍රික්කයේ නායයෑමේ අධි අවදානම් කලාප හඳුනා ගැනීම සඳහා සිතියම්කරණ වැඩපිළිවෙල කඩිනමින් සිදු විය යුතු බව කෝප් කමිටුව පැවසීය. පසුගිය දෙසැම්බර් 31 වන විටත් තුම්පනේ, මිණිපේ, උඩුදුම්බර, හා හතරලියද්ද යන බලප්‍රදේශ තවමත් සිතියම්කරණයට ලක්වී නොතිබීම පිළිබඳ කෝප් කමිටුවේ අවධානයට ලක් විය.

25 February 2021

කොරෝනා සියයට 99ක් වනසන මුහුණු ආවරණයක්

පේරාදෙණිය විශ්ව විද්‍යාලයේ විශේෂඥයන් පිරිසක් දීර්ඝ කාලයක් තිස්සේ සිදුකළ පර්යේෂණවලින් අනතුරුව නිපදවා ඇති කොවිඩ්-19 ඇතුළු වයිරස විනාශ කරන නවතම මුහුණු ආවරණයක් හඳුන්වාදීම අද(25) පාර්ලිමේන්තුවේදී අග්‍රාමාත්‍ය මහින්ද රාජපක්ෂ මහතාගේ ප්‍රධානත්වයෙන් සිදුවිය.

25 February 2021

මානව හිමිකම් කවුන්සිලය සමඟ ගැටලු ඇතිකරගන්න එපා

රට දැවැන්ත අර්බුදයකට පත්ව ඇති අවස්ථාවක ජිනීවා මානව හිමිකම් කවුන්සිලය සමඟ ගැටලු ඇති කර නොගැනීමට රජය වග බලා ගත යුතු බව සාධාරණ සමාජයක් සඳහා වන ජාතික ව්‍යාපාරයේ සභාපති හිටපු කථානායක කරු ජයසූරිය මහතා පැවසීය.

25 February 2021

විජමු කළේ විරුද්ධවාදීන්ගේ හිත් නොරිදවා තම මතය ජනගත කිරීමයි

විරුද්ධ මතවාදීන්ගේ හිත් නොරිදා මතයක් ජනගත කිරීමේ සුවිශේෂී හැකියාවක් වි.ජ.මු ලොකුබණ්ඩාර මහතා සතුව තිබූ බව අග්‍රාමාත්‍ය මහින්ද රාජපක්ෂ මහතා අද (25) පාර්ලිමේන්තුවේදී පැවසීය.

25 February 2021

බීමතින් රිය පදවා 50,000ක් දඩකයි

ගම්පහ මල්වතුහිරිපිටිය පොලිස් වසමේ දී වලංගු රියදුරු බලපත්‍රයක් නොමැතිව බීමත්ව රිය ධාවනය කිරීමේ චෝදනාවට වරද පිළිගත් රියදුරුට රුපියල් 50,000 ක දඩ මුදලක් ගම්පහ ප්‍රධාන මහෙස්ත්‍රාත් මංජුල කරුණාරත්න මහතා අද (25) නියම කළේය.

25 February 2021

නිරෝධායනයට යොමු කළ ධීවර ආශ්‍රිතයෝ මුහුදින් පලා යති

තිස්සමහාරාම කිරින්ද ආමදුව නමින් හඳුන්වන සීමාවේ ධීවරයින් පිරිසකට කොරෝනා වයිරසය ආසාදනය වීම හේතුවෙන් නිරෝධායනය කර සිටි ළඟම ආශ්‍රිතයින් පිරිසක් මුහුදු මාර්ග ඔස්සේ පැනගොස් ඇතැයි තිස්සමහාරාම සෞඛ්‍ය වෛද්‍ය නිලධාරී ප්‍රභාත් ලියනාරච්චි මහතා පැවසීය.

25 February 2021

‘විහාර දේවාලගම් පනත අහෝසි කරන්නේ නෑ’

විහාර හා දේවාලගම් පනත අහෝසි කිරීමට අධිකරණ ඇමැතිවරයා වශයෙන් තමා හීනෙකින්වත් සිතුවේ නැති බවත් එම පනත අහෝසි කිරීමට කිසි ලෙසකින්වත් ඉඩ නොදෙන බවත් අධිකරණ අමාත්‍ය අලි සබ්‍රි මහතා අධිකරණ අමාත්‍යංශයේ පැවැති මාධ්‍ය සාකව්ඡාකදී අද (25) පැවසීය.

25 February 2021

බුර්කාව - මුහුණු ආවරණ පැළදීම තහනම් කරන නීති ගේනවා

කොරෝනා ආසාදනය වී මියයන මුස්ලිම් මිනිසුන්ගේ දේහ පිළිබඳ අවසාන කටයුතු සිදුකළ යුත්තේ කෙසේදැයි තීරණය කළ යුත්තේ සෞඛ්‍ය බලධාරීන් යැයි අධිකරණ අමාත්‍ය අලි සබ්‍රි මහතා පැවසීය.

25 February 2021

සහරාන් හෂීම්ගේ මුල් වකවානුව

පාස්කු ඉරුදින ප්‍රහාරය සම්බන්ධයෙන් විමර්ශනය කළ ජනාධිපති කොමිෂන් සභාවේ අවසන් වාර්තාව ඉකුත්දා නිකුත් විය.

25 February 2021